|
إلى كل من لم يحضر للملعب.. لا تتكلمون عن المباراة !! السلام عليكم ورحمة الله وبركاته ... أولا هاردلك خسارة المباراة .. ضاع منا الكأس ولكنا كسبنا نجوم مثل العابد والبيشي وخيرات وغيرهم... شراحيلي قلة الخبرة خلته برتكب بعض الأخطاء.. وما أدري ليش المدرب أحرجه وأشركه في النهائي .. خصوصا إن العتيبي شارك في المباراة الماضية وكان نجم المباراة بدون منازع ..! وأعتقد إن وجود العتيبي كان أهم بكثير من وجود الشلهوب ! ما ودي أتكلم كثير عن مباراة اليوم .. وبأرجع لموضوعي الرئيسي.. أنا من الرياض والسبت عندي فاينل .. فلحد يقول لي الجماهير عندها اختبارات و... اليوم تقريبا الحضور تقريبا 25 ألف (يملأ الملز).. لكني متأكد إنه كان في 30 ألف على الأقل فاضين ونصهم رايحين لمقهى ولا تاكين في الملحق ! يعني الفريق مقدم نتائج وفوقها مستوى وإمتاع وإبداع و وصل النهائي.. وآخرتها الحضور كذا ؟! عموما.. أتمنى الجمهور يعوض الفريق والرئيس اللي ما قصر.. وإن شاء الله الخميس "ضد الاتفاق" نشوف الملعب فل .. خصوصا إن الفريق مخدر حاليا وكأنه أخذ الدوري ! لسى نحتاج نقطتين (على ما أعتقد) وحتى لو حققنا الدوري (أو كنا خاسرينه!).. لازم الجمهور يدعم الفريق.. * النقطة الأخيرة عن الرابطة.. أنا مقدر جهودهم وتعبهم لكن ياخي نص شغلك وتعبك ع الفاضي.. تجلس الرابطة قبل المباراة بساعة تشجع و لين بدأت المباراة تلقاهم تعبانين ..! غير كذا ياخي إنت عارف إن الجمهور ما يتفاعل إلا مع الأهازيج القصيرة.. ومع "يا هلال عزك عزنا" و "حبيبكم مين؟ .." وعند الكورنر أو الفاول "هي هي " و... لكن تلقى رئيس الرابطة ساحب عليها وغاثنا بأهازيج تجيب النوم من طقة "سليم سليم وش أسوي بمحبوبي" <<< هذي يبي يحمس فيه اللاعبين!! غير كذا ما يعرف متى يبدأ الأهزوجة.. يعني بعد أي هجمة للهلال أو شوتة تلقى الجمهور متحمس.. لكن ما أشوفه يستغل هالفرصة وبالعكس يستنى الجمهور حتى يهدأ ثمن يبدأ بأهزوجة سقيمة ! مثلا اليوم آخر الدقايق الجمهور على أعصابه.. لكن رئيس الرابطة ما عرف كيف يقودهم وشفنا كيف شبوا على شراحيلي "شووت شوووت" .. وارتبك المسيكين وقام يشوتها ضعيفة وسهلة لـ لاعبين الشباب.. لكن المفروض إن رئيس الرابطة مستغل هالوقت ومخلي الجمهور يصفر مثلا كل ما استلم الكورة لاعب شبابي .. ختاما .. هاردلك وإن شاء الله نعوضها بآسيا ،، |
شكرا على نقل الموضوع ..... |
ياليتني ماحظرت مستوى فاشل وفريق فيه الزوري والفريدي وشراحيلي ماراح يفلح |
لماذا الــزج بالشراحيــلــي في مبــاراة مصيريــة مثل نهائـي بطولــة علما ان العتيبي جاهز ونجم المباراة السابقه لاتقولون الي راح راح الجميع طالب بعودة العتيبي منذ الامس =============================== |
الحمدلله ان الملعب ما امتلا .. ولا كن مصيبة .. 70 الف مشجع يغادرون الملعب وسط حزن شديد على ضياع بطولة بهذا الشكل السخيف |
بالنسبه للرابطه اقسم بالله انا مليت وانا اقولها ياعالم نحناعمرنا ماكان عندنا رابطه ولاتصلحلنا اصلا الرابطه والاهازيج الغربيه هذي هذا جزء من قافة اهل الغربيه لذا فإنهم يحسنون التفاعل معها جمهور الهلال في الرياض لايصلح ان تقوده رابطه الله يرحم ايام شيميزو وجابيليو وايام التسعينات كان جمهور الهلال يهز الملعب بالتشجيع الجماعي الان تخيل واحد جالس يصيح مع نفسه واثنين يطبلون والباقيين يسمعون كاننا في حفله غنائيه |
إقتباس:
وشو ضياع البطولة بشكل سخيف ؟؟ الشباب فاز اليوم لأنه الدوري ضاع منه ! الجولة الماضية لعب بالرديف .. وشف اليوم وش سووا الأساسيين عندهم.. شهيل والخيبري وعطيف ومعاذ.. 90 دقيقة رايحين راجعين.. اللياقة فل والرغبة كبيرة بتعويض الدوري .. فـ ماهو شي غريب إن الشباب يفوز اليوم ! وطبعا اختيارات مومارت(أو قيريتس ما أدري) زادت الطين بلة ،، |
أقسم بالله اني اصيح من بداية الموسم لأني احضر للهلال من البداية .... الرابطه فاشله وبقوه ما تعررف تستغل هالجمهور الكبير ما تعرف تحمس الجمهور يا اخي الى متى ..؟؟ بعدين ترى الجمهور سبب رئيسي لعودة روح الفريق |
إقتباس:
قمة الازعاج هالطبل وليته بعد يجمس اللاعبين .. ماله أي فايدة ،، |
انا ماحضرت لاني مو واثق صراحه وانت شفت اللاعبين يرفعون الظغط |
جمهور الزعيم ما تحس بوجوده ما فيه حمااااااس ساكت طول المباراة ...!.!.! الله يوفق الهلال وجمهوره |
والله المدرب لعب في التغيرات والفريق تأثر بعد خروج الشلهوب وبإعتقادي انه لو العتيبي حرس كان بالإمكان افضل مما كان وهاردلك للزعماااااء والله بصرحة اعاتب الجمهور لانه الحضور مو حضور نهائي انتم وش تبون وش اللي يرضيكم قولولي تكفووون ماتحضرون وتطالبون الفريق ببطولات الموسم والله حرام عليكم :ranting::mad: |
بصراحه الفريق الاولمبي يفشل ولا يمثل الزعيم من اللي فلح فيه غير العابد ؟؟؟؟؟؟ من شراحيلي الى الهجوم صفر على الشمال . السبب الاول والاخير هو المدرب ابو قصيصه .... العابد والشلهوب يمين والفريدي يسار ؟؟؟؟؟ يعني لازم اختراعات . تخيلو يلعب الزوري ظهير يمين و البيشي ظهير يسار تتوقعون يفلحون ؟؟؟؟ هذا اللي صار للعابد والشلهوب والفريدي ذبحهم بهالخطه هالمدرب الفاشل |
ااااااااااااه يالقهر يالله قدر الله ومشاء فعل بالتوفيق للزعيم يارب تحياتي لك |
انا وصلت فيني مرحلة اليأس من الاستاد اسمحوا لي لكن هذا الواقع |
| الوقت المعتمد في المنتدى بتوقيت جرينتش +3.
الوقت الان » 06:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd