المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #1  
قديم 29/01/2010, 10:45 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849

السلام عليكم

يوم أمس كان البرنامج مميز
كشته وفعاليات طوول اليوم , بدأت بالكشتة في الخيمة ومنافسة بين فريقين بالطبخ
وفعاليات رائعة أناشيد وصيحات ومسرحيات
وبعد العشاء بدأت حملة الأم مع الشيخ محمد السيد
حملة مؤثرة جداً , أثر بنا تأثير الشباب خآصة الشباب الذين فقدوا أمهاتهم رحمهن الله
إقتباس
طبعا الي فهمته انهم مسوين حمة تبرع لـ
بناء مدرسة تحفيظ نسائيه والي يبي يتبرع فيها يتبرع وماشاء الله
تبارك الله الناس تحب الخير مو مقصره .

هذه جميعية نسائية تُبنى في محافظة أملج
وقام أهل الخير هناك بالتبرع بجزء من مواد البناء باسم أم ياسر وأم ناصر
الله يجزاهم خير

:

الكلآسيكي
إقتباس
ماهينور .. طيب لو اوقفوا الاتصالات , من يعطيهم الطبخات


ما أقصد إتصالات النساء بفقرة الشيف , الي يتصلن بهالفقرة كلهن حريم كبار ومكالمتها فقط وقت حاجة الشباب لتوجيههم
الإتصالات النسائية الي أبيهم يمنعونها هي الي تكون في مسابقة زِد رصيدك مع وليد الشاعري
لما يتصل الجمهور عشان يختارون الأرقام للمتسابقين
تتصل البنت وتتغنّج وتسلّم وأحيي فلآن وفلآن , وأحيي يوسف البشري وأقول لعلي الورفلي الزي السعودي لايق عليك وبالتوفيق يالمستدزلي ><"
قلّة حياء قسم بالله ><"
البنات الي يتصلن شوهن سمعة القناة وكأنه لا يشاهد القناة من النساء إلا مثل هالأشكال " الله يهديهن "

:

إقتباس
اتذكر ان اختي ايام التقديم متصله تقول قدم عليهم ..



لو سجّلت كان دعمناك p:
أيام التسجيل والله كنت أفكر أطرح موضوع هنا , ودي إن أحد من الشبكة يشارك ويمثّل الشبكة في البرنامج p:
لكن قلت أكيد ماحدّ معطي موضوعي وجه :/

:
شكسبير
إقتباس
لكن والله حزني ابو غازي ودي اعرف وش ماسك عليه ابوعبدالكريم



الله يهديه أبو عبد الكريم
مالها داعي حركته أبد رجال كبير وشيخ مثل أبو غازي ويقوّمه كل شوي عشان يقبّل راسه
وهالحركة سوّاها بكل الجلسات بعدها , إستانس إنه مسك على أبو غازي شي :s
~> ياكثر حركاته الي تقهر وترفع الضغط : (

:


ع ـشقهــا هـلالـي

يا هلآ والله وغلآ
وش رايتس فيني وأنا ساكنة بالموضوع تقل باسمي لا وبعد أرحّب وأهلّي بالأعضاء

تسلمين ع الإهداء
آسفه يالغلآ :$, تحسبينن معصبه وأنا أنتقدك ع الإهداء , تعرفيني عاد أنا حساسة بهالأمور
بالعكس والله مازعلت منك هي مجرّد رسالة للي بيشوفون الإهداء
الله يرفع قدرك ويجزاك خير , إضافاتك راائعة ما شاء الله
بالنسبة لخطبة حمد , هالمرة راكد ما شاء لأن عارف إن ورى هالخطبة جائزة وتصويت جمهور
هذي مسابقة طرحها عليهم العريفي لما جاهم للمرة الأولى يوم الأحد قوّم خالد الدوسري والمطيري يلقون خطبة
ومن بكرى سوّوها مسابقة بين الشباب أفضل إلقاء وأفضل خطبة وسوّو عليها تصويت بالمنتدى وفاز غرم ثم حمد ثم ناصر
الفائزين بيسلّمون جوائز اليوم أظن برحلتهم ..
:
إقتباس
وش سالفة
فوز المحلآت لاني قبل كم يوم قلت بشطح عليهـم ولقيت
يوسف فآيز بمحل النت وغرم فايز بـ محل الفلافل
ابي شرح دقيق لاني بعد يوم الاثنين راح انظم لك
واقول للكليه طآلق للنصف الثاني

تبين شرح دقيق ؟! أبشري
بس تراي ما أفهم بعض الألفاض الإقتصادية وإن شاء الله تفهمين p:
هذا المزاد , يحرّجون p: على محلّين ويطرحونه على الشباب
فـ يختارون الشباب أي المحلآت يبغون يشترونه لمدّة أسبوع
ويعطونه ورقة يسجّل فيه إسمه والمبلغ الي مستعد يدفعه لشراء المحل ويعطيها مدير البنك
وبعدها يشوفون أكثر ثلآثة ادفعوا لشراء المحل ويدخلون تصويت الجمهور
وطبيعي الي يفوز بالتصويت يفوز بشراء المحل ..
هالأسبوع كان المحلين الي طرحوهم للبيع / محل الوجبات السريعة " حبيتين فلآفل " وأكثر ثلآثة دفعوا هم
( غرم , الثبيتي , البخّات ) ~> البخات كان بيشتريه برصيده , بس ماحد صوّت له
فاز بالتصويت غرم ما شاء الله
والمحل الثاني هو مقهى النت وأكثر ثلآثة دفعو ( البشري , الحارثي , قطب , ناصر سي )
فاز بالتصويت يوسف البشري
طبعا مادامه كسب المحل يكون له وهو يحدّد الأسعار ويدير المحل بنفسه
من مميزات الفائز إن لو دخل البرايم هالأسبوع يرجع للبيت مباشرة لأن له محل في البيت , والمحل يسلّمه الثلآثاء القادم ..
~> إن شاء الله فهمتي , ترى الشباب بالقوّه فهموا بعد مابهذلوا مدير البنك و روني
:
الهنوووف
هلآ هلآ
أجل شفتي كشتتهم أمس ~> جالسة أتابع الإعادة هالحين
تقولين ياحليلهم يرقصون ,< ماشفتي شي ياكثر مايرقصوون
أحس في فرق بينهم وبين شباب البرنامج الي قبل سنتين , هالمرة تاركينهم على راحتهم فعلاً برنامج واااقعي
حتى المباريات دائماً يتكلمون عنها , أرحمهم وقت مباريات الهلال خاصّة ,, يشحذون المشرف يجيب لهم لو اصغر تلفزيون وماهم راضين
بس يعوضهم من بكرى بجريدة الرياضية
الشيخ اللي لابس فروة أسود هذا الشيخ عبدالله الشمري معروف بأبو غازي
شيخ مشهور مثل أبو زقم كان مفحط زماااان
وظيفته في البرنامج مشرف على الخيمة ,, و مثل ماقلتي هو ما شاء الله وسيييع صدر بالحيل
وبالنسبة لجنسياتهم هم عددهم 19 في جزائري1 وليبيين 2 ومصري1 ويمنيين 2 والبقية سعوديين ما شاء الله
يوسف الي عرفتيه إي قصيمي ومن الرس بعد

تابعي الموضوع وإن شاء الله نبلّغ عن الضيوف أوّل بأوّل
:
همس الحراااير
مادامك تتابعين بتفهمينه إن شاء الله
:
عسيرية
هلآ وغلآ
إقتباس
أول اذا شفت توقيع ماهينور تجيني اللقافه ودي اعرف وش سالفة زد رصيدك
وفي البدايه كنت احسبها مثل خدمة راسلني


أجل لو دريت إن في أحد بيسوي مثلك كان حطّيت تحت الصورة رابط قرآن أستفيد منه
البرنامج خطير مثل ماقلتي تابعيه
بس ترى ماهو في البداية راح شهر الحين واليوم بيطلع أول واحد المتسابقين : (

الله يعين على هالليلة , ليلة منتظرة
ننتظر من بيخرج الليلة في اثنين متأكدين إنهم ماراح يطلعون والي هم يوسف البشري وغرم البيشي
والبقية في خطر

:

بالتوفيق للطلآب والطالبات

ردّ بدون تنسيق وبدون روابط تعبت :s



اضافة رد مع اقتباس
  #2  
قديم 29/01/2010, 08:44 PM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
^
^
^
وعليكم السلام ورحمة الله

للديتو عشقها&ماهي..

الله يعطيكم العافيه على مجهودكم وتغطيتكم ..


الليله البرايم على ما اعتقد ..وبانتظار طلة هيلدا<---ستار اكاديمي..
الله يكرم هالبرنامج ومشاركيه من البرنامج الساقط الفاسد المنحط ستار اكاديمي..

انا متابع اعتبر جيد لهالبرنامج ..اتابعه بشكل متقطع ..يعني لما اكون في البيت اتابعه
اللي عرفته الحين...ان غرم البيشي والبشري ..ما راح يكونوا من ضمن السته..

المهم فيه سؤال محيرني..الرصيد الخفي..وش وضعه..؟؟
يعني كيف يزيد ؟؟..وش اللي يزيده..؟؟


وفي الاخير ما اقول غير الله يجعل شاتهم يخرب..










سلااااااااااااااااااااااااااااااااااااااام
اضافة رد مع اقتباس
  #3  
قديم 29/01/2010, 09:23 PM
الصورة الرمزية الخاصة بـ ḾŎĤǍṀẠḊ
زعيــم مميــز
تاريخ التسجيل: 15/11/2007
المكان: هنآك ^_^ !
مشاركات: 4,403
إقتباس
الرسالة الأصلية كتبت بواسطة abo_nasser
^

وفي الاخير ما اقول غير الله يجعل شاتهم يخرب..











وقسم صااااااادق
بعض الرسايل مدري وش تحس فيه
اضافة رد مع اقتباس
  #4  
قديم 29/01/2010, 10:44 PM
روماوي مميز
تاريخ التسجيل: 23/06/2006
المكان: Il Romanista
مشاركات: 6,046
العتيبي يطلع أن شاء الله !
مع أني منب مقتنع بالفكرة من أساسها !
ما فيه هدف واضح للبرنامج ؟!
شكراً للأخوات ..
اضافة رد مع اقتباس
  #5  
قديم 30/01/2010, 02:30 AM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
طلع ياسر الوادعي..

الا اشسمه...الكنترول في هالمسابقه ابو كلب..
وقفت المسابقه عشرطعش مرره ..وكله بسبب الشاشه والاتصالات

المهم الحين صياح..

يا خي يلعن ابو لعبهم اللي اخره صياح..
ابو عبدالكريم يصيح..


الناس نايمه وراها اختبارات..وفلاح يهجول مع هالقناه..



يا ناس دايم اتحلم اني متزوجه وعندي اطفال ..تعبت ادعوا لي..
^
^
هذا مسج في الشات وانا اكتب الرد..

الله يزوجها ويسعدها








سلاااااااااااااااااااااااااااااااااااااااااام
اضافة رد مع اقتباس
  #6  
قديم 30/01/2010, 02:43 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,711
ودع المتسابقين المتسابق " ياسر الوادعي " وتأثر الجميع بمغادرته .. لانه رجل خيّر وخلوق ..
والحقيقه ان الثلاثه كلهم يستاهلون البقاء ..

وصرح عبدالخالق بان ياسر الوادعي , هو مراقب في منتدى بدايه " مدمن بدايه "

ولكن مثل ماقال ابو ناصر , كادر العمل خلف الكواليس وبالكنترول ماكان يعمل باحترافيه فيه اخطاء واعطال وتاخر كبير . .
ان شاء الله يتلافونها في الاسابيع القادمه ..

بالتوفيق للجميع . . دمتم بخير ..
اضافة رد مع اقتباس
  #7  
قديم 30/01/2010, 03:09 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849
صديقي الي لاحضر مانمله
وغيابه يضيق علينا الوسيعه
شوفه يداوي القلب من كل عله
وبعده يضر القلب مانستطيعه
له منزل بالقلب محدٍ وصل له
محبة في الله رب الشريعة
لا غاب مابه من يحل بمحله

الخلق طيب والمنازل رفيعه
حل الوداع ودموع عيني تهله
ودعته وروحن بقلبي وديعه
:
ما أجمل الحب في الله
:
وداع مؤثر لـ ياسر الوادعي
خرج صاحب القلب الطيّب ما شاء الله كما إتفق الشباب
:
بعد ليلة طوييييلة في المسابقة والأخطاء الفنية المتكررة من الكمبيوتر
الأخطاء خارجه عن إراتدتهم قد تكووون
لكن نقوول لعلّها خيرة , لعبوا بأعصابنا والله ><
وسهّروا الطلآب ><

:
راااحوا الطيبييين على قولة الأستاذ عقييل ..
:
إن شاء الله بنشووف بشارة طيّبة بعد هـ البرايم
مثل واداع خالد الدوسري لمّا بُشرنا بإسلآم يهودية عراقية


اضافة رد مع اقتباس
  #8  
قديم 30/01/2010, 11:00 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542


طلع ياسر الوادعي
واتوقع انه الحلقه الاضعف بين الموجودين حسب توقعاتي

امس الاعطال كانت حكايه كل ماقلت هانت جا علم جديد
مشكله البرامج المباشره لو انها قناه خرابيط ماخرب شي لان الامكانيات تكون كبيره
بس لانها قناه محافظه تكون امكانيتهم بسيطه


امس نمت 1 وشوي وتوهم ولاراجعت بعد
استفدت مخزون ثقافي ---> حاطه نفسها مع المشاركين
امس معاي وحده من البنات ونتسابق معاهم للاسف فازت علي
اكتشفت اني من الربكه والعجله اضيع ماينلامون

مدري ليه يحبون يحطون البرامج يوم الجمعه ووقت متاخر
ان شاء الله يتغير التوقيت ويبدا بدري بعد العشاء على طول
مو معقول نجلس لـ 1 و2 وورانا دراسة

الا المذيع وش جنسيته
احسه خليط بين مصر وتونس وليبيا

وبس

الهنوووف

كانت

هنا

ورحلت

اضافة رد مع اقتباس
  #9  
قديم 30/01/2010, 12:39 PM
زعيــم متواصــل
تاريخ التسجيل: 31/08/2009
مشاركات: 130
المذيع من ليبــــــيا والله يعليه لهجه:


الله يعنهم على كثر اعطالهم
اضافة رد مع اقتباس
  #10  
قديم 30/01/2010, 12:52 PM
زعيــم نشيــط
تاريخ التسجيل: 25/06/2007
مشاركات: 790
هلابك
جهد جميل
اخيرا فهمت سالفة البرنامج << اربع وعشرين ساعه مسنتره قدامه وعجزت افهم وش السالفه
احلى شيئ لما يجيبون شيخ يتكلم حلوو مره
والمطبخ بعد تشوفين فضايح الرجال بالطبخ
امس لما طلع ياسر تبغين الصراحه مالهم دااعي على هالصياح وش دعوى حريم كنت احسبه مات اشوفهم يقولون اخ وعزيز وماأدري وشو
وخزااياه عيب رجال طول وعرض وصياح عشان واحد طلع الحمدالله والشكر
انا متابعته على شان يوسف البشري من القصيم ياحليله
على العموم ماتحسين اني طولت الهرج
مشكوره ع الموضوع الحلو
اضافة رد مع اقتباس
  #11  
قديم 30/01/2010, 06:51 PM
قلم تربوي بالمجلس العام
تاريخ التسجيل: 30/11/2008
مشاركات: 1,912
أنا أتابعه وبقوة وخاصة الدعاة الذين يحضرون



وفقرة الشيف أتابعها وأحياناً أتوتر من المتصلة تجيب الهم الله يعين أهلها وبعضهن


اذكر الله ماشاء الله سناعة وترتيب وتعرف كيف تعطي تعليمات مرتبه ..


فيه شباب والله انهم مفخرة للوطن وللإسلام وبعضهم الله يهديه تكملة عدد وحظ .


بنتي ماتابعت إلا البارحة الحمدلله أنتهت إمتحاناتها وكانت متوترة


مع صالح الحربي وتدعو له بشدة تقول أشعر أنه صادق ولا يتصنع وعنده رسالة


محدده وهي نصرة الدين الله يوفق الجميع ..



ملاحظتي :


ياليت توصل لهم أبو عبد الكريم لا يكثر الأستهتار مع أبو غازي والله شينه


كل شوي يقوله قبل رأسي !!!!! المزاح مطلوب وسعة الصدر زينه ولكن بحدود ..



في التصفيات ياليت يضعون كراسي للمتسابقين والله يحزنون وهم واقفين


وأحياناً يجلسون على طرف المسرح للراحة عند خراب الأجهزة ..



الله يوفق القناة ويجعلها رائدة في الخير وأتمنى لها التقدم والأزدهار .
اضافة رد مع اقتباس
  #12  
قديم 30/01/2010, 07:29 PM
زعيــم جديــد
تاريخ التسجيل: 10/02/2009
المكان: الــــريـــــاض
مشاركات: 18
السلام عليكم ..

والله البرنامج يحمس
وخاصه انه اكثر سعوديين
بس في شي يرفع الضغط
لو يغيرون المذيع وليد يكون البرنامج احلى واحلى
امس يقول لعبدالإله انا كيفي كيفك <<واقول وش يبي ذا وش قصده اثاريه يقصد يعني
مثلي مثلك مايدري وش السالفه
اضافة رد مع اقتباس
  #13  
قديم 31/01/2010, 12:44 AM
روماوي مميز
تاريخ التسجيل: 23/06/2006
المكان: Il Romanista
مشاركات: 6,046
المذيع الشاعري الظاهر أنه ليبي أمه مصرية أو زي كذا .. لهجته مصرية بلكنه ليبية ..
اضافة رد مع اقتباس
  #14  
قديم 31/01/2010, 12:58 AM
زعيــم جديــد
تاريخ التسجيل: 10/02/2009
المكان: الــــريـــــاض
مشاركات: 18
ودهـ بعد يتكلم سعودي ..
ودي اكلمه اقول افتخر بجنسيتك
وتكلم زي الناس ياليبي ولا مصري
حدد مصيرك
ــــــــــــــــــــــــــــــــــــــــــــــ
اليوم فقرة المغري لطراد
والله المفروض وافق مصيرك بتطلع بتطلع
اكسب بلازماا والله
ومحمد قطب مادري ويحس فييييه الصررراحه يعرضون بعد له العرض ويرفض !!!<< ودي ادري شلون يفكر
اضافة رد مع اقتباس
  #15  
قديم 01/02/2010, 01:53 PM
الصورة الرمزية الخاصة بـ ع ـشقهــا هـلالـي
زعيــم مميــز
تاريخ التسجيل: 18/11/2007
مشاركات: 4,488
Arrow




السلآم عليكـم ورحمـة الله وبركآتـه
كيف حآلكم جميعـآ آشكر كل من مر هنآ ووضع له بصمه الله يجزآه الجنه قولوا
امين ..
الاخت الكريمـه الضحـى يشهد الله ان مرورك العطر اسعدني اتمنى تواجدك الدائم
والله يخليلك بونيتك قولي امين

اليوم بحط تغطيه بسيطه لاني ماشفت البرنامج هـ الايام بس شفت مقاطع يوتيوب
الان وبسدحهـآ لكم ..
حنين وينك يادووبه

نبدآء التغطيـه ..



طبعـآ دآئمـآ مآ آبدآء بـ العضو الافضل بالنسبه لي غرم البيشي
ماشاء الله عليه ابوي يخبرني اليوم ويقول انه ماشاء الله غرم عنده عقليه تجاريه
واسلوب روعه وانه مسوي افتتاح لمحله وحركات عاد رحت ادور لكم المقطه ولقيته لكم ..
آرعصوآ ( فيـذآ و فيـذآ )

صور من الافتتآح


.

.

.


.

.

.~


هنـآ هوآش التجآر غرم و يوسف ههههآي تفزلوو × فيذآ ×
هنـآ كلمتـه عن التدخيـن وبصراحه روعـه انسان يقنعك بـ آسلوبـه ويشاركه بالكلمه
ابو غآزي
آرعصـو × فيـذآ ×



يقولون حصل ع 70 نقطه افا ياغـرم اضغط ع نفسك حبتين
عآوزين تكون الاول يآشيخ ,,


هنآ مشهـد حمد العتيبـي وحسـن ارعصوآ × فيـذآ ×

فيه صوره اثرت فيه




حلوه الصدآقـه مو
يكفيني من الدنيا ولو ما ألقى كثير اصحاب ,, صديق يوجعه جرحي وانا توجعني جروحه



هذآ الشخص لي عوده برد طويل خاص فيه يآهوو غابني حيييل
الله يهداه بس ..



بتكلم عن الاخ ياسر الوآدعي تمنيت طلوعه لسبب بسيط
هو الرجال فيه خير وطيب وعنده علم لكن انك ماتتقبل اي شي
من اخوانك الي ساكنين معك فهذا يعني انك ماتحترمهم
انا شفته يوم لطس حمد العتيبي لطسه وقاله مابيك تمزح معي
وجه حمد طاااح واخوانه الي جنبه بالخيمه انصدموا منه
فـ لا تلوم احد اذا مايتقبلك يا ياسر لان الناس تبي اللين بالدعوه
مو القوي ومايتقبل المزح ..




آحس ماله حس بالبرنامج ابد



طرآد اذا تحمـس جآب العيـد فآ آنـآ من هذا المنبر انصحه بعدم
التحمس واجد



كلآمـه بدآء يقنعني وآجد لكن ليته يختصر كلآمه احسه طوويل مره



متغيـر مو مثل نشآطه قبل وش السبب ياعلـي

فوآز احسه راعي مقالب فقط ؟؟



اتصال اثر في شفته الحين وحبيت احط لكم

× هنــآ ×






آخيـرآ


آستودعكم الله لي عوده يـ الليل اذا ارد الله..

اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:00 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube