|
نائب رئيس اللجنة الفنية يقول // ياهلالين احتجوا وخذوا البطولة .. والهلالين يقولون لامانبي بطولات ..!!! إقتباس:
هذي ملخص الخبر على هالرابط من جريدة الرياضية .. http://www.arriy.com/view-article.php?id=32765&mid=7 يعني بالله عليكم وش رايكم ..؟! نائب رئيس اللجنة الفنية يقول للهلال احتجوا بس وعلينا الباقي ونخلي البطولة لكم ..!! واحنا واقفين موقف المتفرج كالعادة ..! لا اعلم الى متى ونحن نسكت .. أرجوك يانواف بن سعد احذوا حذوا عبدالرحمن بن مساعد في غيبته .. فحينما مسك المنصب تفائلنا خيراً كثيراً وخرج من دائرة الصمت والمثالية التي تعودنا عليها من رجالات الزعيم يعني مو شي يقهر ..؟ رغم صحة موقفنا نسكت ..! لماذا ..؟! مو هذي بطولة تضاف لسجلات الزعيم ..؟! هل هي بطولة تنشيطية او ودية حتى نسكت ..! يعني ما ادري هل هي مجاملات ..؟! او تشبع بطولات ..؟! لا ادري مافائدة حضورنا للملعب ومطالبات بحضورنا ودعم اللاعبين لاجل تحقيق بطولة وبالاخير .. البطولة اصبحت بيد الادارة لابيد بالجماهير والادارة لاتفعل شيء حيال ذلك |
بس يمكن رفضهم لسبب انا احنا مانستاهل لان ماقدمنا المستوى اللي خلانا نستحق البطوله .. ويمكن ......... يكون قصدهم شي ثاني ... .... سواء كانت اولمبيه او لا .. اسمها بطوله .. وراح يزيد عدد بطولاتنا ...الى 49 ..:d اذا اخذناها .. لكن ربي ماكتب لنا :yes:..... .. عندي استفسار ... اعتقد الان مايصير نرفع احتجاج لان مضى اكثر من 24 ساعه ..:wub: الف شكر لك ... اختكم..ميمي تخيلوا ان قبل احتجاجنا ..شكلا وموضوعا ... نروح بيوت الاعبين .وناخذ الميداليات :ap: ونهجم على نادي الشباب ناخذ الكاس .. وبالذات نروح نسحب الميداليه من ام عبدالله زوجة وليد عبدالله لان اهداها لها :ap: .. |
كالعاده سيقبل شكلاً ويرفض موضوعاًَ :D :D أخوي الزعييييم ماظنتي انها راح تعاد المباراه يعني يأخذون الميديليات والكأس من الشباب ويعطونه الهلال ههههههه , راحت المباراه بخيرها وشرها .,, وان شاء الله نفوز بكره على الحزم وناخذ دوري زين , نفكر بالأسيويه ,, عوافي ,, |
المشكلة اللي اثار الموضوع هو الهلال قبل المباراة .. يعني يا يكون بعد هذي المعلومة اللي عرفها الهلاليين وتكلموا فيها في القنوات الفضائيه خطاب رسمي من الهلال للجنة الفنية .. ولا فيه احد راح يلمومهم لان هذا واجبهم وعملهم للدفاع عن حقوق الهلال بغض النظر عن اي شي اخر .. الشباب مع انه يعرف ان فيه مشكلة جعل اللاعب يشارك في نفس اليوم يعني ما همه ردة فعل الهلاليين . يا نكمل الموضوع اللي بديناه من بداية المباراة او نسكت افضل ولا نخلي الجماهير تفقد ثقتها في الاداره . البطولة بدالها بطولات لكن المهم العمل الاداري المحترف وعدم تدخل المجاملة والعلاقات العامة في موضوع يخص مصلحة النادي .. يعطيك العافيه.. |
