بسم الله الرحمن الرحيم
الحمدالله والصلاة والسلام على رسول الله وعلى اله وصحبه الكرام وبعد ....

شفنا بعد مباراة الهلال والأهلي في كأس الأميرفيصل بن فهد رحمه الله حضور جماهيري قليل جدا

فعادة ظاهرة جمهور الرياض وجمهور المناطق هذي اللي تضحك العالم عليكم ...

من متى سمعنا ياناس عن جمهور المناطق الا عندنا في الدوري السعودي ...

ياعالم كبرو عقولكم شوي ولاتخلو العالم تضحك عليكم ...

جمهور الرياض أو جمهور المناطق الأخرى أبي أسئلكم سؤال واحد وأبيكم تفكرون فيه ؟

لما يصير شغب بين جماهير الهلال وجماهير فريق ثاني في منطقه من غير منطقة الرياض لما تجي اللجنه تعاقب الهلال تقول نقل المباراه لمنطقة الفريق الخصم غير الرياض مافكرت قالت لا جمهور المنطقه الفلانيه هو اللي تسبب في الغلط نعاقبهم هم قالت جمهووووور الهلال هو اللي سواها ...فكروا شوي وتعرفون انه عملية تقسيم الجمهورالى جمهور المناطق ليست الا لتكون هناك زعزعه ومشاحنه بين جماهير الهلال ...ولازم نوقف ضدها معا في حملة توعيه تكون بإسم لا لجمهور المناطق نحن جمهور الزعيم...


ياشباب كلنا نتفق على حب الهلال سواء كنا في الشرقيه أو الغربيه أو الشمال او الجنوب او الوسط
فلا ندع عملية تقسيم الجمهور على المناطق تسبب هذي البلبله بمجرد ان الجمهور الهلالي لم يحضر في منطقة تعتبر أرض نادي الهلال .....

مع إني أرى ان كل ملعب يلعب فيه الهلال هو أرضه سواء داخل المملكه أو خارجها ...


ياجمهور الهلال من لم يحضر المباراه فعذره معه ومن حضر فيه الخير والبركه....وخلو عنكم تقسيم الجمهور ...

ونصير يد وحده مع الفريق ونآزره لحصد البطولات القادمه...


ون شاء الله نحتفل سويا ليلة الثلاثاء بفوز الهلال وكسب النقاط الثلاث وتعزيز الصداره ونحتفل ليلة الخميس بالبطوله التي ستبرهن لنا على مستقبل الهلال الذي سيصول ويجول في السنوات القادمه عن شعار الهلال وجماهيره ...

وبهذا أختم كلامي بالصلاة على الحبيب محمد بن عبدالله خير من مشى في هذه الدنيا وعلى آله الطيبين الأطهار وعلى الصحابة الكرام وعلى من تبعهم بإحسان ..والحمد الله رب العالمين ...