|
لماذا نيفيز يا جيريتس الشلهوب كان الأفضل أول شيء أحب أمسي عليكم يا أحلى منتدى وأحلى جمهور طبعاً الكل شاهد الهلال منذ بداية الموسم وقبل الثلاث أو الأربع لقاءات الأخيرة كان يقدم عروض جميلة ويكسب الفرق بكل سلاسة وإرياحية مستوى ونتيجة ولكن في اللقاءات الأخيرة كان المستوى الفني أقل بكثير لماذا؟؟؟ طبعاً البعض يرى أن السبب هو كثرة المباريات وإرهاق اللاعبين وأننا في نهاية الموسم ولكن .... السبب هو أن جيريتس سابقا كان يعتمد في تكتيكه على اللاعب الموهوب محمد الشلهوب وكان الشلهوب هو مكينة الهلال متى تحرك تحرك الهلال بكامله ولكن رأى أن نيفيز قادر على ذلك فبالتالي غاب الشلهوب في اللقاءات الأخيرة ولم يستطع نيفيز بتقديم نصف ما كان يقدمه محمد الشلهوب من متعة وأصبح أيضاً يعتمد على التقفيل الدفاعي بوجود خالد عزيز بعد عودته فغابت المتعة وعادت أيام كوزمين نتائج بلا مستوى. فأتمنى من جيريتس إعادة النظر في محمد الشلهوب العائد يقوة وبالتوفيق لهلالنا رافع راسنا وتحياتي للجميع |
بالتوفيق للهلال وان شاء الله الدوري هلالي وهذي وجهت نظر مدرب مشكور |
ياخي نيفيز افضل من الشلهوب بنيه جسمانيه راس فاولات وبعدين معاكم انت وياه الحين الهلال قاعد يقدم مستويات هجوميه وانتم مايعجبكم العجب همكم الشلهوب وطقته يعني غصب ياخذ الهداف |
بالتوفيق للهلال وان شاء الله الدوري هلالي وهذي وجهت نظر مدرب مشكور |
اختلف معك ,, اتوقع نفيفز ينفع اكثر من الشلهوب يكفي تسجليه للأهداف وهذا الي نبي بالمرحله هاذي وبعدها لكل حادث حديث لكن لان اهم ي المستوى .. اما عن عزيز فالفرق الصغيره تعتمد على المرتدات ولو كنت بالملعب تشوف شلون عزيز يقطع المرتدات إظافة إلى اننا نستفيد من رادوي إذا كان محور هجومي بالتسديد .. تبقى وجهة نظرك والخلاف لا يفسد القضية .. |
معليش اخوي انا اخالفك الراي الشهلوب انخفض مستواه قليلا ولكن شيء طبيعي ولازم يمر فيها اي لاعب وش المانع يظهرون الاثنين سواء يا ماشفناهم يبدعون مع بعض مو مبرر انخفاض مستوى الشلهوب يكون مرتبط بنيفيز واهم شيء الان الهلال في كل مباراة 3 نقاط لانها مرحله حسم ومايهم المستوى هذي وجهه نظري تحيتي,,, |
كلام جميل لكن يعتبر اجنهاد قد يصيب وقد يخطيئ الشلهوب طايح مستواه بينما نيفيز لاعب مستواه أقوى من الدوري السعودي والدليل استدعاء منتخب البرازيل له |
اخوي نهايه الدوري كل الفرق تبحث عن النتايج وليس على المستوى |
وجهة نظر المدرب احترمها الله يخليك هاذا بدل ما نشكره على هالمستويات الرائعه اللي اعتقد لم نرى الهلال بها منذو سنوات نجلس نعاتبه ليه تطلع فلان وتطلع فلان اخوي ادعي ان الهلال يفوز على الرائد وخل عنك المواضيع اللي مالها داعي بالوقت هاذا خصوصا خل عتابك نهاية الموسم تقبل مروري اخوي |
ياخي من قال لك اصلا ان جريتس يعتمد على لاعب معيّن !! الله يهديك لاتثير المشاكل والفتن لاتجيب كلام من عندك !! جريتس يعتمد الكرة الجماعية الطريقة الهولندية وسبق ان صرح اكثر من مرة انه يعتمد اللعب الجماعي ولايحب تعطيل اللعب وسوف يحاسب اي لاعب يستعرض بالكرة او يملكها طويلا وهذا سبب ابعاد التائب ومشاهدتنا لجماعية الهلال ولله الحمد . ومن ثم انخفاض مستوى الشلهوب باخر مبارتين هذا امر وارد بكرة القدم مثله مثل اي لاعب بالعالم . فيجب عدم الالتفات لمثل هذه الامور والتركيز على الحضور والدعم الجماهيري للهلال . |
إقتباس:
|
انا اخالفك الحين نيفيز يقدم افضل من الشلهوب وتجي تقولي الشلهوب خخخخخخخخخ >> كل واحد ووجه نظره المهم نيفيز يستطيع في : الفاولات , التسديد يملك قدم ما شاء الله قويه , الكرات الثابته , يضرب بالرآآس نرجع للشلهوب : الفاولات مستحيل مستحيل يسجل فاولات , التسديد جيد مو قويه يعني نص ونص اسمحلي في هذي مخيس الشلهوب في هذي الي هي ضربه راس كم لـ الشلهوب واهو طاق راس ما قد طق في حياته |
غير صحيح كلامك ،، كل ما في الامر ان الشلهوب مستواه نازي في المباريات الاخيرهـ ونيفيز مستواه يتحسن تدريجياً إلى الافضل ..وتكتيك المدرب ما اشوف ان له أي علاقه .. |
أنا لن أتكلم عن وجهة نظري في كلامك.. ولكني سأتكلم عن الأسماء التي سطرتها في توقيعك..فقد أرجعت فكري لسنوات طويلة ماضية .. أسماء ذكرتها أنت كانت مزلزلة لكل الخصوم.. شكرا لك.. ..سيناتور.. |
والله مدري وش تبي بالضبط مايعجبكم العجب الزعيم فن وتكتيك عالي عالي عالي جدا والله ان اللي يقدمه الزعيم بقيادة غريتس افضل مستوى في الشرق الاوسط ولم يصل لهذا المستوى اي فريق في آسيا وعسى الله يتوجنا بدوري الابطال الاسيوي ويكفينا شر مفاجآت الكوره |
| الوقت المعتمد في المنتدى بتوقيت جرينتش +3.
الوقت الان » 09:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd