|
عااااااااااااااااااااااجل ..... سامي الجابر مديرا لادارة المنتخبات السعودية ... اليوم وحسب جريدة الرياضة فان حركة التصحيح الكبيرة التي يقوم بها الاتحاد السعودي لاعادة هيكلة المناصب الادارية للمنتخبات السعودية وضعت اسطورة الكرة السعودية سامي الجابر المرشح الاقوى لادارات المنتخبات السعودية بجميع فئاتها ... لا شك ان خدمة الوطن تشريف وليست تكليف وسامي بن عبد الله الجابر قدم لوطنه كلاعب ما رفع به رؤوسنا وجعلنا نفتخر بما قدمه بين شعوب العالم .. وليست هناك انجاز قدمه لاعب لوطنه كالذي قدمه ابن الجابر وجعله يقف جنبا الى جنب مع اساطير الطرة العالمية .. ترشيح الجابر لقيادة ادارات المنتخبات ترشيح منطقي ومثالي لكفاءة تحمل مخزونا هائلا من التجربة خلال اكثر من عقدين من الزمن .. وكعادة الهلال الابن البار للوطن فهو الرافد والنبع الذي لا ينضب في تصدير ابنائه لخدمة الوطن من لاعبين ومدربين وكفاءات ادارية منحت الوطن منجزات اقليمية وقارية وعالمية يشار اليها بالبنان .. مبروك لابن الجابر هذا التشريف ومبارك للكرة السعودية عليها هذا الاسطورة والذي بلاشك سوف يحدث نقلة نوعية مرحلية في مسيرة المنتخبات السعودية .. |
لا اتمنى ذالك اتمنى من سامي ان يرفض المغادره من البيت الهلالي لانه فعلا احدث نقله نوعية من الدرجة الاولى في مسيرة الهلال .. والمنتخب هو تدمير للمواهب الادارية وبالتأكيد سامي احد هذه المواهب شكرا ع النقل |
راح يتأثر الهلال وبتشوفون وانتو فرحانين عشان راح المنتخب!!!! هذا المنتخب مابيريحنا ياصبر الأرض بس!!! |
يستاهل ابو عبدالله كل خير والله بس يترك الهلال لآلآلآلآ :cry: |
هلا فيك اخوي بس للأسف خبر مزعج لنا كهلاليين الامور مستقره لدينا والجابر لا يوجد بديل له وبكل صراحه المنتخب علته اكبر من التجديد وناوين يحطمون سامي عن طريق المنتخب وخذ الاعلام عندك الحين التصيد لسامي وحشره في كل اخفاق او مشكله والكل شاهد ماحاولوا فعله مع سامي لاعب ومدير كره استاذي العزيز اعتقد ان هذه حفره لسامي لانهاءه اتمنى ان يكون الخبر غير صحيح والتوفيق لهلالنا |
اول شي سامي يستاهل ونتمنى لك كل خير بس صراحه قهر وقهر وقهر ياخي خوذو طيب ماجد عبدالله هذاه فاضي كل مايبرز احد بالهلال شالوه |
بداءمسلسل التخريب يبون يشغلون سامي عن الهلال اتمناء ان لايكون صحيح الخبر |
لا ان شاء الله مايروح والله لو ياخذ كاس العالم مع المنتخب سبوه هذولا مايعجبهم العجب |
يستاهل كل خير بس اتمنـى مـآـآ يرووحـ .. تقبل تحيـآتي :/: سلمان :/: |
سامي خدم نادي القرن كلاعب والان يخدمه كاداري ونجح بمهمته ولكن المنتخب غير النادي فالمنتخب جميع الاضواء مسلطه عليه خصوصا كما يزعمون ان لاعبي الهلال محابون من قبل الرئاسة فليس شرط ان ينجح كاداري بالمنتخب وكدا قدروا انهم ينالون من سامي حارق قلوبهم وينسفون كل ما قام به حتى لو تعرض المنتخب لنكسة لحملوها لسامي اتمنى عدم قبول المهمة ولو اني قريت انه وافق عليها بس الله يستر |
ياناس وش فادنا المنتخب وحنا نهان ونظلم من الاتحاد السعودي..؟!! الوطنية لايمثلها فقط كرة القدم.. نحن نحب منتخبنا السعودي لكن أن يتم ظلمنا واهانتنا والترصد لنا كهلاليين ومن ثم يأتون لأخذ إداراتنا وكفائتنا ..فأين العدل هنا..؟!! تسبونا وتظلموننا وتجون تاخذون أبنائنا ..!! صدق شيئ يرفع الضغط .. أتمنى ألا يذهب الكابتن سامي..فنحن في الهلال سنحتاجه..والمنتخب يلقون غيره السعودية مليانة كفاءات.. ..سيناتور.. |
لا حول ولاقوة الا بالله يعني بيحولون حركتهم الدائمة مع المدربين الى اداريي الفريق ..! مع العلم انهم سبق وفعلوها مع المصيبيح ..! يعني ادارييين مدربين والحين بيرجعون اداريين يعني غصب تضرر ياهلال ..!! سواء بقصد او بدون قصد .. وكلنا نتمنا التوفيق للمنتخبات .. لكن للاسف دائماً مايتضرر كل الطرفين ولا نرا اي فائدة ..! عندهم كفاءات كبيرة وكثيرة غير سامي .. عندهم منصور الاحمد عادل البطي .. عندهم فيصل ابو اثنين .. يوسف خميس ..! نتمنى التوفيق للهلال وللمنتخب ولسامي والله يكتب اللي فيه الخير يارب |
إقتباس:
|
راح يتأثر الهلال وبتشوفون .. وانتو فرحانين عشان راح المنتخب!!!! |
لااااااااااااااااااااااااااااااااااااااااااااااااااا تكفى يبوعبدالله لاتغادر هلالك |
بالتوفيق لأبو عبدالله واذا ترك ادارة الهلال ان شاء الله يجي بداله فيصل ابو اثنين ولا نواف ابو بندر يعطيك العافيه ع الخبر بالتوفيق للزعيم |
لا لا ان شاءالله مايروح بعدين المدرب جريتس والهلال ينزل مستواه |
والله قهر يوم بدع سامي ياخذونه سامي احدث نقله بادارة الهلال بشهادة جريتس والحين يبغونه يوم بدع كوزمين جاء المنتخب بياخذه يوم رفض دورو عليه الزله هذا اذا كان فيه زله من الاساس والحين جاء الدور على الاسطورة حنا يالله صحينا من صدمة اعتزال سامي والحين كيف بنصحى من صدمتنا اذا المنتخب اخذ سامي والله قهر الله يستر لايجي الدور على جريتس لان كاس العالم بيحلمون يتاهلون لين يجيهم كبتن زي سامي قالو خلونا نجيب سامي براسه مهو احد زيه يمكن نتاهل الله يحفظك ياسامي |
طبعاً ماندري عن صحة الخبر بس إن حصل راح تزيد المشكلة مشاكل لأن سامي الجابر مكروه من جماهير الاتحاد والنصر وحتى الأهلي وراح يفسر أي قرار ياخذه على أنه لمحابة الهلال بالمختصر وضيفة صداع في صداع وأنصح الجابر يعتذر عنها أشرف لتاريخه لأن تاريخ الاتحاد السعودي والتعامل مع هيك شعوب غير مشرف لتاريخ سامي الناصع المرصع بالبطولات والانجازات. |
لم يتمكنوا من أخذ المدرب فتوجهوا للإداري الناجح !!!!!!!!!!!!! يعني لازم يتم تفكيك مجموعة العمل الناجحة بأي طريقة كانت لله في خلقه شئون |
لالالالالالالالالالالالالالالالالالالالالالالالالالالالالالالا ما نبييييييييييييييييييييييييييييييييي ما نبييييييييي |
إذا رآح سامي الجابر الله يوفقه .. وبالنسبة للبديل أرى أن الأستاذ عادل البطي كفاءة إدرآية وأفضل من سامي الجابر .. سامي ما قصر وبيض الله وجه كفى ووفى بطولتين في إدآرته معدل لا بأس به .. لكن الأستاذ عادل البطي بطولات حققها مع الزعيم والكل يشهد .. وياليت يرجع لنا عادل البطي مدير بدلا ً عن سامي الجابر .. أشكرك .. |
للأسف خبر مزعج لنا كهلاليين الامور مستقره لدينا والجابر لا يوجد بديل له |
اذا كان الخبر صحيح وسليم عز الله انا رحنا فيها والله ماودي يروح المنتخب ودي يقعد في الهلال والله الهلال راح يتأذى من خروج سامي وراح يتدهور وضع الفريق ان شاء الله سامي الجابر اسطورة اسيا مايروح |
لا تروعونا بلا منتخب بلا هم انا وطنيتي في كرة القدم للهلال وبس اما منتخب لا يعترف بتطوير ويمشي على اهواء ادارته ما نبيه ولا نبي نشجعه يكفينا انتمائنا للهلال |
يارب مايروح عن الهلال<<< الا سامي |
لا اتمنى ذالك اتمنى من سامي ان يرفض المغادره من البيت الهلالي لانه فعلا احدث نقله نوعية من الدرجة الاولى في مسيرة الهلال .. والمنتخب هو تدمير للمواهب الادارية وبالتأكيد سامي احد هذه المواهب شكرا ع النقل |
لو كانت صحيحة فهي حبكة من ابو وسادتي تنوحي !!!!! عندهم المصيبيح والاحمد والقريني وراهم على الهلال ومدربينه ولاعبينه واداريه ياهم امتحان الله يفكنا منهم !! |
لالالالالالالالالالالا انشالله مو صحيح الخبر لانه هو له دور كبير بعد الله في الفريق وتقبل مروري |
يا شباااااااااااااااااب الخطط مدرووووسه لا أحد يكثر كلااااااااااااام ان شاء الله ما يروح ابو عبدالله ... اقل شيء علشان جريتس مسكين ما بيلقى احد يتكلم معه انجليزي :) |
الله يكتب اللي فيه الخير للهلال ولسامي |
رجعولهم كا س الدوري ويهونون عن سامي.. هههههههههه |
لا اتمنى ذالك اتمنى من سامي ان يرفض المغادره من البيت الهلالي لانه فعلا احدث نقله نوعية من الدرجة الاولى في مسيرة الهلال .. والمنتخب هو تدمير للمواهب الادارية وبالتأكيد سامي احد هذه المواهب |
كل ما شافو الهلال مستقر خربو عليه العام اخذو منا مدربنا والسنه هذه بياخذون منا مدير كورتنا والسنه القادمه بياخذون رئيسنا والي بعده بياخذون عشرين لاعب منا لمعسكر المنتخب بحجه مباره وديه والي بعده بيقتلون جمهورنا يا رعايه بختصار شوفو غيرنا بعدين يا سامي لا تنزل نفسك تروح مستشار ولا يشار العلم علمهم والرئي رائيهم وانت فقط بتكون شماعه زيك زي غيرك او انت على راسك ريشه |
إنكان الكلام صحيح فهاذه غلطه تاريخيه من الأتحاد السعودي وأبصم بالعشره على فشل سامي الجابر لأن جميع جماهير الأنديه تكرهه لأنه أدما بقلوبعم وأيقظ مضاجعهم ولذالك سينتقمون منه وستذكرون كلامي لو وضع الجابر مدير للمنتخب أو المنتخبات وسامي لايحبه إلا جمهور الزعيم فقط ولكن ليست غريبه من الرئاسه فجميه قراراتها خطا في خطا ولو كان الجابر ذكي سيرفظ القرار |
السنه اللي راحت كانت الفكره في اخذ كوزمين للتاثير على الفريق وعندما رفض الانصياع لهم كانت النتيجه الطرد والحين جاء الدور على سامي والله يستر من العواقب والله اشياء غريبه ليش مايشوفون الانديه الثانيه والا الهلال بس اللي موجود بالساحه والباقي كومبارس ..:( |
ابو عبدالله يستاهل كل خير بس انه يترك الهلال لا و الف لا حنا ما صدقنا يرجع لا لا ان شاء الله سامي ما يترك شبيه الريح مهما كان اذا الخبر صح الله يوفقه مع اني مو راضية لكن هذا قرار |
إقتباس:
أنا أختلف معك. سامي الجابر لا يمكن أن تقارن أي إداري فيه .. قدرات سامي عاليه جداً .. لو نظرنا لـ اللغات اللي يستطيع التكلم بها سامي ( الأسبانيه - الإنجليزيه ) ولا أدري هل البطي يجيد الإنجليزيه ؟ وسامي ماله سنه ونص إداري لذلك لا تحكم على عدد البطولات من الآن أنتظر على الأقل سنه ونص آخرى وبعدها قيم عمله كإداري .. وأنا اشوف سامي تعامله وأسلوبه أفضل بكثيــــــر من البطي وإذا تبي تتأكد من هذا الشيء شاهد الإي أر تي وشاهد أسلوب البطي ودائماً مايتمسك برأيه حتى لو كان خطأ ( راسه يابس وعنيد ):d وهذا ماينفع يكون إداري ناجح . ومدرب عالمي مثل جريتس لا يرضى بإداري غير ديمقراطي وحتى الاعبيـــن يفضلون الإداري اللي يفهمهم . سامي فيه ميزتين تجعله أقرب شخص لـ جريتس أولا ( اللغة ) ثانياً ( الرؤيه الفنية ) اللي يمتاز فيها سامي والدليل على كلامي هذا جلوس سامي مع فينجر في إستديو واحد تحليلي في قناة الجزيرة. وهذا وبالله التوفيق :rose: |
بصراحة عمل سامي في ناديه ابرك واخرج ولا المنتخبات يطغى عليها التدخل من جميع الاطراف |
انا اتمنى اذا الامر ولا بد منه ان يشرف على المنصبين جميعاً مشرف عام على كرة القدم في النادي ايضاً منصبه الجديد في الاتحاد السعودي اما اذا كان الامر حمل منصب واحد فقط فلا احبذ مغادرته للبيت الازرق مشكور اخوي |
اول شي سامي يستاهل ونتمنى لك كل خير بس صراحه قهر وقهر وقهر ياخي خوذو طيب ماجد عبدالله هذاه فاضي كل مايبرز احد بالهلال شالوه |
لا اتمنى ذالك اتمنى من سامي ان يرفض المغادره من البيت الهلالي لانه فعلا احدث نقله نوعية من الدرجة الاولى في مسيرة الهلال .. والمنتخب هو تدمير للمواهب الادارية وبالتأكيد سامي احد هذه المواهب شكرا ع النقل |
الله يستر والله يوفق سامي وين ما وجهه |
لاحول ولاقوة الابالله ماراح يخلون شى للهلال حتى الأدارين ..........عسى بس مايأخذون رئيس النادى هم لو خذوها راح يرجع المنتخب أحسن من أول ويرجع المنتخب لعرش البطولات .............. |
الله لايقوله فال الله ولا فالك منزين المنتخب عشان يشرف عليه الاسطوره ويارب كلامك يكون مهب صحيح ونا ماخذ عهد على نفسي ماراح اشجع المنتخب مادام سلطان النكبه موجود ودائما اشجع المنتخب اللي يلعب ضد منتخبنا للمعلوميه ترى سلطان ونائبه يعتقدون ان المنتخب منتخبهم لحالهم واذا نجح المنتخب يعتبرون نجاح لهم وهذا اكثر شي يخلين مأشجع المنتخب وسلامتكم |
يستااااااااااااااااااااااهل ابوعبدالله |
بدا التخريب على هلالنا من اليوم قالوا حده بطولة بس على ادارتنا الموقرة التصدي بالعقل والحكمة للحرب القائمة من الان على هلالنا بس في حاله وحده انه مايترك الهلال واذا جاء مباريات المنتخب يتفرغ في وقتها وهذا مجرد رأي لا يجيني احد ويطب فيني مجرد رأي مني |
ياخي مدري ايش أقول جالسين يضحكون علينا ماقدرو على جريتس حولو على سامي يعني سامي اللي راح يخلي المنتخب توب ؟ الهدف واضح كله تخريب على الهلال لكن أتمنى تكون فيه شويه جرأة ويقدر يوصل سامي للمسؤولين إنه يرفض مغادرة الهلال لأن الهلال هو بيتي ووطني أما منتخبكم الفاشل خلوه لكم |
لمصلحة من يدفع جمهور الهلال الى كراهيت منتخب بلادة!!!! يدو ان هناك شخص في الاتحاد السعودي يتصرف بلا مسؤولية |
لايوجد أي شي رسمي حيال هذا الموضوع .. وسامي الجابر باذن الله باقي في منصبه بنادي الهلال .. الفريق يعيش في مرحلة استقرار ووجود سامي يعني الكثير للادارة وللجهاز الفني وللاعبين كذلكـ وصدور مثل هذا القرار في مثل هذا الوقت حتى وان كان مجرد اشاعه لايعدو كونها اشاعه مغرضه هدفها زعزعه الفريق الهلالي واستقراره .. طرد كوزمين كفى ووفى ولانريد أي تخبطات جديده ..!! .............. |
| الوقت المعتمد في المنتدى بتوقيت جرينتش +3.
الوقت الان » 03:00 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd