نادي الهلال السعودي - شبكة الزعيم - الموقع الرسمي - عاجل : دخول الجماهير مجانا في مباراة ........... + احتجاج نصراوي ! + نوايا هوساوي !!

بسم الله الرحمن الرحيم

نواف الهلالي يعود لكم من جديد :yes:

ألف ألف مبروك البطولة لكل هلالي متربع على عرش الزعامة :rose:

ألف مبروك للرجل اللي بذل وعمل وتعب وواجه الصعوبات الأمير عبد الرحمن بن مساعد :rose:

والتهنئة أيضا لكل من ساهم في هذه البطولة من جهاز فني وإداري ولاعبين وجمهووور :rose:

ما فيه شك إن هالبطولة هي الأغلى والأثمن لأنه ما يطولها إلا من عنده نجوم حاضره

على طول وخبره كافيه وبدلاء جاهزين واستقرار فني وإداري ..!

أما أندية مش حالك وطقها والحقها وأندية دار العواجيز ومنبع الكديش واللي راحوا يقللون

من جمال البطولة ومنافستها فهذولا الدرع يقول لهم :

قول عني ما تقول .. صوبي كم صعب الوصول .. واللي ما يطول العنب .. حامض عنه يقول s121s

عاد يقولك إن جماهير زحل مدري عطارد أو الظاهر الشمس :s2: تحتج على الاستهتار

الذي بدا من عيسى المحياني عندما اختتم الدوري ( بكعب ) .. وأيضا يقولون سمعناه يقول ( يالعالمي تحلمون ) :to:

أقول بس يا زين فرحة اللعيبه بعد المباراة تحس إن الواحد طاح عن ظهره حمل كان ناشب له

من كم شهر :s5s: عاد يوم طاح الحمل خلاص صار سهل المطامر وقاموا يطامرون << اطلع برا :to:

^^ تحس إنه محشش يحلل الموقف s121s

لكن الزبدة ويش ! الزبدة إن اللاعبين يوم شالوا المدرب بإيعاز من أسامه هوساوي :naughty: واستانس واسفهل

دخل عليه أسامه عرض وقال نبي إجازة :s5s: أكيد وهم رافعينه مب قايل لا !! لأنه يمكن ينزله أسامه على ركبه ولا شي s121s

وعاد جريتس ذكر هالشيء بتصريحه .. بس ما جاب سالفة الركبه لأنها اجتهاد من الراوي s121s

لكن عالعموم اتضحت نوايا أسامه واللاعبين وإن شيلة هالمدرب مهب لله وهو مصدق وقتها المسكين s121s

تكريم الجماهير

طبعا بعد هالبطولة الكل يستاهل التكريم من جهاز فني وإداري ولاعبين وبالتأكيد إن اللاعبين تبي تنهال عليهم

المكافآت من أعضاء الشرف الأوفياء << بدينا نـ نؤ ونـ ؤر << خاص للي يفهمون صعيدي :naughty:

لكن بصراحه لابد أن يكون هناك تكريم للجمهور الوفي الذي وقف مع الهلال هذا الموسم والذي كان بعد الله

سبب رئيسي في تحقيق هذه البطولة :smilie47: والتكريم طبعا هو إنه يعطى كل واحد من الجماهير سياره << برا :to:

يبي لنا ميزانية اليابان على كذا s121s

الصدق عاد لابد أن يكون هناك تكريم ولو رمزي .. لذلك فقد قامت الإدارة الهلالية مشكورة

بالاتفاق مع الشريك الرسمي موبايلي على أنه :

(.. سوف يكون دخول الجماهير مجانا في مباراة الاتفاق يوم الخميس القادم ..)

# البطولة وحققناها الحمد لله لكن أتمنى ومن كل قلبي إن يحصل محمد الشلهوب على لقب الهداف

فهو يستحقه مقابل اللي سواه وأتمنى اللاعبين يساعدونه في المباريات الجايه على هالشيء ..!

# بصراحه لاعبي الهلال بدون استثناء كلهم ما قصروا هالموسم من الدعيع للمرشدي للزوري لنيفيز

للفريدي للعابد للمحياني .. لكن لو سألتني من أفضل خمس لاعبين أقولك :

أسامه هوساوي .. لي يونق .. رادوي .. ويليهامسون .. الشلهوب ..!

هذولاء أنا برأيي هم الأكثر تأثيرا هذا الموسم في أغلب إن لم يكن كل المباريات ..!

وأنتم أبي رأيكم أيضا .. يعني زي ما قلنا كل اللاعبين يشكرون دون استثناء لكن منهم أفضل خمسة لاعبين من وجهة نظرك ؟!

# يا ليت يكون في المباريات الجاية تجارب وبروفات للآسيوية وباقي الكؤوس حتى يمدينا

نرقع لو فيه نقص أو ضعف في مركز ما قبل لا يأتي زمن يقال فيه وش ترقع يا مرقع :to:

ولا زلت من ضمن الأشياء اللي أطالب فيها تعويد اللاعبين على خطة 3 - 5 - 2 لأنه أكيد

نبي نحتاجها ونستفيد منها أمام الفرق اللي تتكتل دفاعيا ولو في الشوط الثاني من المباريات ..!

قفلة :

قول وفعل واللي بغينا خذينـا .:. ما ردّنا مخلوق لو كان من كان

لو زادوا حبال المكايد علينـا .:. حنا على دحر المكايد لنا شـان

هذا زعيم القرن يا جاهليـنـا .:. شيخن على كل النوادي وسلطان

تشكي كثر رفع المذهّب يدينـا .:. وغيرنا يرفع بيـانـات وأحـزان

يبقى الهلالي دوم يا غافلينـا .:. من عانده خسران خسران خسران