|
طيب السؤال الي يفرض نفسه علينا..: والحل وشو..؟!! المسألة أكبر من إننا نمنع المدرس الخصوصي أو نلغيه.. المسأله أصبحت متجذرة في المجتمع الآن.. يعني صارت ضرورة من الضروورييات.. أنا ما أقول هالكلام علشان أبرر العمل ..لالالا..أنا أقوله لأني أبي الحل..؟!! شكرا لك.. ..سيناتور.. |
موضوعك مبالغ فيه بشدة,,,, مااعتقد فيه مدرس خصوصي ياخذ 3000 بالشهر يعني بالترم الواحد ياخذ 12000 مااظن, اغلب اسعار المدرسيين الخصوصي بالرياض تتراوح من 2000 الى 4000 والمبالغ فيه ممكن تلقى من 5000 الى 6000 بالترم الواحد يعني فصل دراسي كامل.>>وعاد يجيك مدرس يدرس اكثر من 6 طلاب خصوصي ويفلها :) يعطيك العافيه . |
سنياتور هلالي ,, إذا بـ حل الطالب ما يتعدى 30 من 50 إلا من رحم ربي لاكن يوم يجيب المدرس خصوصي يجيب 48 من 50 أو 50 من 50 وأحيانا المدرس يحل عنك إذا كنت مخطىء في الأختبار وانت جايبه خصوصي ,, لاكن النقطه المهمه ان بعض المدرسين الأجانب يتعمد يصعب الماده على الطلاب والهدف معروف يبي الطلاب يجيبونه خصوصي ,, دمتم يزيد |
يا حبيبي هم ما يجيبونه عشان يدرسهم لا يجيبونه عشان اسألت الاختبار يعطيه اياه وبكره خويي بيجيب مدرس مصري بـ 700 بس عشان يعطيه الاسئله |
طيب يا زيزو المسعودي و يا سيناتور ليه إلا الأجنبي بس محتل هالوظيفه الإستثماريه ؟؟مع إن فيه بعض السعوديين المدرسين حالتهم افقر من الأجانب؟؟!!! |
والله من حقهم معليش بس اتكلم عن الواقع يجيك مدرس مايعرف يشرح تقعد ترسب وفي سنه مهمه على انك ماتدفع له وبالنسبه للوقت مثلا واحد الله معطيه القدرة على الفهم السريع لكن المدرس في المدرسه مو راعي دراسه بالعربي مو حق شرح وتدريس يجيك يدرسك الماده بمده بسيطه وفهمتها خلاص ليش يقعد الا اذا عندك شي وماراح يطلع منك الا وهو مفهمك انا ماتكلم كاني ادافع عنهم لكن فيهم ناس مالهم ذمه ولا ضمير |
صدقت في كلامك .. لا اخفيك انا جربت المدرس الخصوصي مثلي مثل بقية الطلاب ونروحله حتى باب بيته وندخل عنده :wub: طبعا بالاسبوع درسين فقط ومدة الدرس ساعه واحده !! قبل مايخلص الدرس تشوف اللي بعدكم ينتظرون عند الباب يعني تدخل تلقى ناس يطلعون لما تطلعون ناس يدخلون وهكذا:s5s: احنا ثلاثه نروحله بالوقت هذا وقبل الامتحانات دخل طالب معنا بالمدرسه رابع بنفس الوقت صرنا اربعه المبلغ والله العالم 900 بالشهر ومافيه الا درسين بالاسبوع كم يطلع بالترم ؟ صحيح اني استفدت منه بحكم ان مدرس الرياضيات اللي يدرسنا مدري احسه تخصص جغرافيا من قوة انه مايعرف يدرس :razz: جد بعض المدرسين احس ماعنده تطوير لنفسه مايعرف كيف يوصل النقطه للطالب. بس المبلغ اشوفه واجد شوي مفروض يكون فيه مراقبه من قبل وزارة التعليم ويكون فيه اكثر اهتمام فمثلاً لو جابوا دكتور مميز ويكون هناك وقت كالمغرب مثلاً من خلال ثلاث ايام بالاسبوع درس خصوصي يتبع للتعليم ماهو افضل من المدرسين ؟ لان المدرس الخصوصي لايهمه فهم الطالب اهم ماعليه هو دخله الماادي :razz: يعني لو حسبناها اخواني احنا ثلاثه فقط خلال اسبوع ساعتين 8 ساعات بالشهر كم يطلع ؟وقس على جميع الاوقات طبعاً يدرس المصري من بعد العصر حتى العاشره ليلاً والله كريم ولو حصله مانام:razz: با احد شوارع الريااض قبل فتره كنت ملبق السياره والله يافيه ملصقات اعلان عن مدرسين خصوصين من كثرهم تقول والله لو هم يدرسون مجانا :s2: |
**** انابس من يوم دخلت الجامعه وهي كاثرة زياراتي للخصوصيات:cry: واتذكرمن اللي رحت لهم مدرسة سورية كانت تدرس احصاء:wub: و معاي كم وحدة من شلتي تقريبا 5 طالبات ونلاقي عندها شلل ثانية من نفس القسم لدرجة قاسمتنا فغرفتين من كثر البنات:s5s: تدرسنا شوي وتروح للصف الثاني شوي:razz: والعمه مقسمه البنات يجونها على فترات طول اليوم ماادري متى ترتاح بس:wub: احديجيها الظهر اول مانطلع من الجامعه ودفعةالعصر ودفعة بعد المغرب واحيانا يروحن لها الصباح اذا كانواغايبات قبل الاختبارات:wub: حسبت كم تاخذ بس من عدد البنات اللي شفتهم عندهاواللي قالوا نروح لها 100000بالترم :to: مع العلم تاخذمنا عالكتاب 1000 ريال وحل الواجبات والمسائل 500:s5s: هذا غيرالبنات اللي ماادري عنهم:wub: لذلك ان شاء الله اول مااتخرج قررت اصير مدرسة خصوصية مع انه مافي اقبال عالسعوديات والسعوديين الخصوصين:ranting: بس بتنكربصورة مصرية ولاسورية مؤقتا :d وان شاء الله اطخطخ بالملايين و راح انافس الوليد :s4s: |
والله انا جبت مدرس خصوصي والله انه كفو ما راح يروح الا لما تفهم الدرس حتى ان الفلوس ما عطاه اهتمام ويوم قلتله كم تبي في الشهر قال اي شي منك زين قلت له لا انت حدد قال 300 يكفي |
فيه مدرسين بتاع كلو فاشلين مايعرفون يدرسون ومايستاهلون ريال واحد ! فيه مدرسين ممتازين ، بس لا تتفق معهم الا بسعر معقول .. أنا عن نفسي يكفي مدرستي ما احتاج مدرس خصوصي لأن كل المدرسين ممتازين رغم أن 80% منهم أجانب |
الله يذكرك بالخير ياهريدي كان يجيني الشقة اعطيه 250 ريال ويعطيني الاسئله اللهم بالسؤال حق الاختبار ( اكل احمد التفاحه ) انا اللي عندي ( اكل محمد التفاحه ) وكاس شاهي كشري وملبورو احمر وسلامو عليكو :D |
| الوقت المعتمد في المنتدى بتوقيت جرينتش +3.
الوقت الان » 12:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd