5 . 4 . 3 . 2 . 1 " من كثر ما احس أنت قطعه مني ، هنيت نفسي قبل لا انت تهنيني" - نادي الهلال السعودي - شبكة الزعيم

الفيروسه الزرقاء · #1 25/01/2010, 12:55 AM

السلام عليكم ورحمة الله و بركاته

كان ودي أسوي حركة وأنا اناظر الوقت واحنا بنبدأ في يوم 25

لكن ماضبطت الحركه وياي

اعتبروا الوقت متوقف وتونا ندخل في اليوم الجديد

~ مدخل ~

كنت حاطه عدة مداخل لتمهيد الموضوع ! بس قلت لا يافيّو ماله داعي تكثرين مداخل

حطي مدخل واحد وأنثري فيه مشاعرك إتجاه حبك

..

كل عام و أنتي حبيبه قلبي وحبي

كل عام وانتي يا قلبي اقرب لقلبي

يا اروع هديه وهبها لدنيتي ربي

وارق و احلى شبكة شافتها عيني

كل عام وانتي حبيبه قلبي وحبي

وارق واحلى شبكة شافتها عيني

8 سنين ، سيطرت الشبكة ع عقلي و قلبي ! خلتني ما أشوف بـ المنتديات إلا هي

! أول ما أقوم من عز نومي الناس تروح تفطر وتأكل أنا لا أغسل وجهي وأشيك ع حبي

بعد ما اخذ جوله سريعه أشوف نفسي وأروح أكل

! جت طلعه و عندي شغل فيها ، كنسلت أبو الطلعه علشانها

، قبل لا أنوم الناس تحط رآسها بعد ماتقرأ اذكار النوم وتنام ! أنا لا أفكر فيها

لا عاد لاصارت مشكله طار النوم من عيوني علشانها

عادي أواصل واجلس اقابلها لـ مدة 24 ساعه

..

في هـ 8 سنوات .. استفدت دروس وتعلمت اشياء مفيده

!

فـ شبكة الزعيم كانت بمثابة البيت و المدرسة !!
شبكة الزعيم ! عشقتها من أعماق قلبي

، عاشرتها في مختلف سنوات عمري ! فـ بعض الاعضاء يذكر فيّو المشاغبه المشاكسه المرجوجة المشكلجية طالبة الثانوي! و البعض الأخر يتذكر فيّو الطالبة الفاصله الداجة في الجامعة و البعض يعرف فيّو العاطلة عن العمل

.

خلال هـ 8 سنوات .. تعرفت ع أخوة رائعون جداً جداً و اعتبرهم في مثابة أهلي ! بعض منهم لم استطع التواصل معهم نظراً لـ ظروفهم التي ابعدتنا عنهم

و البعض الأخر لازلت و لله الحمد متواصله معهم

، أسال الله أن يحفظهم من كل شر و يحقق لهم امانيهم و يسعدهم

..

في هذا الموضوع سوف أتحدث عن نفسي وعن عشقي لهذا الكيان

، كذلك سوف اسرد لكم بعض المواقف الغبيه

التي لاتزال في الذاكرة

!!

[ انطلاقتي في الشبكة! ]

تعرفت ع شبكة الزعيم عن طريق الإعلان الذي تم نشره في صحيفة عالم الرياضه!

من ذالك اليوم وأنا ادخل الشبكة كـ زائر !
اشوف مشاركاتهم لكن ما اعرف كيف يشاركون

!
كنت اصيح عند اختي اقولها وشلون هذولاء يشاركون

ابي اصير مثلهم!! تعطيني نظره ! وتقول تبين علمي نفسك بنفسك

!

عاد جاء يوم 25 يناير اتذكر إنه كان في رمضان ! خطر ع بالي مسمى الفيروسه الزرقاء ، و فعلاً كتبته وضبط وياي

[ فيّو و الثقه! ]

اتذكر موقف طريف جداً ، كنت قبل لا اسجل بـ الشبكة مبدعه بـ الباوربوينت

فتشوفون كل جهازي كان عرض شرائح لـ الهلال ! ومو بس لـ الهلال حتى اللاعبين مسويه لهم ! الثنيان

/ الجابر

/ التيماوي

/ التمياط

/ ابوثنين

/ الشلهوب

.. إلخ من اللاعبين

المهم ، قررت في يوم من الايام انزل موضوع! ودونت العنوان بـ " لايفوتك! "

نزلت هـ الموضوع في منتدى الجمهور الهلالي و أفكورس بما أني مبدعه! بنزله في منتدى كبار الكتاب

ما قلت لكم أني واثقه من نفسي وقدراتي! وكذلك نزلته في منتدى الابداعات الهلالية لأني مبدعه

!

المهم نزلت 3 المواضيع لكن الطأمة الكبرى و المصيبه العظمى بأن عرض الشرائح حجمه كبير

! فرفض الموقع إنه يحطه كـ ملف مرفق

!

طب شنو العمل ! الموضوع أنرسل

لا و أنا منزلته في ثلاث منتديات من الثقه الزايدة!
قسم اتذكر الموضوع صار مسخره في الجمهور الهلالي

كل الردود كان محتواها وين الملف! مانشوف شيء

! وإلا اللي يقول ارفعيه ع موقع تحميل .. طب وشلون حجمه كبير

عاد انتهى المطاف بحذف الموضوعين! بـ الجمهور الهلالي وبمنتدى كبار الكتاب! اما الابداعات الهلاليه محد جاب خبري فيها هههههه

ههههه فـ تفأجاة وأنا ابحث بمواضعي حصلت الموضوع موجود

عاد قلت فيّو خل احد يحذفه ماله داعي الفضايح عند الابداعات الهلاليه

..

[ فيّو و رئيس شركة الاتصالات ]

لاني إنسانه واثقه من نفسي وقدراتي

الأخيرة حطوا عليها 100 خط

خطرت ع بالي فكره! اني اسوي لقاء ويا مدير شركة الاتصالات السعودية !
ايه وش فيكم مستغربين ! فيّو قررت تسوي اللقاء ويا مدير شركة الانفصالات ، لأني قريت موضوع اسمه المثلث الرعب في مجلة عالم التقنية المطبوعة

فـ قلت وش زودي عنهم

مثل ماسووى خل اسوي أنا و انزل الموضوع بالمجلس العام

، سلمكم الله علمت بنت عمي و هي لانها إنسانه طموحه ومبدعه

قالت يس جيبي الرقم وخل نسوي اللقاء معه

و الحمدلله قدرت أجيب رقم مكتبه

اتصلت عليه بعد مارجعت من المدرسة !
وبصراحه مدري شنو لقفني اسوي اللقاء وياه ! اظن الحماس هو كان الدافع

، المهم اتصلت عليه وبعد جهد جهيد رد علينا !
وقال يا أختي هذا رقم جوالي كلميني حتى ننسق اللقاء !
قلت طيب ! وفعلاً اتصلت عليه وياريتني ماتصلت كلمته وقلت له أنا فلانه " طبعاً عندي اسم مستعار لـ الجهة الاعلاميه

" وابي اسوي معاك لقاء و أنزله في منتدى شبكة الزعيم! انا قلت منتدى والا ماقلته
قال شنو منتدى ! أنا احسب انك تابعه لـ مجلة او صحيفه! قلت لا انا عضوه في شبكة الزعيم و أبي انزله في الشبكة

، قال آسف يا اختي انا ما اثق في المنتديات! ولا حتى ادخلها !
تبين تسوين لـ صحيفة اهلا وسهلاً غيرة ما اقدر !
انا لاني ماحب الجدال و الناقش قلت اوكي مع السلامة! سكرت السماعة منه و اتصلت ع ميسو ودموعي ع خدي

علمتها السالفه قالت ماعليك منه ! مايفهم هذا في المنتديات

~ بصراحه مالوم مدير الاتصالات يرفض اللقاء

! لأن اول كانت المنتديات ماهي مشهورة مثل الآن وماكانت رسمية !
اما الآن الحمدلله المنتديات أثبتت نجاحها

وصارت بحد ذاتها كانها مؤسسة اعلاميه

.
^
^
^
ترى هذا رآي فيّو الان عقب ماكبرت

اما في لحظة الموقف! خير إن شاء الله يرفض اللقاء

أكرهه

[ الحماس شين يالزرقاويات

]

هـ الفقره بذكر مواقف طريفه حصلت لي أنا وتوأم روحي " ميسو

" اثناء تأديتنا لـ مهمتنا إتجاه شبكتنا

"1 "

قبل لا ننضم لـ لجنة تطوير المجلس العام ومجلة الزعيم

، قررت أنا وميسو أننا نسوي لقاءات عدة مع شخصيات متنوعة و الحمدلله ربي كتب لنا اننا نسوي مع سحر الرملاوي

و د. عبدالقادر الفنتوخ

، ومع الحماس قلنا بما أننا راعين لقاءات ورأ مانسوي يوزر نسميه الماسه & الفيروسه ، وبهاليوزر نصير ننزل اللقاءات اللي نسويها لمجلسنا

