قصيدة من القلب للقلب (بمناسبة الدوري)
 

باختصار
49
بطولة

تبونها بالمشاعر

هاكم


قوم صفق قوم شجع رج حرك هز ولع
كل ملعب لا توقف أنت عاشق للزعيم

صم آذان المنافس بأحلى أنغامك وسمع
وارفع البيرق لعالي ياهلالي ياعظيم

هذا نادي ماهو عادي مايخيب أي مشجع
يرفع الراس ويضَوِّي ظلمة الليل العتيم

في حضوره زاد نوره أي كورة مايضيع
وان هجومه مو بيومه مانلومه أونهيم

عارفينه مثل خيل لو كبا كبوة تلوع
يرجع بأحسن صفاته لاحق (ن) أول غشيم

ذيب عاوي صقر هاوي والخصم منه متروع
طاح حيله جر ذيله بات ليله كالسقيم

كل نادي لك يعادي شي عادي مايزعزع
لأنك الأول عليهم وانت فيهم مورحيم

طول عمرك كل أمرك طال عمرك ماتدلع
ديكتتوري في الملاعب لاعفو ولاحليم

كن باسك زاد ناسك شوف جمهورك يشعشع
والبحر امتد موجه بلل الأرض الهشيم

كل قرية أومدينة من جبيل لحد ينبع
امتلت بابيض وأزرق عاشقينك ياهزيم

كن لونك قطعتين من السما نزلت تضوع
عطرها الزاكي كؤوس تجذب العقل الفهيم

احضروله واهتفوله سمعوله كل ممتع
وانطرو منه فنون أطربت حتى الغريم

منتثر كنه نجوم في السما تضوي وتسطع
من جماله سر عيني والمحبة في الصميم

شوف سحره شوف فنه من جمال اللعب نوع
لأن عنده هالأسامي فوزه الراي الحكيم

شوف ياسر شوف عيسى ويلهامسون والدعيع
والفريدي ومحمد الشلهوب لأجله أكسر الوزن السليم

موج عاتي ليل شاتي من أعاصير تزوبع
أمطرتهم واشلعتهم واجعلتهم كالصريم

بعدها صارو بحالة من حزنها العين تدمع
بعدما قام التحدي صارو في وضع يضيم

ذاك يجري وين مدري هل هو عارف أو مضيع
ذاك يشكي ذاك يحكي وضعهم جدا أليم

ذا زعيم القرن ابعد عن دروبه لاتولع
واستعذ بالله منه هالشويطان الرجيم

شوف دولابه وتعرف قبل ماتحكي وتجعجع
ناظر لجيده وشوف العقد محبوك نظيم

أربعين وتسعة كؤوس جميلات وتقنع
لكن احنا طامعين بالمزيد من الكريم



أهديها للرئيس الحكيم صاحب الفكر السليم عبدالرحمن بن مساعد

وجيريتس

وكل أعضاء الشرف واللاعبين والاداريين

وطبعا لكل قلب يدق بحبك يازعيم

أتمنى أنها أعجبتكم

شكرا على مشاعرك تجاه النادي العظيم ورجالاته

شكرا على القصيده الرائعه والله انه اعجبتني

تقبل مروري

اشهد انك شاعر
لكن بدل محمد الشلهوب خلها الشلهوب فقط
مسوي د/غسان على غفله!!!!!!!

أشكركم جميعا على المرور المعطر والإشادة

والجاي أحلى