شوفو . هي طقطقــه يعني سوالف من تاريخي وبمــاا انها اول موضوع لي . بقول لكم بعض الحركـاات

ماعليكم من الشطر الاول لـ/ المستعجلين . اهم شئ الشطر الثاني لـ/ الفزعه

المهم انتم مستــاانسين وكل شئ ..

ع فكره نسيــت اسلم { الســلاام عليكــم } .. ادري نصكــم بيقول ليه ماراح فوق وكتب السلام بالاول ونزل تحت

بس يالله اهم شئ الفكره وصلت . وانـاا انســاان استثمر وقتي . وما ابغـى اطلع مره ثانيه فوق وتخبرون يعني

انا وقتي من ذهب .. المهم

انا مسجلن اكثر من مره هنـاا باكثر من ايميل ؟ وكل شوي يطلع لي سالفه انسى الرقم ولا انسى الاسم اللي مسجل

فيه . واغلبكم يدري ان التسجيل هنا والسماح بالكتـاابه تسنه تقديم في وظيفه ماشاء الله هههههههههههه

^

عسى يسمحون بالنشر بعد هالشطحه !

عــااد انا مسجلن باكثر من ايميل يقال اني بتحـاايل ع الاداره . كنت اقول شكلهم يعرفوني عن طريق ايميلي ومايبوني اسجل

لان هذرتي واجد ويبون يفتكون مني .. فسجلت اكثر من مره ولاهم راضين ييقبلوني .. فـ/ تفشت من هالحال

وصادفت لي واحد من العيال يخش المنتدى وسجل مره وترك المنتدى . فـ: اخذت منه اليوزر

ولي اسبوع وانا احاول ادخل .. ولاهوب راضي جربت رقمه السري ورقم اخوانه وخوياي كلهم يمكن حاطه عليهم

المشكله طلع الرقم السري مافيه اي اشكــاال . المصيبه في الاسم . انا مادري وش جاني على ..

هلالي كتلوني . تسني سامعه يقول لي اليوزر كذا . وافحط لمى دقيت عليه وقال لي ..

المهم مالكم في الطويله .. بخش في فزعتي .

انـا انسـاان موظف في شركه . ومديري اجنبي . ويدري اني هلالي .$ وسبحـاان الله

كل ماسحبت ع الدوام . يدري انه فيه مباراه للهلال ..؟ ههههههههههههههههههه

لدرجه انه قبل اي مباراه يقول لي بكره اثنين ابسنت مافي يجي انتا .؟

شكله نصراوي هالاجنبي مادري وش علته علي .. لا الادهى والامر< ادري انها قويه من هالسالفه كلهـاا

قسمن بالله يوقفني عن العمــل لمى اراجع مقر الشركه < ويادبلت التسبد يالشركه ..؟

كل ابوهم اجانب ماافهم عليهم ولايفهمون علي .؟ طبعــاا انـاا تخبرون يعني لازم اخففها شوي هههههههههههههه

الدور الثاني صرت قبل كل مباراه اروح لـ/ المستشفى مع سواق الشركه مع التمثيل اني مريض . وخذ لك حسابات

ادويه وكشف وبالغصب اطلع بيوم علشان احضر فيه للمباراه .؟ هههههههههههههه

{ طبعـاا اللحين مايقبلون مني اي عذر طبي الا من المستشفى اللي ع التامين !! اتوقع انهم راسلين لكل الشركات اللي متعامله مع تاميني صورتي ورقمي الوظيفي وكاتبين . هلالي ممثل لاتعوطنه اجازه }

اليوم . رحت لهم كالعاده وقمت امثل واسوي اني بيغمى علي ومادري ايش يعني من قو التمثيل جلست باقي يومي

احس اني تعبــاان ..؟ شفتو شلون الحماس في التمثيل هههههههههههههههه

رحت لـ/ مديري وانا مسوي اني رايحن فيهـاا .. قال لي بالحرف الواحد { انا معلوم بكره في مباراه وبعدين خلاص

بارتي وماادري ايش مافي روح ماديكل < ماديكل يا انه مستشفى او انه مستوصف }

حاولت فيه وحاولت فيه . وصرت اقول له لو انها نهائي كريكت كان سحبت ع الدوام وانا اخر يوم للهلال بكره بحتفل معاه

فـ/ رفض وشدد على حظوري ..؟ عــااد مجلس الجمهور محتاج ناس يشيلون الاعلام علشان يظهر التتويج بـ/ احلى حله

وانا بجي افزع لهم ..؟ علموني وش اسوي ..؟ دبروني ..

ع العمؤم . ماعليش على هالسالفه الملخبطه بس لاتلوموني { ظروف البرد والتفكير في مخرج لـ/ مديري بكره }

كتبه اخؤكم : ابو ريم < احس فله هالحركه هههههههههههههههههههههه

دمتم بود واكليل ورد