..
لكن ماقدرنا نفعل هـ اليوزر بالشكل المطلوب

المهم بعد انضمامنا ع ماظن بسنة في اللجنة قالت لي ميسو فيّو بما انك انقبلتي في الجامعة وش رايك تسوين لقاء مع عميدة مركزكم ! وأنا اسوي لقاء مع عميدة مركزنا!
قلت اوكي ماعندي مانع

، متحمسين لـ الشغل وودنا نقدم لقاءات لمجلسنا

رحت لـ الجامعه و الحماس مالي جوي

وأكلم ميسو و أقولها الاحداث هو بس ميسو حتى كاديوة كانت تتواصل وياي ومتحمسه معانا

..
اتذكر بأني جلست اطامر مع سكرتيرة عميدتنا كل ماجاء بريك استئذنت من صحباتي ورحت لـ مبنى 15 علشان اشوف العميدة ، و السكرتيرة تفيدني يا انها مشغولة! او عندها ميتنج الخ
في يوم ما رحت بدري و قلت فيّو ورا ماتمرين ع العميدة وتشوفين" مايأست! لازال عندي آمل اني اسوي وياها

" دخلت ع مكتب السكرتيرة وكانت واقفه معها وحده ماعرفها! المهم قلت للسكرتيرة لو سمحتي العميدة موجوده
التفت ع الحرمة وقالت انا العميدة وش بغيتي!
حزتها مدري شنو اقول؟! لكن اتذكر اني كنت مرتبكه ومتوتره

فقلت لـ العميدة أنا مراسلة شبكة الزعيم

ودي نسوي وياك لقاء ! طبعاً عميدتنا ماتعرف وش الزعيم قالت تابعه لاي جهة اعلامية! قلت منتديات شبكة الزعيم بالنت

قالت اها ياعزيزتي ماقدر اسوي لقاء إلا بموافقه من عند رئيس الجامعة ، اذا جبتي الموافقه سويت معك! انا اكتفيت بكلمة شكراً وطلعت

الآمال تبعثرت و اللقاء ضاع

!
اتصلت ع توأم روحي وقلت لها مجريات الحديث

، قالت انتي احسن مني! تواصلتي مع عميدتكم اما انا كل ماجيتها بابها مقفل !! انتظرت إلى نهاية الدوام ولا حصلتها ! اجي بدري ولا احصلها!
ماتدري ميسو مديرة مركزهم متى تداوم

.

"2 "

تغطية من دون قلم ولا ورقة مايصير !!

قررت توأم روحي إنها تسوي تغطية لـ مهرجان الزهور اللي اصبح الان مسماه ربيع الرياض ع ماظن !
المهم بنت عمي متحمسه ورايحه بدري ! وقالت لي فيّو تعالي قلت ان شاء الله المغرب

ما اعرف اجي بدري

ميسو قالت لي يوم وصلت ودنا نسوي لقاء مع المسؤول عن كن صديقي ! طب اوكي بنسوي اللقاء جلست ادور بشنطتي ورقه وقلم حتى نكتب الاسئله ماحصلت

آسال ميسو وياك ورقة وقلم قالت لا ! طب شلون بنكتب الاسئلة

بدينا بعملية السؤال سآلنا واحد مسؤول عن احد الاركان معك ورقه وقلم و ربي ماقصر ويانا وعطانا

" 3 "

اتصلت ع ميسو وقالت لي فيّو اخواني يبون يروحون لـ مهرجان الدفاع المدني ! وش رايك نروح ونسوي تغطية لـ الشبكة

أنا ما أقول لا لـ الغاليه فقلت يب و بجيب أخوي و اختي الصغار حتى يوسعون صدورهم

قالت حلو ولا تنسين الكاميرا

المهم اتفقنا ع الموعد العصر ! جيت المكان ونزلت انا و اخواني الصغار وقلت لـ السواق روح لـ البيت ارتاح احنا بنطول هنا! ياريتني مارسلته

طلع المكان مش مثل ماتخيلته

--> مشكلة الثقه !

رحت لـ المعرض وجلست ادور انا واخوني واتصل ع ميسو وينك

! قالت انا قريبه الحين بجي قلت شنو هـ المعرض مو حلو !! قالت لا تقولين الا حلو وفلانه جايته ومادحته لي! قلت طيب يمكن في مكان مابعد استكشفته

!
جت بنت عمي

وخليت اخواني واخوانها يروحون عنا

حتى نشوف شغلنا في التغطية !
بدأت مهمة التصوير واحنا نصور يـ الله الكل يلتف علينا بنتين ! في معرض الدفاع المدني

و المكان كله رجال ومافيه إلا قسم بـ الله حرمة وحده هي وعيالها ! و الباقي رجال واطفالهم
فشيله من جد

!
المهم ميسو قالت فيّو ماعليك صوري ! واصور ونتمشى ونخلي واحد يشرح لنا طريقة مدري شنو

ورحنا لسيارات الدفاع وصورنا من داخلها !
المهم تعبنا في التصوير و البطارية قالت طوط! انتهيت

قلت لـ ميسو هذا معرض بـ الله ! هذا يستأهل تغطية في مجلسنا

!
قالت لا

قلت أجل انسي انزله

ههههههههه

هههههههههههه

عاد جيت بدق ع السواق عصبت ميسو قالت لا تدقين اصبري

خل نروح لمكان ثاني ونفلها

وفعلاً رحنا سوا للمقهى ونسينا هم المعرض بس جلسنا ساعه نضحك ع حماسنا الزايد واندفاعنا في التغطية

.
توأم روحي تذكرين ذاك اليوم

ههههههههههه

هههههههههههه

" 4 "

بعيداً عن مواقف العمل و الحماس في اللقاءات

، مره أتصلت ع توأم روحي وقلت لها ميسو فاضيه قالت هاه ماني رايقه لك ! قلت شنو تسوين

قالت كلميني بعدين أنا جالسه اشوف فيلم رعب ! قلت طيب

أنا ع بالي انها تسكر السماعه! لأني انا متعوده ماسكرها

حطيت الموبايل في مكانه ورجعت لجهازي! المهم و أنا متحمسه وداخله جو ويا موضوع بالزعيم اسمع اصوات غريبه عجيبه ! و الوقت كان متأخر

جلست افكر ياربيه شنو هـ الاصوات ! و الصوت كل ماهنا ويزداد واسمع صراخ ! لا لا الوضع مو مطمئن طلعت برا الغرفة جلست برا ادور يالله مافيه صوت ! معقوله بسم الله

!!
وارجع ادخل لغرفه توني مسكره الباب الا واسمع الصوت من جهة المكان اللي حاطه فيه الجوال واروح اطالع شاشة **** متصل

قلت ياحبيبي ميسو و اصارخ اناديها ولا في آمل تسمعني

!!
سكرت الخط و من بكرا حكيت لها الموقف

[ التهور حماقة ! ]

كنت متهوره جداً جداً إلا حمقاء و غبيه

! إنسانه مندفعه ما اقدر امسك نفسي إذا شفت احد يوجه أصابع الاتهام لـ احد اللاعبين او شبكة الزعيم ! أو يقوم بـ سب أحد اخواني !

قدر الله وماشاء فعل ، دخلت الزعيم ذات يوم والقي واحد احترمه واقدره

مع انه كم مره تمشكل وياي

إلا اني احترمه جداً

! المهم لقيته منزل موضوع ماتذكر بـ الضبط شنو كان محتواه ، لكن كان جداً رافع ضغطي الموضوع ولا قدرت اتحمل

ضغطت ايقونة الرد طار الموضوع

وتفاجاة بأن العضو موقوف

طب اوكي هدأت الامور

، ع ماظن بعدها ماتذكر بالضبط كيف صار الامر لكن كل اللي اتذكره دخلت ع وحده من صديقاتي خارج الزعيم

[ تنويه! انا وكادي وميسو واماراتيه وكيفي كنا مسوين قروب خارج الشبكة هههههههههههه مقوين علاقتنا ويا البنات المنتديات المجاورة ، حتى يعلمونا جديدهم و احنا نعلمهم جديدنا

ما انسى مره كنا نغاير بعض حتى بـ إنزال الاخبار اخبارنا احلى من اخباركم ، نزلنا الاخبار اليوم قبلكم

، نرجع لسالفه التهور ] المهم اجيكم مدرعمه ماشيه مليون ! ماصادفني اي مطب هوائي

دخلت ع الموضوع اللي عطتني ياه و انقهرت منه

و اتذكر اني مسجلة في هالمنتدى لانهم كانوا يبوني في لجنة اعلامية

واسوي استعادة للباس وورد و ادخل! ماقلت لكم متهوره

رديت رد مدري شنو بـ الضبط لكن كل اللي اتذكره في هـ الموضوع أن كل اخواني عاتبوني

!! قسم بـ الله تمنيت اني ماتهورت ولا سويت هـ الصجه

مع ان مشرفين ذاك المنتدى طيبين شافوني جيت قالوا بس جت الشريره وطيروا الموضوع

، امزح ماقالوا هيك لكن ميبي قالوا

لأن ترى قسم كنت إنسانه شريرة عيوني تطاير منها شرارة اذا عصبت

..
سبب ذكري لهالموقف حتى أبين لكم أني كنت إنسانه متهوره و أعتقد لا زلت متهوره

فكم مره جبت العيد و فشلت أخواني