|
إن شاء الله خبر غير صحيح المشجع الهلالي لن يبخل بعشرين ريال على الفريق الذي أفرحه طوال الموسم الدخول المجاني فرصة لبعض ضعاف النفوس من جمهور المسيار لإثارة البلبلة ومحاولة إفساد الفرحة وبإذن الله سأكون متواجد في الدرة ولو تم رفع السعر لخمسين ريال الزعيم يستاهل |
كلامك صحيح اخوي حمد المفروض انهم مااصدروا ذا القرار وكلنا عارفين بأن الصاحي والخربان بيجون للملعب وبتصير مشاكل والسبب المهايطية الي مسوين فيها عنتر وبيجون الفقراوية والاتشادية ويسببون مشاكل بين الجماهير وبعد التتويج لاقدر الله بتسمع قرار بمعاقبة جمهور الزعيم كلها 20ريال وماراح تخسرنا اي حاجة وكلها فداء للهلال ولرجاله تقديري محمد الدوسري |
اعتقد اخوي حمد اخالفك الراي كل انسان يبي يتابع كرة قدم لايمكن انه يستغني عن الحضور الجماهيري الكبير واحنا اشتقنا لحضور 70 الف متفرج ماشفنها الا ايام الظاهره محمد بن فيصل وربي انواع الاحتفالات اني اكون من الصباح حول الاستاد ايام الاسيويه والدخول مجانآ تشوف البوابات من الصباح عليها تزاحم شي خيالي منظر رهيب وشي يحمسك وياليت يكون الدخول مجاني مو في هالمباراه بل في البطوله الاسيويه وانا اطالب وبشده انه يكون الدخول مجاني وخاصه بالاسيويه نبي نشوف 70 الف متفرج في كل مباراه وجهت نظر...................؟ |
هذا الكلام والله !! المجاني يجيب ناس تخرب ووسخه من جد وخااصه جمهور الفقر يدورووون مثل هذه الامور اللي يحب الهلال مايستخسر 20 ريال لعيونه |
كلامك صحيح والله يكتب الي فيه الخير وصالح الزعيم |
كلام سلميييييم 20 الرياال لعيوون الزعيم مو خساارة |
كلام سليم100/100 يعطيك العافية |
صادق اذا كان الدخول مجاناً بتصير انواع المشاكل بيجي جمهور ما يدري وين المباراة و لا هو حتى جاي يشجع ..!!! اتمنى ما يكون الدخول المجاني |
تراها 20 ريال ولا شي ترى يعني اللي بيقعد بالقهوه اقل شيء بيدفع 5 ريال مشاهده و غير العصير ولا الببسي ولا ولا و اذا كان يعسل بعد يعني بيدفع اكثر من العشرين و الحمد لله ترى 20 ريال قليل والله في ناس تدفع بالمئات انا ما اقولكم عندي و عندي لالا الحال ميسور زيي زي اي سعودي و هلالي لكن استغرب من اللي يقولي 20 كثيره لو تدخل البقاله تطلع وانت دافع اكثر انا معك في انه يكون الدخول بفلوس اللي يحب الهلال حتى لو قالو له بـ100 دفع انا من جده و اصحابي كلهم اتحاديه شوفهم لما بيحضروا المباريات الجماهريه و لما ما يلقو درجه اول ولا ثانيه يبدأ يدور على ممتاز يعني بيدفع 100 و اذا مره دور على منصه يعني 300 و حالي من حالهم يالله ننتظر اخر الشهر يجينا مصروفنا لكن في موازنه في حياتنا و بعدين ما تبي تحضر لا تقولي 20 كثير احفظ كرامتك و اسكت كلامي موجه للي يستكثر العشرين يعني لو ما كان 20 كم بيكون و كم تبغون 3 ريال ؟؟؟ ليه هو باص كدي استغفر الله و اتوب اليه عقليات الله يكون في عوننا و عونكم |
شدعوه اللي يقولون جمهور مجان يعني كل هالأعداد اللي تحضر المباريات وتقولون جمهور مجان |
كلام سليم ونتمنى الدخول يكون بتذاكر ويفكوننا من جمهور المجان وشكرااا على طرحك للموضوع الرائع الذي يصب في مصلحة الهلال |
بكل صراحه مهب مالي الملعب الا هالجحلط لان الدعوه اختبارات والهلال حاسم البطولة ولا في اي داعي للحضور (((عند بعض الناس))) شكرا على مووضوعك واحترم وجهه نظرك واقدرها لكن هذي وجهه نظري |
والله ان كلامك سلييييييم ... ودايم المباربات الي دخولها مجانآً نشوف فيها مشاكل بين الجمهور كثيييييييييييير لان نصهم ماحضرو عشان المباراه عشان شي ثاني’’ وكلن عارف قصدي’’ ... لاهنت آخـــوي حــمـــد ... |
شكرا لك ، و أنا مؤيد لكلامك 100% ، و الدخول اللامجاني لكي ندعم الخزينة الهلالية . |
يا رجال خلهم يحطونه مجاني وياليت يحضرون جمهور الرياض .. وقسم يشبون التسبد مع احترامي لهم |
| الوقت المعتمد في المنتدى بتوقيت جرينتش +3.
الوقت الان » 03:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd