نادي الهلال السعودي - شبكة الزعيم - الموقع الرسمي - خوف مومارت ، جفاف البحر ، تمثيل الفريدي ،،، كل هذه حرمتنا رد الدين

السلام عليكم ورحمة الله وبركاته

في البداية هارد لك لكل هلالي باستثناء جمهور الرياض ما يصير اطير امواش المعسل من الراس :cn:

ثانيا بالنسبة لي كهلالي صميم اشوف ان اليوم مباراتنا هدية كجرس تحذير :yes: لاسباب الهزيمة :

1- مومارت تحسه انه خااايف موت من الجمهور سواءا بالنهائي اليوم ولا قبلها قدام الاهلي تشوفه الا جالس ويدعي :cry:

وللي يلاحظ ان توقيت نزول ياسر كان بسبب خوف المدرب من صيحات الجماهير ولا هو كان ناوي ياخره

2- الزوري هذا اللاعب ما دخل راسي من يوم ما شفته دمه ثقيل باللعب كل اللي يعرفه يمتر الملعب يجري بدون اي مهارة لين يوصل يشوت برعونة كبيرة (( يلعب بلايستيشن 1 )) :d
الصراحة مدري كيف صار لاعب دولي والله طول المباراة ما شفتله لعب اوفر صح

3- جفاف البحر الهلالي في المدرجات اللي كل من وقف قدامه خاف من ثورته تمنيت المباراة في جدة واحضرها

4- تمثيل الفريدي لدور يوسف الثنيان من بعد نفخ الجماهير له
ينقي اللعيبة عشان يسحبهم ويقول شوفوا الثنيان

5- الشلهوب الموهوب قبل يومين قريت بفقرة فواصل بجريدة الجزيرة : لوحظ ان الشلهوب توقف عن تسجيل الاهداف بعد عدها والاشارة بالرقم للجمهور

6 - خالد شراحيلي اول ما شفته شميت ريحة الخسارة وقفته تقول لمدافعين الهلال يرحم امكم وخروا الكورة ترى بتدخل لكن ما الومه الوم المدرب يعرف خالد مو ذيك الخبرة وملعبه نهائي المفروض ينزل العتيبي بس شكله نسي ان الحارس نص الفريق

باختصار ومع كامل احترامي للمدرب والزوري ما ينفعون للهلال

بصراحة : قلبت فارس عوض مع هدف علي عطيف اصيح (( من اين لك هذا )) رد علي : من خالد شراحيلي

في يدي ايس كريم كواليتي ابو الفستق رهيب نساني طعم الزيمة