راح تقتنعون ياجمهور خارج الرياض يعني راح تقتنعون
 

بصراحه انا شفت المواضيع اللي كثرت خصوصا بعد المباراة الاخيره مع الاهلي

وهذا من حقكم والبعض قال ان مباراة الهلال والاهلي في الدوري ماجاها حضور

مع اني اشوف العكس الحضور كان ممتاز ولكن لكبر ملعب الملك فهد اصبح بعينكم الحضور قليل جدا

طيب ماعلينا من هذا كله انا ابيكم تحسبونها معي

الهلال بالدوري يلعب 11 مباراه في الرياض

كأس فيصل لعب 6 مباريات بالرياض والسابعه بالطريق

كأس ولي العهد سيلعب الهلال مايقارب 6 مباريات وخلونا ناخذ منها 3 في الرياض

كأس الابطال اظن انها مبارتين فقط واحتمال تكون كلها بالرياض بس خلينا نقول وحده

كأس اسيا راح يلعب بالتصفيات 3 مباريات بالرياض

راح يلعب 3 مباريات بالرياض ايضا اذا وصل لنصف النهائي


يعني العدد تقريبا 26 مباراة كلها في الرياض

و 16 مباراة موزعه على مناطق المملكه والباقي خارج المملكه


اولا مستحيل على كل شخص الحضور في كل مباراه حتى لو كان من الرابطه

وذلك للاسباب التالية

1- ظروف العمل ( من ضمنها انا استأذنت ثلاث مرات من عملي عشان احضر مباراة للهلال والمباراه الاخيره ماقدرت اترك العمل )

2- الظروف المادية ( 26 مبارة في 20 ريال = 520 ريال ومو اي شخص يقدر يتحمل هالمبلغ فيه طلاب فيه ناس ماديتهم ضعيفه وفيه ناس مايقدر يحضر الا ومعاه عياله تلقاهم اثنين او ثلاثة فكم مره بيدفع تذاكر عليهم

3- اهل وسط الرياض وجنوبه يبون المباريات في الملز لانه اقرب لهم واهل شرق الرياض وشماله يبونها في الاستاد لانه اقرب لهم واوسع من ناحية الطرق والمخارج والمواقف


4- الخوف من الاجواء فاجواء الرياض متقلبه بشكل غير طبيعي وقد ترى الفصول الاربعة في خلال جلسة واحده


5- الحضور لمباراة في الرياض معناتها انك لازم مايكون عندك شغل طووول اليوم مثلا مباراة الهلال والنصر انا طالع من الساعه 12 الظهر ولاقدرت ارجع الا الساعه 8 بالليل ومباراة الاهلي طالع من العصر ولارجعت الا الساعه 11 بالليل


6- وهناك اشياء كثيره لم اتمكن من ذكرها لانها لم تمر علي فاتمنى من لديه شئ فليضيفه



الاهم

ياخوان ارجو انكم ان تكونو اكثر عقلانيه ولانحاول ان نبحث عن الزله على اخواننا

او على لاعبينا

جميعا اجتمعنا على حب الهلال دون غيره فلنجعل الاهم في مواضيعنا هو الدعم القادم وليس الاختلاف على ماقد حصل

شكرا للادارة الكريمة على الموافقة

من جد بعدين الحظور ببعض المناطق انهم يحظرون مثل القصيم ونجران يحضرون لانها مباره وحده او2 بعدين مايضمنون ان الهلال يجيهم مره ثانيه ؟

ثانيآ يااغاالي الان التوقيت هذا خصوصا آختبارات الجامعه بدت يعني صفهاااا معها

وحاضرين بأذن الله لعيون الزعيم في موقعة الحميس بأذن الله ..

يا اخي مع احترامي للجمهور
إلا انه مقصر تقصير كامل
وبعدين وش يعني إختبارات وإلا دوامات
من عمرنا وحنا نحضر ولاقلنا إختبار ولا دوام ولاغيره
وبعدين لو الطلاب يرتبون وقتهم كان يمديهم يذاكرون ويحضرون المباراة لأنهم في الاساس بيشوفونها في البيت يعني بدال ماتشوفها في البيت رح للملعب واحسب ساعه زياده للمشوار ، ولاتظن انها مباراة هلال ونصر لازم تحضر من بدري ، يعني لو رحت قبل المباراة بربع ساعه ان كان تجلس في الواجهه ،،
لاعذر لمن لم يحضر سوى بالحضور في المباريات القادمه

اتمنى انك ترجع وتقرى كلامي مرة ثانيه

لاني متأكد انك ماقريته بس شفت كلمة جمهور الرياض وجيت وكتبت اللي عندك ومشيت

وياليت اعرف انت من اي مدينة وكم مباراه حضرت للهلال وكم مباراه طافتك

لله دررك ياشيييخ .... كلأم كبير والله .. وأحب أضيف أنها كآنت يوم سبت .. وقرب نهآية موسم دراسي ..

لكـن من الأسف أنهم يخلقون مشكله من لا شئ للأسسف ... وننسا فريقنا ..

كفييت ووفيت يابعدي ما قصرت ..

اللهم وفق الهلال فوق كل أرررض وتحت كل سمآء ياارب ..

اللهم صلي وسلم على نبينا محمد ..

ولو هيدا واجبنا:s2:

والله يصلي على محمد

الله يعطيك العافيه يخوي كلامك واقعي ميه في الميه
ومشكوووووووووووووور

الله يهديهم البعض يتكلم وتلاقيه ما يحظر لو جت في مدينته

يعني احناااااا نتعررررررررررض الى مضايقات وش غير اخر مبااراة مع الشباب اللي تعرضنا له


هداااااااااااااهم الله

اللهم ووووفق ززززعيمنـــــــــآآآآآآآآآآآآآآآآآ

غــــــــــــــــــــــــداً

والله كلآمك منطقي وجميل ..

واللي يمديه يحضر ما رآآح يبخل على الهلال وانا أولهم

موضوع رائع

ومشكور
وانتم الي تتكلمون مايمدي ولا شي ولا مشغول ولا عمرنا نحضر

طيب هي صلاه ولا حج هي واجبه انك تحضر

ان حضرت لحب الزعيم

مشكور منادي