|
الهلال في الملز مستحيل ينهزم السلام عليكم كل عام وانتم بخير ومبروك عليكم البطولات بس قد ايش حزنت لما خسرنا كاس فيصل لاننا الفريق المستحق لاعبين ومدرب خاص وتعب واصلا بما اني هلالي من حقي أبي كل البطولات عموما الحمد لله على الدوري وابي البطولات الباقية كلها وحتى كاس العالمs13s من حقي أنا هلالي بس لازم اللاعبين يلعبون مثل مالعب الهلال أيام سامي وأبوثنين وخالد التيماوي والشلة السابقة في ثقة وعدم خوف من الاعلام عموما هذا موضوعي الاول واحب أقول كل هلالي له مكان في قلبي وافديه بروحي عموما حبيت أخذ رايكم وهذا الكلام قاله لي صديقي من العام يقول أنا أتفاءل بملعب الامير فيصل واذا كانت المبارات في ستاد الملك فهد صعب يفوز الهلال انهزم من النصر في ستاد الملك فهد و خسر كاس فيصل من ستاد الملك فهد وبعد فزنا كل مبارياتنا على الملز انا ما اؤمن بالخرفات هذي بس شيء يحير أبي كل واحد يشغل مخه ويفكر هل كلامي صح او لا وبعد يمكن عشان كبر ملعب ستاد الملك فهد وقلت لكم اللاعبين صار عندهم خوف وكل شيء مثل ما خسرنا كاس اسياء وبعد واللي دقق في مبارات النصر الاخيرة يشوف الربكة والخوف في لاعبينا شيء محير عطوني رايكم حبايبي |
والله شف انا لا أومن بمثل هذي الاشيــاء ... بس اعتقد كل مباراة لها ظروفهــا ممكن لو لعب النهائي على الملز ... برضه الشباب راح يفوز ونفس الاخطاء اللي في الملك فهد راح تتكرر في الملز بس اعتقد انها نوع من الصدفـــة ( المتكرره ) |
اخوي ارجع لتاريخ الزعيم وشوف ان كل البطولات اللي تحققت بمدينة الرياض من بعد عام 1410 هـ كانت على استاد الملك فهد ومنها على سبيل المثال البطوله العربيه اللي نظمها الهلال تحت مسمى بطوله الامير عبدالله بن سعد رحمه الله عام 1415 هـ وكانت المباراه الختاميه امام الاتحاد و السنه اللي بعدها نظمها النصر و حققها الهلال على استاد الملك فهد امام الترجي التنونسي وكان هدف الفوز عن طريق الفيلسوف ابو يعقوب و البطولات الاسيويه اللي حسمها الزعيم على استاد الملك فهد ،،، هذا بس على سبيل المثال ولا الزعيم حقق البطولات في جميع الاحوال و على قوله فيصل ابو ثنين الهلال حقق بطولات حتى في الباص لان الزعيم و الزعماء جيل ورا جيل قادرين على على حسم البطولات في كل زمان و مكان بمشيئه الله ثم بوقفه رجالاته الصادقين شوف عندك مثلا امس مقابله الدكتور عبدالرزاق ابوداود في الدليل القاطع قال افضل نادي هو نادي الهلال من ناحيه اعضاء شرفه يدعمون حتى لو ما كان لهم مطامع في رئاسه النادي بالعكس جميعهم يكونون يد وحده مع مجلس الاداره وهذا هو سر تميز الهلال و تحقيقه للبطولات على مر الازمان و هذا هو سر وصول عدد البطولات المحققه 49 بطوله و عقبال باقي بطولات الموسم اسف اخوي على الاطاله لكن بصراحه استفزني موضوعك مثل النصراوي اللي كنت اتناقش معاه و قال لي ليه الهلال ما يحب يلعب قدام النصر في العصر ،، فكان ردي عليه بشكل مختصر اسئل شاكر العليان عن موسى نداو و الى الحين انا انتظر رده وش قال له شاكر اكرر اسفي اخوي على الاطاله اخوك شبيه الـــريـــح |
اخوي كلامك صح بس أنا اقصد هذا الجيل وبعد حرام عليك تشبهني بنصراوي |
كبر الملعب من صالح الهلال .. طريقه الهلال في اللعب وتكتيكاته الهجوميه تحتاج مساحات وجميع الفرق تقريبا تعتمد اسلوب التقفيل والهجمات المرتده امام الهلال والملاعب الصغيره تساعد على تطبيق هذه الاساليب اكثر بينما طريقه الهلال في اللعب المفتوح يخدمها اكثر كبر الملعب لذلك دائما مانشوف الهلال سئ في الملاعب الصغيره سواء كان هذا داخل المملكة او خارجها .. الهلال هزم الحزم بالاربعه مع الرأفه في الرياض وبهدفين بطلعة الروح في الرس .. وهزم نجران بالخمسه وهو مرتاح في الرياض و تأخر بهدف ويالله فاز بهدفين مقابل هدف بنجران .. وقبل سنوات قليله لعب الهلال في ملعب صغير بالكويت وتعادل واحد واحد بهدف هلالي مشكوك فيه ولما لعب بعدها بفتره بسيطه قدام نفس الفريق باستاد الملك فهد فاز بالسبعه لذا لا نستطيع ان نقول ان الملعب الصغير افضل للهلال بالعكس فالفرق الكبيره تتميز في الملاعب الكبيره ولكن كل مباراة وظروفها. |
الجيل هذا حقق العام كاس ولي العهد وانت الصادق ودك تقول ان الهلال ما شاف خير من بعد ظهور الانترنت و المنتديات لان معظم المشاركات مالها سنع كلنا شفنا من كان ضد ولهامسون و نيفيز وكيف كانت معظم المشاركات في المنتدى و كانها شخبطات على الحائط من مراهقين لا يفقهون شئ في الامور الفنيه و لا الاداريه و بشخطه كيبورد تشكلها قصر نظر يبي الاداره تمشي على كيفه و في الاخير هم اللي حسمو لك الدوري باسئلك مو هذا الجيل هو اللي حقق بطوله الدوري قبل العام انصحك اخوي تروح لقوقل و ابحث عن تاريخ الزعيم لان التاريخ لا ينسى و شوف هذا الجيل كم حقق بطوله في الابع سنوات الاخيره و قارنه بالمنافسين ،، و اسف على قوه طرحي و تقبل مروري و تعليقي اخوك شبيه الـــريـــح |
أخوي كلامك ذهب وصحيح خصوصا مبارات نجران الاخيرة والله وأنا اشوفه احس اني داخل الملعب واحس ماني قادر اجيب قول أتوقع المسألة مسألة يمكن الثقة الزايدة شكرا لكل من قرأ الموضوع أو رد وأقول يا هلال عزك عزنا |
أخوي شبيه كلامك صح بس بشق الانفس عموما هد بالك وأنا معك في سالفة ولهمسون ونيفيز بس اتمنى أن ما يكون حدة طرحك مع هلالي غيور ويهمه هلاله لو سمحت |
اخوي روميو اسف على قوه الطرح لكن ياليت انك تتناقش معي بمنطق شخص مارس كره القدم او على الاقل له معرفه فيها ،، لان ردك بشق الانفس و كانك جاهل اسلوب كوزمين ،، وما راح اوضح لاني متاكد الحين وضحت لك الصوره ،، اللي ودي اقوله لك ،، حسب اعتقادي بان الحضور الجماهيري له تاثيره ،، فالحضور الجماهيري في مباراه ام صلال ماهو مثل الحضور الجماهيري اللي كان في السابق و اقصد حضور و تفاعل ،، و كمان التاريخ يقول بان الهلال يبدع و يحصد البطولات لما ينتهج الاسلوب الهجومي بخلاف فتره باكيتا و كوزمن رغم ان في فتره باكيتا حقق الزعيم بطولات ،، ولكن لكل قاعده شواذ و الجيل الحالي يحتاج لوقوف الجماهير معاهم ،، كلنا يتذكر بكم البطولات التي فلتت من قبضه الزعيم في بدايه جيل سامي و ابو ثنين و الموينع و التيماوي و خميس ،، و من بعدها لما اشتد عودهم حصدو معظم البطولات اللي قدامهم لدرجه ان البطولات المسجله باسم كل شخص منهم اكثرمن بطولات بعض الانديه ،، ولك تحياتي اخوي :smilie47: |
يمكن محطوط سحر للهلال بالاستاد عشان مانفوز ؟؟؟! |
عموما أحبابي فايدة المنتدايات أن كل واحد يشارك احبابه بما يدور في باله قد يكون صح أو خطا والا وش فايدتها عموما ياا رب جميع البطولات الجاية هلالية لاني صراحة منقهر من بعض الجماهير الشبابيه يوم مبارات كاس فيصل يوم يقولون الهلال ما يفوز بالا بالاجانب وما يدرون أن الهداف هلالي سعودي |
الصراحة انا اذا لعب الهلال في الملز اتفائل ما ادري ليه عكس استاد الملك فهد |
. ماشفت راي واحد يفك الشفره بخصوص هزائم الهلال باستاد الملك فهد والي يعتقد البعض بأنها اصبحت عقده وهي والله ليست كذلك او كأنها حاجز نفسي .. باختصار ... تبي تفوز على الهلال .. العب على تقفيل المساحات الشاسعه الي تكون بالاستاد وذلك باستخدام اسلوب الضغط المركز على حامل الكره ومساندة المحورين لبعضهم بدقه ودون ارتكاب اخطاء .. لحظتها انا اقولك الهلال ممكن يخسر لا سمح الله وهذا ماحدث بمباراة النصر .. ومايفوز الا بطلعة الروح .. اشكرك اخي الغالي على الموضوع .. بس ياليتك ماتذكر كلمة مستحيل .. لان مافيه شي مستحيل في عالم كرة القدم .. تحياتي .. . |
انا الحمدلله متفأل بـ الهلال دائما وما يهمني الملز او استاد الملك فهد مشكور اخوي |
والله شف انا لا أومن بمثل هذي الاشيــاء ... بس اعتقد كل مباراة لها ظروفهــا ممكن لو لعب النهائي على الملز ... برضه الشباب راح يفوز ونفس الاخطاء اللي في الملك فهد راح تتكرر في الملز بس اعتقد انها نوع من الصدفـــة ( المتكرره ) |
| الوقت المعتمد في المنتدى بتوقيت جرينتش +3.
الوقت الان » 02:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd