|
هل تغتال لجنة الاستعباط الافراح الهلاليه؟ السلام عليكم ورحمة الله وبركاته... اخواني الزعماء بالبدايه احب اهني كل الزعماء ببطولة الدوري الغير مستغربه على الزعيم ان يحققها عطفا على اغلب المستويات الرائعه اللتي قدمها هذا الموسم...وان شاء الله البطولة الاسيويه بالطريق بعد ان طال ابتعاد الزعيم وزاد شوقنا لها...والزعيم بنجومه الرائعين..وادارته المتميزه ومن خلفهم جمهورهم الوفي قادر باذن الله على تحقيقها....ندخل بصلب الموضوع...الكل شاهد بمباراة الزعيم والحزم دخول لبعض الجمهور لارض الملعب....ذكرتني هذه الحادثه بحادثه سابقه حصلت بنفس الملعب بعدها قامت لجنة الاستعباط بنقل اول مباراة للزعيم على ارضه الى خارج ارضه مع ان المذنبين هم جمهور الرس وليس جمهور الرياض...فهل تقوم هذه اللجنه الغريبه بنقل مباراة الزعيم مع الاتفاق الى المنطقه الشرقيه...وتغتال حلم جمهور الزعيم الاعظم بتتويج فريقه باول بطولة دوري بمسمى زين على ارضه...انا اعلم ان جمهور الزعيم في كل مكان وبالمنطقة الشرقيه جمهور هلالي كثيف...ولكن بالرياض ملعب الدره يكفي ل75 الف مشجع ممايعطي التتويج منظر اروع...لااريد الاطاله لكن ياخوفي تسويها لجنة الاستعباط وتكدر صفو احتفالاتنا...خصوصا ان هذه اللجنه معروفه بمواقفها المستغربه ضدالزعيم...شكرا لكم ودمتم بود |
ماأحد جاب سيرة نقل مباراة ولا شئ..إلا إذا كان ودك تنقل للشرقية |
إقتباس:
|
يا ليت ينقلونه للدمام :d بس المشكلة ما يصير فيه تتويج يليق بالهلال .. لصغر الملعب :) الله يكتب اللي فيه الخير للهلال :) |
الله يستر !! لا إن شاء الله ما يسوونها :cry: إذا لزموا مرة ينقلون مباراة الفيصلي :d |
يارجال وش ينقلون بعد ما شافوا جمهور الهلال بكل مكان مالي الملعب انس انهم ينقلونها |
لا و انا اخوك دخول بعض الجماهير بعد المباراة ماكان فيه شغب كان احتفال عادي وحتى دخول اثنين من المشجعيين وقت المباراة كان شي فردي ولا يحسب على الجمهور ولكن سبب الدخول اللي يحاسب عليه امكانيات الملعب الضعيفة .. ومن جد احس بالخجل وانا اشوف نادي القرن الاسيوي يلعب في ملعب زي كذا .. والمعروف في اللائحة انه في حالة وجود شغب من الجمهور وهذا الشي ماصار .. تحياتي لك اخوي وتقبل مروري |
مشكورين يازعماء على المرور...ووعدنا الخميس وين ماحطوها..وخلوا شعارنا حاضرين حاضرين لوبالصين |
لا مستحيل ياخي التتويج راح يحضره رئيس الاتحاد السعوودي ونائبه ,, بعدين دخول الجمهور سواء تنضيم .. معليك وووسع صدرك وافرح مع الززعيم . |
تطمنوا التتويج بالرياض رئيس الإتحاد السعودي ما فيه حيل يروح الدمام |
صدقني يخسون مايسوونها لأن هذا تصرف فردي جماهير النصر بعد حادثة الليزر الشهيره قالت اللجنه تصرف فردي لايمكن ان نعاقب نادي لتصرف فردي !! اما مباراة الحزم قبل كم موسم كان جمهور كبير اللي دخلوا الملعب مع اني اعتقد انهم مدسوسين لأن الشغب كان مبالغ فيه وباعلام هلاليه كبييره !! بالتوفيق للزعيم والله الله ياجمهور الرياض |
الحمد لله على تحقيق البطوله الأغلى الف مبـــــــــــــــــــــــــــــــــ49ـــــــــــــــــــــــــــروك لكل الهلاليين والقادم اجمل باذن الله نبي حضور مميز وفرحه مميزه والهلال يستاهل لا للاتكاليه بالتوفيق للهلال |
ما عليك التتويج بحضور الرئيس ونائبه |
التتويج بحضور صاحب السمو ـمـشـكـور ويـعـطـيـكـ الـعـافـيـه |
انت مثل اللي يقول انقلوها للدمام محد جاب سيره وانت حاب تذكرهم:ranting: اكتب شي مفيد واترك عنك الوسواس:d |
| الوقت المعتمد في المنتدى بتوقيت جرينتش +3.
الوقت الان » 08:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd