|
ليش احنا كذا في احتفالتنا السلام عليكم بعد التحيه تنبيه / كلامي هذا باستثناء رئيس الهلال ونائبه والله شئ يرفع الضغط احنا ليش كذا في احفالتنا واللي يقهرك زود أصحاب الكروش والشمغ اللي يتلزقون مع الاعبين في المنصه خير يابو هي لللاعبين وليست لأعضاء مجلس الإداره ولا للجهاز الإداري ولأ علشان يقول لأم مقبل على العشا هاه شفتيني طالع بالتلفزيون بلا قولي لزميلاتك والله تشويه للمنظر العام ثمن نجيك للمصورين والله منظر يفشل ملاحق للاعبين وتشبير على كيف كيفك للملعب .... ثانيا في نقطة ثانيه تخص اللاعبين أتمنى أن الإداره تقدم لهم دروس في فن الأحتفال يعني ياليت ننسى احتفالات زمان جيل الثمانينات و التسعينات يعني تطورنا شوي حرام عليكم احنا في 2010 يا شيخ ... المفترض يكون الوضع الاعبين يتجمعون في منصة الإحتفال و المصورين قامهم يصورن ثمنا اذا قضوا يروحون الاعبين ويتجمعون خلف لوحه (يا فطه ) مكتوب عليها الهلال بطل الدوري السعودي بالله قوللي وش بيضرهم منها نشوف منظر حضاري ومنها أن المصورين ياخذون أحلى صوره ولقطه سواءا للجرايد أو المجلات ....... هذا ما أردت أن أفضض به واللي سببلي غصه في الفرحه وأتمنى أن نشوف منظر حلو في احفالنا بكأس ولي العهد .. رومانيوتوتي |
تدري وش الي يقهر الي يقهر منصة التتويج خلفها لوحه كبييره مغطيه ع الجمهور يعني الجمهور مايشوف التتويج غير الشرايط الي طايره بالهوا الفروض مافيه لوحه خلفهم ياناس فيه خمسين الف وراكم يبي يشوفون معقوله عشان لوحه تخبونهم عن الجمهور ولا إذا ملزمين حطوا الواجهه لم الجمهور مو عشان شخصين تحرمون خمسين الف من مشاهدة فريقهم بهاللحظه |
إقتباس:
|
اي وـآلله صآدقين انا طبعآ لو كنت معهم حذفت نعلي عليهمـ على اللوحهـ اللي ورآهم خليتهمـ يوخرونـ خخخخخخخخخخخخخخخخ>> اوخص يآبطل |
الف مبروك لنادي القرن ونتمنى التوفيق في الاسيويه |
. .. .. .. .. الفرحة وما تسوي الشخص ما يقدر ينتبه لتصرفاته |
سلبيات كثيرة منصة التتويج لازم تصير قدام طويلين العمر والجمهور اللي هو الزبدة يزلبونه ولا كنه موجود واذا احتفلوا بالكاس اللعيبة شف زحمة المصورين والصحفيين قسم بالله خفت على الدعيع اليوم يطيح هو والكأس يا رجاااال انواع السلبيات خلها على ربك انا صراحة خطرت لي فكرة رائعة بس ما فيه امل تتطبق المفروض التتويج عند طويلين العمر يكون في المنصة عندهم وبعد نزول اللاعبين والكابتن بالكأس يكون فيه سيارة احتفالية كل اللعيبة عليها وتدور على الملعب بهداووة المضمار موجود على الفاضي يعني :d لازم نستغله والا وش رايكم ؟؟ عطوني رقم سلطان بن فهد اشوف |
ياليت من يلقى رقمـه وـآلله بس لو قلنآ له مو منعآد التتويج الا بعد سنه |
بصراحه الإحتفال اليوم رائع.. صحيح أنه فيه بعض الأخطاء لكن لم تفسد الفرحه بالدوري.. |
الف مبروك لنادي القرن 00000 |
تراك في السعوديه يابعدي .. منتب باإنجلترا والا إسبانيا .. يعني خل اللاعبين يفلونها يتمشون .. وهذي طريقه رهيبه والله تلف الملعب بالكأس كويسه جدا :d |
التتويج كاااان حلووو لكن استغرب دخول غير الاعبين لمنصة التتويج |
أقول انا اليوم حاظر الاحتفال احتفاااال رااااائع جدا الف مبرووووك ياهلال |
يارجال هاذي اشياء فالكره السعوديه مستحيل نغيرها خلها على ربك بس والله اهم شي الكأس والفرحه بلقب الدوري والنقاط الـ3 المهمه جدا فالمباراه والحمدلله على كل حال عوافي يابطل |
آلأحتفآل حلووو صرآحهـ بس لو فكونآ من آلزلأيب آللي يرز خشمهـ عند آللآعب كنه هو آللي جآب آلكآس ومثل مآقلتو تكون آحتفآليه للآعبين وآمآم آلجمهور حليل آلجمهور دبغه آلبرد يبي يشوف آلتتويج وآللوح آللي حط آللوحه يبي لهـ مسمآر ندقه في مخهـ آلتنكهـ |
| الوقت المعتمد في المنتدى بتوقيت جرينتش +3.
الوقت الان » 03:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd