اما انا سالفتي سالفه
بس اخاف تحقدون علي وتقولون مندس خخخخخخخخخ
عام 1416 كنت بصف ثالث ابتدائي وكان مدرس الرياضة حقنا مدري وش قصته بس اهم شي ان اسمه الاحمد ومسؤول في كرة الطائرة بنادي الهلال ( طبعا كنت كديش وقتها بس ترا كنت صغينون يعني مدري وش السالفة ) المهم كنت اذا جاء وقت الرياضة لبست

ملابس النصر وسويت فيها اني اكوس واحد اللعب وكذا اذا جاء الاحمد قال لي لعب مافيه ليش يامدرس قال لن انت على غلط ولازم تتعدل وش الغلط يالطيب قال وش تبي بالنصر قلت اشجعه

استغفر الله ( الحين احقد على نفسي كل ماتذكرت الكلام هذا ) المهم قال شف انا بنصحك وبساعدك وبخليك تشجع الهلال غصب والا انسى تلعب بحصة الرياضة خصوصا اذا انك تلبس النصر اللبس اي لبس ثاني عادي بس لاتلبس النصر عاد كان حصة الرياضة حصتين بالاسبوع عاندت اسبوعين الا والله المدرس صامل رازعني مع الي لابسين ثياب والمشكله بعض المرات يلاعبهم وانا اناظر ههههههههههههههههههههه ياااني كنت حاقد عليه
المهم بعد اسبوعين استسلمت للامر والحمد لله اني استسلمت
عاد قلت الحين اخاف اجيب لبس ثاني ويكرهني بعد
لا خلني اشتري بدلة الهلال ويلاعبني وفعلا مجرد مالبستها صرت البطل حق الفصل ههههههههههههه
هذي هي بدايتي ولله الحمد واشكر الاستاذ الاحمد الي نفسي اتذكر اسمه واعتقد اسمه عبدالرحمن بس اسمراني هو وكان مسؤول عن كرة الطائرة في الهلال والي يقدر يفيدني بااسمه ياليت والله كان عام 1416 الكلام هذا وشكرا



