|
زعيم بلا جمهور .. وهلال بلا حضور .. (هل يعقل هذا XD) بسم الله الرحمن الرحيم :rose: في بعض الأوقات الحاسمة والقاتلة .. لا تحتاج إلا لشيء واحد وهو الدفعة المعنوية .. ولا تحتاج ابدآ لتشتيت ذهني أو بدني أو عقلي .. فهذا الوقت هو من سوف يحدد القادم ..هو من سوف يغير التاريخ .. هو من سوف يختار المستقبل .. .. في البداية .. راح اعلق عن هدف القناص .. :d http://www.up-00.com/s3files/o7E25935.bmp أنا (أعوذ بالله من كلمة أنا) من وجهة نظري انه كان جاي ويبي يحطها بالباب لكن الكوره ماصقعت رجلة بالضبظ صقعت فوق شووي فارتدت لفووق :cry: .. وغير كذا انه مو مثل ما يقوول البعض يقعد يتفلسف قدام الباب .. لا تفلسف ولا شي .. هو جا وشاتها وبس .. والاهم من كذا انها كتبة ربي .. لو ربي كتب انها تطير فوووووق ولا تصقع بالعارضة كان صاار .. فـ كل اللي صاار وراح يصير مقدر عند ربي ومكتووب .. وكل ما حصل لياسر هذا قضاء الله .. فيجب على ياسر الصبر والاحتساب :yes::rose: .. وأنا داخله المنتدى شفت أكثر من عشر مواضيع عن هدف ياسر .. ليــه ؟؟ أنا مدري .. حتى العالم ما تكلموا عن هدف صمويل ايتو كثر ما تكلمتوا عن هدف ياسر :s2::s2: .. أنا أبي اعرف ليه تدققون على أي شي يسويه ياسر :to: .. .. يا جماعة الخيــر الهلال قادر على حسم بطولتين في أسبووع :naughty: .. بشرط أن يكوون اللاعبين في يومهم ويكونون مركزين .. فاحنا مانبي نشتت اللاعبين و مانبي نخسراي بطولة :d .. فأرجوكم أرجوكم وإذا ما تقدروون اضغطوا على نفسكم شووي s121s .. نبغى طول هذا الأسبووع مواضيع .. مفيدة للهلال ومفيدة للكيان الأزرق :alzaeem: .. مانبي هذا الهدف صح والثاني خطأ وهذا اللاعب هذا احتياط وهذا إعاارة :ranting::mad: .. مو يقوول المثل خل الخبز لخبازه .. فانتوا خلوا المهمة لراعيها :naughty::smilie47: .. .. احنا مهمتنا ان نساند الفريق و نزيد من حمااس اللاعب ونعطيه ثقة .. لان اكيد اللاعب راح يمر على المنتدى وهو يبي يقرا شي يفتح نفسه للمباراة .. ويزيد من ثقته بنفسه ويزيد حماسه .. ورااح نستمتع بالعب الجماعي .. والتعاون والابداع والتفنن داخل المستطيل s13s:smilie47: .. وبعد هذا الأسبوع .. وبإذن الله بعد ما نحسم البطولتين .. كتبوا مواضيع اللي يعجبكم .. لكن بشرط :d .. إذا انتقدتوا انتقدوا بعقل .. وإذا كتبتوا كتبوا بتفنن :yes: .. مانبي تجريح لكن نبي تحفيز .. كل لاعب هلالي هو يخدم الكيان الأزرق :alzaeem: .. يعني لازم نكوون معاااه .. إذا إحنا ما كنا مع لاعبينا مين راح يكووون معاهم .. :naughty::d:smilie47: إذا إحنا ما وقفنا مع فريقنا مين راح يوقف معاه .. :naughty::d:smilie47: إذا إحنا ما كنا الشعره اللي قسمت ظهر الخصم مين راح يكوون اجل .. :naughty::d:smilie47: http://www.up-00.com/s3files/p6425935.bmp انتوا بـاوويـر الفريق :s2: .. انتوا زبدة الهلال .. انتوا الكل في الكل في الهلال .. الهلال ليش يلعب اذا مافي جمهور :s3s: .. وحتى ياسر قاال الله لايخليني من الجمهوور .. هذا يدل على اهميتكم في كل مباراااة وعند كل لاعب وكل هلالي .. والكل لاحظ أهمية الجمهور الهلالي في مباراتنا ضد الوحدة كل الهلاليين اعترضوا :wub: على عدم السماح للجمهور بالدخوول .. ومن ضمنهم الامير عبد الرحمن بن مساعد:smilie47: (الله يحفظه) و ياسر القحطاني .. .. http://www.up-00.com/s3files/fsV25935.bmp فانا لا أتحمل أن يغيب ضووء الهلال في الليلة المقمرة .. :cry: ولا أتحمل أن تضيع بطولة من أيدينا .. ونحن كنا متمسكين فيها .. :cry: ولا أتحمل أن أرى مباراة لنا من غير سطوع و ابهاار الجمهور ..:cry: .. فنتقااات هلالية ::d * من الغبااء أن تثقوا ثقة عميااء وتجزموا بحسم الدوري لأنه باقي نقطتين وماادراك ماقد يحصل بالمستقبل .. فكل شيء مقدر ومكتوب عند رب الكتاب .. واللجنة حاطة عيونهم علينا .. * مستوى ياسر جيد هذا الموسم لأنه يطبق تعليمات المدرب بكل تفاصيلها .. والدليل هو أن مدرب الاولمبي طلبه وهذا يدل على انه متميز وجيد وتمكن في لعبه .. * من الواضح أن خطة المدرب هي أن يمسك ياسر على الدفااع ويتيح الفرص للوسط للتسجيل (يعني ياسر طـُـعم لدفاع الخصوم) .. وهذه الخطة استعملها مع ناديه السابق مارسيليا الفرنسي .. فمن الطبيعي عدم مقدرة ياسر على التسجيل لان أوامر المدرب تحتم عليه عكس ذلك .. فأحنا لازم نعرف تكتيك وخطة المدرب قبل ما نقلب على ياسر .. ومن وجهة نظر المدرب أن ياسر من ضمن أفضل اللاعبيين لأنه طبق تعليماته بكل حذافيرها .. * نبغى حضوور يخزي العين نبي جمهووور يملي العين و يملي الملعب بعد .. مانبي مثل مباراة الاهلي .. نبي نشوف المدرجاات تفيض من الجماهير .. وهذا رااح يعطي حمااس للاولمبي وبإذن الله المباراة لنا .. * قانون : نعم للنقد الهاادف والبنااء .. ولا والف مليون ترليون وتزليون وتكدرليوون لا للنقد الهاادم والجاارح .. << يمكن الأرقام خطا .. ترى هذا أوول موضووع لي .. في انتظاار .. ردودكم .. لكم ودي .. اختكم : !"احلى هلالية"!:rose: :wub: اللهم وفق الهلال .. فوق كل ارض وتحت كل سما ..:alzaeem: اللهم انصر الهلال على الشباب ..:alzaeem: اللهم وفق الهلال في حصد بطولات الموسم كامل ..:alzaeem: .. |
احنا مهمتنا ان نساند الفريق و نزيد من حمااس اللاعب ونعطيه ثقة .. لان اكيد اللاعب راح يمر على المنتدى وهو يبي يقرا شي يفتح نفسه للمباراة .. ويزيد من ثقته بنفسه ويزيد حماسه يعطيك الف عافية والله يوفق الزعيم بكل المباريات القادمة |
كلام جميل وفي الصميم .. تسلمين احلى هلالية على الإنتقائية الجميلة في الطرح .. اما عنا يا جمهور الزعيم .. فإن شاء الله حاااااااااضرين .. وانا من اول الحاضرين ان شاء الله بحكم تواجدي هالايام بالرياض .. حضرت مباراتنا مع الرائد والدور على مباراة النهائي مع الشباب .. لا وترى استاد الملك جنبي لاني بحي الخليج .. يعني افكر اروح مشي .. والمتأكد منه ان شاء الله ان الاستاد بينصك عالآخر .. جمهور الزعيم لا شم ريحة الذهب يجيله |
<<<<<<< مسنتر عند الاستاااد ... بس ينتظر اي هندي يفتح البوابه وينقز بوجهه :d يعطيك العافيه اختي ... بالنسبه لهدف ياسر كان مفروض انه يركز شووووووووووووووي لكن قدر الله وماشاء فعل .. والهدف ماكان صحيح .. وبس :d بالنسبه للنقد .. لابد من النقد لكن بدون تجريح باللاعبين .. لازم ننتقدهم عند انخفاض المستوى لأننا مانرضى الا بالمستويات القويه والمشرفه .. والمقرونه بالنتائج .. والنتائج طبعا من توفيق الله عز وجل قبل شي ... ولكن يجب على اللاعبين ان يأدوا اللي عليهم والباقي على ربنا .. تحيااااااااااتي لك:rose: |
ء الله يعطيك العافية على طرحك المميز وحرصك الواضح وعقلانيتك فعلاً كلامك صحيح دخلنا بالوقت المهم وحسم البطولات منها الدوري - وكأس فيصل - وبعدها بطولة ولي العهد فلا بد من المؤازره والمساندة ونترك عنا الكلام الي ماله سنـع والتجريح . . مثل ما قلتي للأسف ناس كثير ما تميز بين النقد الهادف والتجريح والتحطيم. بيض الله وجهك أختي وبداية موفقه وعلى قولتهم " لا يوقف " :) تشـاآإأإأآآو ْ ْْْْْْْْْ ْ |
أولآ احنا نشجع الهلال مو ياسر (( يعني مو مثل تشجيعك تشجيع لاعب بعينه )) وانتي عارفه وش أقصد عندي سؤال .. اللاعب المنتقد غير ياسر بتدافعين عنه << طبعآ لا .. مو الشرهه عليك << عتبي على الاداره اللي خلت أمثالك تنزل موضوع .. لا يوجد لاعب فوق النقد .. وأحنا اذا نقدنا ننقد بقصد النقد الهادف .. لاحظنا ان جميع اللاعبين هالسنه جاهم نقد حتى اللاعبين اللي فوق مستوى ياسر وأكثر منه تأثير كهوساوي وويلي ونيفيز والشلهوب ومع ذل ماشفنا أمثالك يدافع عنهم . واذا جاء النقد لياسر طلع أمثالك للدفاع عنه والسبب (... )<< ماودي اقوله لأنك عارفته .. عتبي على الاداره لتفعيل اليوزر لللبعض |
يعطيك العافيه يا اختي على الموضوع وياسر انا اقول يجيب القول من الفرص الصعبه اكثر... اما الفرص السهله = ؟؟؟؟ |
الله يعطيك العافية على طرحك المميز وحرصك الواضح وعقلانيتك فعلاً كلامك صحيح دخلنا بالوقت المهم وحسم البطولات منها الدوري - وكأس فيصل - وبعدها بطولة ولي العهد فلا بد من المؤازره والمساندة ونترك عنا الكلام الي ماله سنـع والتجريح . . مثل ما قلتي للأسف ناس كثير ما تميز بين النقد الهادف والتجريح والتحطيم. بيض الله وجهك أختي وبداية موفقه وعلى قولتهم " لا يوقف " |
يــــــــ ع ــطيكـ العافية احلا هلاليــــــة وهدفـ ياســر فيــة شيء احســن من شيء يــ ع ـــني لو حطها بثقة كان احسن من الشوت الطائش المو مضمون اذكرك بهجمة ياسر والباب مافية الا الحارس وطايح على الارض الحارس مباراة الهلال مع الاهلي الاماراتي في كأس اسياء ضربة الكورة في العارضة وجات لياسر تحت الباب وين وداها ياسر براء الملعب المفيد انها لو من غير ياسر لاعب اولمبي مقبولة لكن من ياسر لا لانه لاعب دولي واخيرآ حياك في شبكتك:ولاتحرمينا من جديدك |
كل التوفيق للزعيم وان شاء الله نحتفل اليوم باول لقب بهالموسم يعطيكِ العافية |
إقتباس:
اولن يا أخي العزيز ليس انت من تجرد احد من هلاليته فالمنتدى وضع لتعبير كل شخص عن رأيه الذي يصب في مصلحة الزعيم وهي ما قالت شي غلط ولا دافعة عن احد وجمهور الزعيم ليس جمهور الاعب بل جمهور لهذا الكيان العظيم كل الي قالته انه يمكن استعجل شوي وكل شي مقدر ومكتوب ومنت احرص من ياسر في التسجيل وياسر ليس فوق النقد الجميع ينتقدون اذا لم يقدمون المستوى المعروف والمأمول منهم واحب اشكرك اختي احلى هلاليه على الموضوع التحفيزي والرائع وان شاء الله جمهور الزعيم سيكونو في الموعد وانا اولهم وبأذن الله ان كتبها الله لنا سنحتفل بالقب الاول لنا هذا الموسم وسيكون نجومنا في الموعد وتصحيح الاخطاء التي وقعت في مباراة الاهلي لكم مودتي وعذراً على الاطاله..:alzaeem: |
آحلى هلالية يعطيك الف عافية على هذا الموضوع الاكثر من رائع والله يوفق الهلال هذه الليله ونحقق البطولة |
إقتباس:
و أنت ياخي خاف الله و حرام عليك ... الموضوع مافيه شي يزعل , انتقد الموضوع مو تتهم و تلمح لأشياء غلط :cry: !!!! |
إقتباس:
مرورك عطر الموضووع .. :d آمــــين .. إقتباس:
هذي عوايك الزعمااء .. لاخلا ولا عدم .. الله لايحرمنا منكم .. يارب ..ان شااء الله ناخذ كل بطولات السنه .. >> من الريحة :s2: مشكوور على المروور .. نورت الموضووع .. إقتباس:
بانتظاار المووج الازرق .. والله كلامك صح لازم هو يركز لانه عند البااب ولا فيه ولا مدافع .. :ranting: لكن ايش نقوول اللي فات ماات .. وان شااء الله ياسر يراجع حسوباته .. ويصير افضل من الحين .. يب .. نعم للنقد الهادف والبنااء فقط .. ولا للتجريح .. >> التوكل على الله .. الاخذ بالاسباب والتوكل على الله .. مشكوور على المروور .. حليت الموضووع .. :d إقتباس:
كلامك صحيح .. الله يبيض وجهك .. لايوقف لايوقف ..:ep::ep:: >> انطربت البنت :s2: مشكوور على المروور الاكثر من رووعه .. نورت الموضووع .. :d إقتباس:
لكن اسمحلي اقولك انك غلطت وفهمت الموضوع غلط .. انا من حبي للهلال اكتب عن ياسر .. لان هو مهاجم الهلال الاول .. واحنا محتاجينه في المرحلة الجايه اكثر من اللي رااح .. لان احنا داخلين على البطولة الاسيويه .. ايــــــه ليه ماادافع عن لاعب ثاني اذا شفت احد غلط عليه .. :mad: راح ادافع عن كل هلالي من اكبرهم لاصغرهم .. لكن انا كتبت عن ياسر .. لاني شفت المواضيع كلها عليه .. فهذا راح يشكل ضغط عليه .. وتشتته وماراح يركز .. انت حط نفسك مكانه .. ياسر محتااج لنا في هذي اللحظة .. انا مااقول ياسر ماغلط الا هو غلط لان الباب قدامه ولا فيه مدافعين ولا حارس .. لوشاتها خفيف كان دخلت .. لكن هذي كتبه ربي .. >> قدر الله وما شااء فعل .. صح ان الجميع هاجم وانتقد .. لكنهم رجعوا (كبوة جواد).. وانت شفت الحين ويلي وهوساوي واللاعبين اللي تقول عنهم .. لعبهم ممتاز واكثر من ممتاز .. لكن ياســر .. هو اللي يبيله مواضيع ترجعه لمستوااه .. لكن المدرب افهم واعلم بياسر مننا .. انا مااابي الا مصلحة الهلال ومصلحة اللاعبين من مصلحة الهلال .. :alzaeem: مشكوور على مرورك .. عطرت الصفحة .. :d إقتباس:
يعني عند الباب لادفاع ولا حاارس .. ويجيبها فووووق بالعارضه .. :to: لكن قدر الله وما شااء فعل .. >> كل هذا مقدر ومكتوب .. مشكوور على المرووور .. نوورت الصفحة .. :d إقتباس:
مشكوور على المروور .. عطرت الصفحة .. :d إقتباس:
لو جابها بتركيز وركادة شووي .. كان صاار هدف ولا احلى .. هو لو يركز شووي الله يهديه كاان في كل مباراة وكل بطولة .. صح هو لو انه صغير كان عذرناه .. لكن مافي احد ما يخطي .. مافي احد ما يسهي .. يعني لاعب دولي مانعذره .. كل اللاعبين نعذرهم .. ولكن بحدوود المعقووول .. لكن باذن الله .. راح يسوي ياسر شي بالايام الجايه .. وان شااء الله نشووف له حظوور بالاسيوية .. مشكوور على مرورك .. زينت الصفحة .. :d إقتباس:
لاعبين الهلال قدها ونـص .. وباذن واحد احد راح نحسم كاس فيصل (رحمة الله) .. والدووري مشكوور على المروور .. حليت الصفحة .. :d إقتباس:
يعني لاحارس ولا دفااع وقداام البااب .. ويشوتها فووق :mad: .. كل شي مقدر مكتووب .. حتى لو كاان مافيه حارس ولا دفااع .. دام ربي كاتب انها ما تجي ماراح تجي .. (( اعلم ان مااصابك لم يكن ليخطاك وما اخطأك لم يكن ليصيبك )) .. قال صلى الله عليه وسلم ((... اعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك؛ رفـعـت الأقــلام، وجـفـت الـصـحـف )) صدق رسول الله .. العفو .. وحنا حاضرين لعيوون الزعيم .. ان شااء الله ناخذ البطولة .. داام غيرتس ومومارت المدربين .. باذن الله راح يصلحوون الاخطااء وخصوصا الدفااع :to:.. لاخلا ولا عدم ياجمهوور الهلال العظيم .. وانا حاضرةبعيوني وروحي وقلبي وكلي .. الا جسمي >> لاني بكوون بالبيت .. :d مشكوور على المروور الاكثر من رائع .. نورت الصفحة .. :d إقتباس:
باذن الله رااح نحتفل كلنا الليلة بتجقيق اولى بطولات الموسم .. مشكوور على المروور .. زينت الصفحة .. :d إقتباس:
مشكوور على مرورك .. حليت الموضوع .. :d .. |
سبحاان الله وبحمدة .. سبحان الله العظيم .. .. لا تنسى ذكر الله .. |
| الوقت المعتمد في المنتدى بتوقيت جرينتش +3.
الوقت الان » 07:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd