السلام عليكم و رحمه الله و بركاته ..

مسسسآكم الله بالخير ..
أول ششئ الله يوفقنا بإختباراتنا و ينجحنا و يسهل علينا ..

::

بعد مرور فترهـ من شراء الجزيره لدوري زين للمحترفين ..
ما رأيك بالجزيرهـ ؟
ما رأيك بالـArt ؟

من الأفضضضل ؟!
ولماذا ؟

أذكر سلبيات و ايجابيات القناتين ..؟!

^ ^ ^

اتمنى الجميع يشارك ..

::

و انا بصصصراحه فقدت الـ Art
عندي الأرتي افضل لأن كل مباراه لها استيديو خاص > و هذي ميزه حلوه مره ..

و المعلقين كلهم عاديين الا واحد اثنين ..

..

بإنتظاركم

اولاً : وعليكم السلاام والرحمه , حيآك الله ,,
والله انا للإسف كنت أبي الجزيره تشتري ART ويوم شرتها وشفت وش سوو ندمت صرااحة ندم شديد جداً ..!!
يعني والله اول يوم كان صالح كامل ماسكها ازين بكثيير.. اللحين شالو ART الزعيم وحقت الانديه الثانيه .. و سبورت 1 إلى 9 الا سبورت7 .. ولكن مدري وش السبب الظآهر شالوهن وخلو سبورت7 بس علشان ينجحون الجزيره +1 و2 وباقي باقتهم ..
وخلو بس سبورت7 , لكن خربت صرااحة .. براامج كثيير .. رآحو ..,
وانا من جهتي .. ودي لو يقدر صالح كامل يرجعها له ازين .. شينه شينه اللحين والله ,,
..
وهذي وجهة نظــري .. وإن شاء الله تتقبلها ,,

^ ^ ^

أول ششئ مشكور ع المرور و ع الطلهـ الحلوه ..

::

و الله انك صصصادق انا مثلك اتمنى ترجع قنوات الأرتي خاصه 7 و 8 و 9 لأنهن كلهن
مخصصات للدوري السعودي فقط ..

بعدين حوسه يصير 10 قنوات ينقل فيها اكثر من 10 دوريات و الله حوسه مافيه تنسيق

يا اخوان من جدكم انتم ؟؟؟

يا اخوان الاي ار تي اول ما اخذت الدوري كيف كان نقلها ؟؟

تتذكرون كيف كان ؟


كيف تبغون قناة الجزيرة الي اخذت الدوري من نصه انها تسوي نفس الي سوته اي ار تي

مع العلم ان اي ار تي يوم ابدعت في تغطيت الدوري ما كان عندها اي دوري اخر سوى الدوريات العربيه والشامبيونز ليق فقط

بعكس الجزيره الي تملك حقوق الدوري الايطالي والاسباني وكاس ايطاليا وكاس اسبانيا وكاس انجلترا و الدوري القطري والدوري الياباني والدوري الارجنتيني والدوري البرازيلي والدوري الهولندي والدوري الفرنسي والدوري الروسي ودوريات كبيره ومسابقات عديده والشامبيونز الان وكاس افريقيا وكاس العالم القادمه

شلون بعد هذا كله تبغون في 4 شهور انها تسوي نفس ما سوت اي ار تي ؟؟

انتظروا على الاقل الموسم القادم وشوفوا الابداع

إقتباس الرسالة الأصلية كتبت بواسطة Ricky 8 يا اخوان من جدكم انتم ؟؟؟ يا اخوان الاي ار تي اول ما اخذت الدوري كيف كان نقلها ؟؟ تتذكرون كيف كان ؟ كيف تبغون قناة الجزيرة الي اخذت الدوري من نصه انها تسوي نفس الي سوته اي ار تي مع العلم ان اي ار تي يوم ابدعت في تغطيت الدوري ما كان عندها اي دوري اخر سوى الدوريات العربيه والشامبيونز ليق فقط بعكس الجزيره الي تملك حقوق الدوري الايطالي والاسباني وكاس ايطاليا وكاس اسبانيا وكاس انجلترا و الدوري القطري والدوري الياباني والدوري الارجنتيني والدوري البرازيلي والدوري الهولندي والدوري الفرنسي والدوري الروسي ودوريات كبيره ومسابقات عديده والشامبيونز الان وكاس افريقيا وكاس العالم القادمه شلون بعد هذا كله تبغون في 4 شهور انها تسوي نفس ما سوت اي ار تي ؟؟ انتظروا على الاقل الموسم القادم وشوفوا الابداع

اضم صوتي للاخ

الجزيره استلمت الدوري في نصف الموسم ومستحيل تقدر تنسق وتنضم البطولات بهالسرعه الهائله وقبل ماينتهي الموسم ....

ثانيا .. ركزوا على اطروحات القناتين وركزوا على التغطيات الاحترافيه والمقابلات والبرامج -حتى وان قلت في الجزيره للسبب المذكور اعلاه- وربي فرق كبير جدا

احترافيه في الطرح ونقاش هادف ومقنع وبعيد كل البعد عن التمييز والتعصب لفريق او اخر

حتى المراسلين داخل ارضيه الميدان ... بالله ماتذكرون ابو شعر اللي مايعرف ينطق الكلمه صح وشبيه الريح

قعد يعيد له ونشب له لين يقولها صح

المراسلين في اي ار تي مافيه غير اثنين بس .. اما الجزيره فكلم يعملون باحترافيه تامه .. وهذا مثال بسيط طبعا

الجزيره افضل بكثير .. واتوقع راح نرى الافضل بالموسم القادم ... واقولها بكل صدق ان الجزيره باسوأ حالاتها

تفوق الاي ار تي في احترافيه النقل والطرح بمليون مره حتى وهي في افضل حالاتها

تحياتي

لاتنسى ان الجزيره استلمت بث الدوري بنص الدوري

يعني لو كانت من بداية الموسم راح يكون هناك تنظيم والى ماذالك

art افضل بكثير

بصراحه انصدمت في الجزيرة

والله ما كانت على حسب المتوقع منها

..

بالتوفيق للجميع

art افضل بكثير من الجزيرة

الجزيرة ادور المباراة بأي قناه مو جودة مافيه تنسيق ولا شي ولا برامج ولا استديو ولا محللين ولا معلقين زينين

واللي يقوول ماخذته بنص الدوري وصارلها اربع شهوور والموسم الجاي بتشوف التطور
اقول ان شاء الله الموسم الجاي الدوري مو بالجزيرة لان بيعرضونه مرة ثانية للبيع

وانا وش علي بالتحليل علي اني اشوف المباراة اما تحليل ما تحليل وش بتفيد ؟


بعدين منطقيا احد يشوف مباريات الدوري والمباريات الثانية ب300 ريال تقريبا وكل البطولات العالمية مثل امم اوروبا ودوري الابطال الاوربي وعد واغلط وباقي كاس العالم ان شاء الله


والا نشوف الدوري الاردني والسوداني عشان نشوف الدوري السعودي وندفع مبلغ فلكي؟

شوف بصراحه ايه ار تي افضل بس المفروض دورينا احنا لازم ننقله عن طريق قنوات رياضيه خاصه من السعوديه حالنا حال قطر لا تقولون مافي فلوس بالعكس عندنا خير بس للأسف الطمع ضيع كل شي وانحرموا ناس كثير من انهم يتابعون الانديه اللي يشجعونها

والله لا خير لا في ذا ولا ذا


لا في اي ار تي ولا في الجزيره


اتمنى القناه السعوديه تنتفض وتجدد كاميراتها ولا تشتري كاميرات نقل الاي ار تي المستخدمه مو مشكله عشان يطيح السعر .. والاي ار تي ماعاد تحتاجها .. وتاخذ طاقم اي ار تي القديم .. وتبداء تضبط وضعها


والاهم الاهم .. ان البرامج والدنيا كلها يعطونها الشباب مانبي مقدم البرنامج شايب ولا نبي المعلق شايب نبي ناس شباب ع جونا


والله يكتب اللي فيه الخير

والله على كثر اللي سوته الارتي فيناا

اتمناها تعوود بعد اللي شفته من الجزيره

صراحه اهماال للدوري السعوودي بأكمله

على كيفهم ينقلوون المباراياات

وعدونا بأخرااج جديد لا شفنا منهم شي

براامج عن الدوري السعودي مافيه الا من المملكه وهوو بس مقابله

يعني الجزيره اذا استمرت كذاا

اتمنى الدوري السعودي يعااد بيعه من جديد

ولا ينقل للسعوديه الرياضيه اللتي بدأت في اثبات نجاحها

لجزيرة الافضل يكفيكم شوفوا الدوريات الاوروبيه والسعر

خ ـلـك عـلى مـَجنُونك لآيـجيك أجـن مـنه .!