بسم الله الرحمن الرحيم

ألف الف الف الف الف الف الف مبرووووك لكل هلالي وهلالية هذا اللقب الغالي والقادم احسن ان شا الله ويارب الآسوية قولوا آمين

بعد هالقدمة البسيطة بدخل بالموضوع , موضوع بصراحة ازعجونا فيه بعض الأعضاء الله يجزاهم خير

وهم احد نوعين :
1- جماهير المناطق الأخرى .
2- مشجعين للهلال من مدينة الرياض لكن مايحضرون وشغلهم فقط الإنتقاد دون دراية بالوضع .

كثر الكلام ان جمهور الرياض يفشل ومايشرف وشوفوا جماهير المناطق الأخرى

وتكلموا عن مباراة التتويج وقالوا جمهور يفشل

لكن الظاهر ماحد يعرف واجهة الاستاد تعادل 50 الف مقعد

يعني لو جبت هالخمسين الف مشجع اللي حضروا وحطيتهم في أي ملعب من ملاعب المناطق الأخرى صار نص الجمهور برا

ملعب الملز حوالي 26 الف

ملعب جدة اقل من ذلك بكثير مايجي حول العشرين الف

ملعب الدمام تقريبا من 20 - 25 الف

ملعب بريدة ماهو بعيد عن الـ 20 الف

وملعب الملك فهد 70 الف واللي سبق لجماهير الرياض ان غطته بالكامل مرات ومرات

فلا احد ينتقد جمهور الرياض اللي لو كان ملعب الملك فهد في مدينة أخرى غير الرياض اتحدى تفلل الواجهة

وجمهور الرياض بلا مجاملة هو أكثر حماسا وابداعا من جماهير المناطق الأخرى مع احترامي لهم ولعشقهم وهم حضروا في ملاعبهم وبيضوا الوجه

لكن لاتبخسوا جمهور الرياض حقهم فحضور 50 الف في ظل ظروف الإختبارات لا اظن ستقدر عليه المناطق الأخرى

واخيرا تحياتي لجميع جماهير الهلال في أي منطقة بالمملكة ولكن كلمة حق احببت ان اقولها .