مانبي بطوله بالاحتجاج نبيها طال عمرك من الميدان والاحتجاج حيلة الظعيف |
الهلال فريق كبير ولا يحبذ البكائيات والعويل على مامضى أحترم طلبك فهو من مصلحة الزعيم ولكن لنعتبرها زكاة ويبقى الكبير كبيرا يا أخي ولا نلتفت للبطولات إن لم نكن نستحقها وفريقنا كان لا يستحق فقد قدم مستوى باهتا |
بصراحة يوم اخطأ الهلال وحتى الشعلة ماقدم احتجاج على طول تدخلت اللجنة من تلقاء نفسها واعتبرو الهلال مهزوما !!!! ليش اللجنة ماتتدخل هنا ويشوفن المشكلة بدون تقديم الهلال لاحتجاج ! بصراحة الهلال مايحب يهز العلاقة بين الاندية واخلاقهم ستمنعهم حتما من فعل هذا الشيء حتى لو من صالحهم النكته يلعب اللاعب مع فريق وبعدها بكم يوم يعلب مع فريق ثاني وهو كان محترف وبعدين صار هاوي !! كأنه لعب على الانظمة النكتة الاخرى ان عيد عضو اللجنة المخربطة يقول ان اللاعب محترف وسجل كمحترف وخوية باللجنة الثانية يقول انه محترف وسجل هاوي يعني الدعوى خربطة في خربطة والاحتجاج لو قدم فليس فيه اي اشكالية من الناحية القانونية ولكن الاشكالية من اللجان التي ستسلب الحق بعذر سخيف كما حدث مع الفتح والذي من حقه اعادة المباراة !! اما في حالة الهلال من حقه اعتبار الشباب مهزوما 3- 0 حسب انظمتك يامتخلفين !!!!! |
المفروض في هذي الامور ماناخذ المثاليه لازم تتسجل في بطولات الزعيم مشكور اخوي على التوضيح تحياتي لك |
اولاً : الموضوع الان واضح والمفروض اللجنة تدرس حالة الجيزاني وبعدين تقرر من دون احتجاج من الهلال .. مثل سحب نقاط الشعلة بدون احتجاج الشعلة بمجرد صدور خبر مشاركة لاعب سادس أكبر من السن القانوني . ثانياً : يفترض أن يقوم نادي الهلال برفع احتجاج وذلك لاحراج اللجنة واتحاد كرة القدم والرئاسة العامة لرعاية الشباب فهل سيتم سحب البطولة ؟ ثالثاً : ياليت يكون هناك عمل احترافي ورفع احتجاج حفاظاً على حقوق النادي لأن البلطان ماراح ينفع الهلال . ألا ذا كان هناك صفقة قادمة للموسم المقبل !!!!!! |
الهلال فريق كبير ولا يحبذ البكائيات والعويل على مامضى |
مستوانا ما كان مرضي والشباب الاحق بالبطولة |
لا ما نبي بطولات بالاحتجاج نبي بطولات بجهودنا البطولة راحت بخيرها وبشرها وان شاء الله يعوضنا بطوله خير منها |
وربي كآرثة إذ1 كآأن الكلآأم صحيح يعني الآدرآة تسكت عن حقنآأإ .. أجل بعد مآفي ثقة يا إدآرة |
أكيد لأننا ماأخذنا البطولة بإيدينا .......مانبيها |
حتى لو اخذتوا البطوله ماتعودنا نأخذ بطوله كذا بالساهل والله مالها طعم الهلال ماقدم مستوى بالمباراه اصلا وبعدين لو حابين يخدمون الهلال كان عملوها مثل مباراه الشعله مع ان الشعله ما احتج يبون الهلال يتكلم علشان يكون الرد مالكم شي واحتجاجكم مرفوض ياناس خلاص بطوله وراحت الجاي اهم |
| الوقت المعتمد في المنتدى بتوقيت جرينتش +3.
الوقت الان » 06:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd