|
فقط الصغار هم من يفرحون بالبطولات الصغيرة صراحة البطولة هذي مطرسة في مطرسة بطولة مخصصة لمن هم أقل من 23 سنة وذلك للحفاظ على المواهب وصقل مهاراتهم وتدعيم الفرق بلاعبي صف ثاني يكون مساند لهم في المباريات وخاصة مع ضغط المباريات والبطولات ببطولات اشكال وألوان حتى اصبح الشخص يصاب بالغثيان من كثرتها وتعددها لخبطت أوراق الفرق وارهقت اللاعبين لاعبي الأندية والمنتخب بطولات الخليج اندية ومنتخبات بطولات العرب اندية ومنتخبات بطولة اسيا اندية التأهل لكأس اسيا التأهل لكأس العالم المشاركة في كأس العالم ومع الأرهاق والضغط المتواصل وبدلا من وضع الحلول نجدهم يضيفون بطولات لا معنى لها فقط لأجل زيادة غلة الفرق الصغيرة ولكي تنافس الزعيم في عدد البطولات كأس فيصل وكأس الأبطال ودرع الدوري والكأس فلم نعد نفرق نحن المشجعين بين تلك الكؤوس في كل دول العالم هناك دوري وكأس فقط ... في انجلترا فقط يقام كأس الأبطال وهي مباراة واحدة شرفية ( أقول شرفية ) بين بطلي الكأس والدوري للعام الماضي وهنا أنواع البطولات البطولات اشكال وألوان اضعنا الفرق واضعنا المنتخب اضعنا كؤوس اسيا واضعنا التأهل لكأس العالم البطولة المخصصة لمن هم تحت 23 سنة قاموا بمطرستها فتارة يسمحوا فقط 3 كبار وتارة ل 5 وتارة يسمحون بالاجانب وتارة ب 8 مع لعب 5 لاعبين في المباراة حتى الفرق اصابت بالدوار الهلال اخطأ وشارك ب 6 لاعبين والشباب ايضا ولم نعد نعرف القوانين واللوائح لكثرتها فلكل بطولة لائحة وفي كل بطولة قانون تارة يسمحون بالمربع الذهبي وتارة بالمخمس الذهبي حتى اصبحنا اضحوكة أمام العالم وبدلا ان نعدل الخطأ وبدلا من نكحلها عميناها بكأس الأبطال !! ههههههههههههههههه خصصت البطولة للصغار ولكن للاسف اصبحت الفرق العاجزة والفقيرة بالبطولات تجيش الجيوش للظفر بتلك البطولة حتى اصبحت البطولة بلا نكهة بلا طعم ولا لون ولا رائحة 8 لاعبين من اصل 11 لاعب + 3 احتياط يعني 14 لاعب يشاركون في المباراة 8/14 يعني اكثر من نصف اللاعبين من الكبار ويحاولون اقناعنا ان بطولة اولمبية يعني اقل من 23 سنة للاسف ان ادارة الهلال اخطأت خطأ كبيرا ليس باشراك شراحيلي فكل فريق يوجد به اخطاء وفي كل مباراة تحصل الاخطاء لكن الخطأ الذي لا يغتفر انه بدلا من نكأفىء شباب الهلال بالمشاركة بالمباراة النهائية نظير مجهوداتهم طوال البطولة نقوم ونشرك كبار السن !! فلا نحن كافأنا الصغار ولا نحن ريحنا الكبار من كثرة المباريات وتداخل البطولات !! أتمنى من ادارة الهلال أدارة أكبر فريق سعودي وأسيوي أن تترفع عن البطولات الصغيرة فالبطولات الصغيرة يفرح بها الصغار فقط!! |
والله ياااااااثنياااااااان جبتها على الجرح كلام في محله ولا أزيد عليه شكررررررآ |
إقتباس:
بطولة مطرسة في مطرسة واحنا عطيناها اكبر من حجمها |
اخوي بكل صراحه لو اخذنا البطوله انا متأكد راح تفرح وكلامك هذا ماراح تقوله والبطوله راح تزيد من بطولات الزعيم ماتقلل ابد مو عشان البطوله راحت علينا نقلل من قيمتها صح ان الدوري وكاس ولي العهد اهم منها بس البطوله هذي لها اهميتها وقيمتها لو اخذناها راح توصل عدد الكؤس الى 49 والدوري ان شاء الله 50 لو البطوله ماتضيف شي للزعيم او تحسب له زياده كأس او بطوله انا مع كلامك 100% والف مبروك للشباب وخيره بغيره انا اللحين بالدوام وربي كل شوي داخل فقراوي يشمت واعطيهم على قد عقولهم ماقلت البطوله تحت 23 سنه ومن الكلام هذا والف شكر لك اخوي والله يعطيك العافيه |
كلامك منطق بس ليش ما قلته قبل المباراة أو قبل البطولة ؟؟!!!!!!!!!!!! يعجبني اللي يرضي نفسه |
ـمـشـكـور ويـعـطـيـك الـعـافـيـه |
كلامك صحيح يابعدي أتمنى من الهلال عدم الإلتفات لمثل هذه البطولات الضعيفه والتركيز على الدوري والكاس بطوله مالها سنع بكل المفاييس |
لو فزنآ مآسمعنآك انت وغيرك تقلل من قيمتهآ ! |
إقتباس:
ومن الظلم ان اقارن بطولة سنية ببطولة اسيا وأي اي بطولة أخرى فبطولة الامير فيصل بن فهد بطولة سنية ابى من ابى ورضى من رضى وهي ليست مخصصة لكبار اصلا الفرق الضعيفة والفقيرة فقط هي من تسعى هكذا بطولات نعم هي ستضيف رقما الى ارقام الزعيم وكنت سأفرح بها لو حققها شباب الزعيم ولكن ان تحشد الحشود من قبل ادارة الهلال والجهاز الفني والاداري ويتم ادراج الكبار في ليلة وضحاها من أجل بطولة الأحق بها هؤلاء الصغار فلا والف لا ما ذنب هؤلاء الصغار ان يروا غيرهم هم من يقطفون ثمار عملهم !! نعم انها بطولة وكنت اتمنى لو ان الهلال حصل عليها ... صغار الهلال لا كبار الهلال فالهلال اكبر وارفع من بطولات سنية مخصصة اصلا للشباب |
إقتباس:
قبل سنوات كانت الادارة الهلالية محقة في جعل تلك البطولة اختبار وامتحان لشباب الهلال !! منذ عام 2005 ونحن في جدل هل نشارك بالصغار أم بالكبار : http://vb.alhilal.com/showthread.php?t=239552&page=3 وبقينا خلال السنين نقنع ونقتنع بأن هذه البطولة هي بطولة اعداد للاعبين الصغار المشكلة ليست في الحصول على البطولة وانا بالنتائج المترتبة على هذه البطولة من ارهاق للاعبين تخيلو لو اصيب اعمدة الفريق ( وخاصة مع ضغط المباريات ) ماذا كنا سنفعل في بطولة الكأس ؟!!! تحياتي |
حتى الدوري مارجع لوضعه الطبيعي بالنقاط الا بتوجيه من الاتحاد الآسيوي الدوله الوحيده في العالم التي يوجد بها اربع بطولات محليه هي السعوديه توني ادري ان عندنا خبراء افضل من اللي في ايطاليا والمانيا واسبانيا وانجلترا وفرنسا والبرازيل والارجنتين واليابان وكوريا والادهى والامر ان عندك مشاركات اقليميه غير معترف بها دولياً (الخليج) وعلى مستوى الانديه والمنتخبات ومشاركه عرقيه غير معترف بها دولياً (العرب) وعلى مستوى الانديه والمنتخبات مشكلتنا في اتحاد الكره ولجانه الفاشله |
احترم الجميع لكن لماذا لا كون في مشرفين يقيمون اي موضوع قبل طرحه |
صراحة كلامك هو عين العقل ... دامها بطولة سنية ليه يسحبون ثلاثة او اربع لاعبين من الفريق الاول ؟؟ _____________________________ انا كمشجع هلالي طموحي هو كأس آسيا للأندية .. لأن الفريق تشبع واصابته تخمة من البطولات المحلية !! ولا راح يرضيني الا هالكأس .. مع اننا ضمنا درع الدوري وفرضاً حققنا باقي البطولات المحلية !! ما راح اقتنع الا بالآسيوية الي اشتقنا لها بالمرة :( |
هـي صحيح مو مهمه على قولتك بس نفسـي اشوف اهميتها لو فازو الهلال كان تقول بطوله كبيره لاكن انا اقول بطوله له اهميه لاكنمو مثل الدوري او ولي العهد |
إقتباس:
ههههههههههههههههههههههه صراحه انا جوالي ما فصل من بعد الخسارة من ازعاج الفقراويه مع كل خسارة يتشمتون مع ان فريقنا افضل بكثير من فريقهم بس هم محتقنين مره ومقهورين انا كل ماجاء نصراوي يتشمت قلت له يستاهل الشيخ البلطان كل سنه يفرحه عياله ببطوله وبطولاتنا يقلبون مائه وعشرين درجه خخخخخخخخخخخخخخ سب في البلطان :ap::ap: |
| الوقت المعتمد في المنتدى بتوقيت جرينتش +3.
الوقت الان » 09:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd