الله لا يسمع منك الزعيم يقدر يوفق بي المبرتين ونشالله نفوز

thaaaaaaaaaaaaaaaaaaaaaaaaaaaaaaaaaaaanx

اخوي سفير حياك ومنور المنتدى بوجودي والنور نوري والكهرباء على الادارة

اتمنى حسم الدوري باسرع وقت لراحة الاعبين واستعداهم لكاس ولي العهد واسياء حتى لو باقي وقت طويل عن هذي

البطولتين نريحهم من الافضل وتقبل مروري يغالي

مشكور على موضوعك ...

بصراحه الفوز بالدوري مبكراً مطلب لإراحة اللاعبين ... للبطولات الاخرى . وفرصه لإعطاء للاعبين الالومبي اللعب في المباريات الدوري المتبقية لكسب الخبره .

اهم شي النادي يظفر بالدوري مايهمني مكان التتويج ولله الحمد جمهور نادي القرن ماشاء الله تبارك الله في كل مكان .

بالتوفيق لنادي القرن ..

بصراحة سبب غير مقنع

وجماهير الرياض وان كنت لا احب هذا التقسيم فجمهور الهلال

يجمعهم حب الزعيم

جماهير الرياض غالباَ تكون مباريات النهائيات عندهم ولهم النصيب

الاوفر من الاحتفال بعد المباراة النهائة فهم يتمنون ان يتوج الزعيم


بالدوري سواء في الغربيه او الشرقيه او الجنوبيه وجمهور الزعيم

راح يحضر في اي منطقه

اخوي العزيز انا اختلف معآك صحيح انو مبارة الشيآآب والأتحـآد مهمه لنا وللتآريخ مثل مايقولون

لاكن احنآ المهم عندنا البطولة اهم شي تجي بشتى الطرق سواً ى بحضور الجمهور او غيرهـ

صحيح انو حضور الجمهور يعطي نكهه للبطوله لاكن لو مآحضر الجمهور هل نفرط بالبطوله


على اية حآآل ان شاء الله جمهور نآدي القرن الأسيوي كمآ عودنآ بالحضووور الدائم

مودتي،

منيتك احتفظ فيها لنفسك

مااتوقع فيه هلالي صميم يتمنى خسارة فريقه مهما كانت الاسباب

اين حق جمهور الرياض الذي ضرب اروع الامثلة في الحضور والتشجيع ابتداءَ من اول مباراة امام نجران ..
الا يحق له الفرح بالبطولة التي ازر فيها الفريق طوال مبارياتها ؟؟(باستثناء مباراة الاهلي في كاس فيصل)
ألا يستحقون زعماء المدرجات هذا الشرف حتى وان لم يكن بعدها تتويج..
ولكن على الاقل يطلق عليها فرحة رسمية مع نجوم الفريق خصوصاَ انه يوم خميس ووسط بيئي ملائم جداَ لهذه المناسبة


طيب .. هذي مشكلة بحد نظرك وتخليك تتمنى الهلال يخسر

والله انها كارثة اذا كان مستوى تفكيرك كذآ

طيب فيه جماهير خارج الرياض تجي وتساند الهلال بالرياض في اغلب مبارياته وكلهم يتمنون الفوز ونيل البطولة سواءا بالرياض ولآ بعرعر

ع العموم

ربي يوفق الزعيم وان شاء الله يآخذ بطولة الدوري وكاس فيصل

أخوي زياد اسمع:

إن شاء الله يفوز الهلال بالمباريات الثلاث القادمة في الدوري كلها..

نبي درع الدوري ولو كانت المباراة في يسول ..

أهم شيئ ناخذ الدوري ومافرقت عندنا أخناها في الريالض أو جدة أو في أمريكا..

..سيناتور..

أن اتئ الحسم لايعجبكم .. ولا وان لم يحسم لايعجبكم ..

.................................................................

أخوي هذي وجهة نظرك واحنا نحترمها ...

لكن قد تسبب خسارة نقطه وحده في الدوري وبالذات في احد المباريات الثانيه الى صعوبة اللقاءات اللي بعدها ..
وخاصة أنها أمام الاتفاق فريق مو سهل ...والشباب ..والاتحاد ..

كلها أفرق قويه واي تعثر مو في صالحنا والافضل نحسمها بدري واحنا مرتاحين والاحتفال راح يكون احلى في الرياض مع الاتفاق وانت متوج بالبطوله لأنك سترى إبهار فني من قبل الاعبين لدرجه كبيره ..لعدم وجود ضغوط عليهم بتحقيق البطوله ...وأيضا سيكون لديك ولي عهد مباراياته صعبه .. الفيصلي متصدر الدوري الدرجه الأولى بدون ولا هزيمه ...لاحظ هذا الشئ ...ومبارته صعبه ..
وبعدها مباراة ربما تكون مع النصر او الرائد .. إذا كان النصر ستكون مباراة قتاليه وسينتج عنها غصابات للاعبين لأنها ستكون إثبات رجعه للنصر أو إثبات انها كبوة جواد للهلال ..

تحياتي

بل نريد الحسم في مباراة الحزم ان شاء الله
وبالتوفيق

حبيبي هذا موسبب عشان تبغى الزعيم ينهزم وش السبب اصلا

والله شوف للامانه انا اتوقع ان في احد داخل بنكك وكاتب هالموضوع صراحه

لان اعرفك عز المعرفه انك هلالي بحت والله ويكفي انك من البلاد الطيبه الكويت ومعروفين الكويتين عمرهم ماكانو يتمنون الخساير مهما كانت الاسباب وفي جميع المجالات

اول شي اتمنى ان الهلال يفوز بجميع المباريات المتبقيه لكذا سبب

1- ان يجمع اكبر عدد من النقاط على مر تاريخ الدوري ويكسر رقم الاتحاد

2- ان الاعبين يرتاحون ويلعبون اخر مبارتين بدون ضغوط سوا مع الشباب او الاتحاد ونصير نمزمز عليهم على روقان بدون اي ضغوط

3- ان نقول لجميع الفرق اللي تحسب النقاط بينا وبينهم يحلموووووووووووووووووووووووووووون

4- اما اذا على الحفل انا مستعد اعمل لهم حفل اهل الرياض بسطح بيتنا بس اهم شي ناخذ البطوله ان شاء الله قبل مباراة الاتفاق ان شاء الله هع هع هع هع هع هع

5- نتفرغ لبطولة ولي العهد اللي انت تقول انها راح تبدا بعد اسبوع من بعد مباراة الاتفاق لو فرضا اخذنا البطوله ان شاء الله بعد مباراة الحزم ان شاء الله خلاص نريحهم في مباراة الاتفاق استعداد لبطولة ولي العهد وكمان خوف عليهم من الاصابات وكذالك اذا في اي اصابه لا سمح الله يمدي الاعب يرجع من مباراة الحزم لحد بداية بطولة ولي العهد


6- مالها داعي تشوف فريقك خسران ورئيس النادي دافع الملايين عليه نبي فريقنا يكون مرعب للفرق كلهم عشان يحسبون له الف حساب سوا في بطولات المحليه او بطولة اسيا

7- اتمنى انك ترد علي وتقول ان عضويتك مسروقه ههههههههههههههههههههههههههههه

بسم الله علينا
ان شاء الله نحسم الدوري قبل ومانخسر في اي مباراه حتى بعد التتويج
وش هالكلام اول مره اشوف هلالي يتمنى خساره الهلال الحمدلله والشكر
موضوعك مستفز ومنرفز الله يهديك بس