جوعان .. وإلا جوعان مرره .. وإلا ميت من الجووووع ( ياهــلال ) - نادي الهلال السعودي - شبكة الزعيم

ابو طـــــلال · #1 18/01/2010, 11:30 AM

إذا جوعان ...مزمز على بطولة الأمير فيصل بن فهد يوم الخميس الجاي قدام الشباب وخذها

إذا جوعااان مرررره .. خذ بطولة الأمير فيصل قدام الشباب يوم الخميس .. بس قبلها تفوز على الرائد وتوسع الفارق ويبقى لك مباراة الإتفاق والحزم .. وتاخذ بطولة الدوووري ..

وإذا ميت من الجوع .. تفوز على الشباب في الدوري وكأس الأمير فيصل والمباريات الثلاث أمام الرائد والإتفاق والحزم .. وتستعد بقوووه لكاس ولي العهد وتفوز على الفيصلي وبعدها تفوز على النصر او الرائد .. وبالنهائي تشد حيلك يازعيم وتاكل خصمك ( أياً كان ) وتشيل معك بطولة .. الحين صارت معك ثلاث بطولات ...

وإن حسيت إنك للحين ماشبعت ( الله يقويك ) عندك وجبة ( كاس الأبطال ) إلهمها لهم دون ماتفكر باللى أخذته قبل من بطولات ... أنت الآن كسرت ( حاجز ) الخمسين بطولة ...

شبعت !؟

ادري ماتشبع وجمهورك مايشبع ... عاد تنزل كل اللى معك من بطولات على جنب .. وتنسى حاجز الخمسين بطولة ... وتاخذ نفس طــــــــــــــــــــــوييييييل ... شهيق .. زفير ..

قدامك الحين بطولة أسياء ... يبيلها شغل ذي .. الأعذار كلها غير مقبولة ..

اكل العنب حبه حبه ... بحول الله وقوته .. بنفطر على كاس فيصل .. ونتقهوى شاهي الضحى بالدوري .. والغداء كاس ولي العهد .. وبين العشاوين نبي كاس الأبطال .. والعشاء تجي ياهلال ومعدتك فاضية لأنه عشانا ( مفاطيح ) بطولة آسياء ..

قول عني ماتقول .. صوبي كم صعب الوصوووول >>> مالها دخل

قصدي قولوا عني ( حالمي ) مع إحترامي وتقديري للجميع

بس الهلال لو ماجمع بطولات الموسم كله وهو كامل ماشاء الله تبارك الله في كل شي .. من الإدارة وعلى رأسها الأمير عبد الرحمن بن مساعد ونائبه الأمير نواف بن سعد .. إلى الجهاز الفني بقيادة الداهية ( جريتس ) والبطل المحنك الذيب ( سامي ) وإنت طالع للاعبي الفريق الأول والأولمبي .. حتى أصغر مشجع هلالي

مستعجل على يوم الخميس .. واللى فيه بطولة .. وبعدها بكم يوم ببتأكد لنا بطولة .. وبعدها بطولة وحنا بنشوة الإنتصارات ..

ياجماعة مابقى على كسر حاجز الخمسين بطولة إلا ( اسبــــــــــــــــوع )

دعواتكم ... وحضوركم .. وترى حضوركم أهم .. احضر لو ماتدعي

اخوكم الصغير ابو طلال