|
للموسم الثالث جمهورالهلال في الرياض يخذل الزعيــم السلام عليكم مبروك الفوز و إن شاء الله بطولة زرقاء بدون مقدمات قبل موسمين واجه الهلال الشباب في نصف نهائي كأس ولي العهد (مباراتين ذهاب وإياب) وكان الحضور الجماهيري ضعيف جدا ومع هذا تأهل الهلال ولله الحمد الموسم الماضي واجه الهلال الشباب في نصف نهائي كأس الملك وكان الحضور الجماهيري كما تتذكرون وخسر الهلال الموسم الحالي الهلال يواجه الأهلي في نصف نهائي كأس الأمير فيصل بن فهد والحضور لايتجاوز مئة مشجع!! والأعذار هي نفس الأعذار التي نسمعها كل موسم برد اختبارات غبار الملعب بعيد وسط اسبوع أريد أن أفهم جمهور الهلال في المناطق الاخرى ماعندهم اختبارات؟؟؟ ماعندهم برد وحر؟؟؟؟ ماعندهم غبار؟؟؟ دعونا من جمهور الهلال جماهير الأندية الأخرى النصر والإتحاد ماعندهم اختبارات؟؟؟ ماعندهم برد؟؟؟ ماتجيهم غبره؟؟؟ هل حدث وأن شاهدنا الاتحاد او النصر يلعبون مباريات نصف نهائي في أي بطولة كانت بحضور جماهيري مثل حضور مباراة أمس هل يعقل أن هذا جمهور فريق متصدر للدوري ومنافس بقوة على كأس الامير فيصل بن فهد ويقدم أروع المستويات كيف سيكن الحضور لو كان الهلال مكان الاتحاد او النصر او الشباب!!!!!!!! أنا أقول لجمهور الهلال في الرياض بيض الله وجوهكم وماقصرتوا لكن إذا كانت الغبره والبرد والاختبارات ومباريات وسط الاسبوع تعيقكم عن دعم فريقكم فأتمنى من الإدارة الهلاليه أن تنقل مباريات الهلال في الرياض لمدينة اخرى أعرف أن كلامي هذا سيغضب الكثيرين لكن أعذروني فمنظر المدرجات بالأمس يحز في النفس ويبعث على الاحباط ورغم كل هذا إلا أن شباب الهلال كانوا رجالا على قدر من المسؤوليه وحققوا الفوز لكن بكل أمانه لانحتمل ان نشاهد مثل هذا الحضور في مباريات نصف نهائي قادمه للفريق لأن هذا يضر بسمعة الهلال وجماهيريته العريضه هذا مااحببت قوله وشكرا |
انشاء الله نفوز على الشباب بالكاس |
بس الحمد لله اللي حضروا امس على قلتهم الا انهم اكثر تفاعل من الكثير اللي يحضرون |
يا حبيبي لا تقعد تقول الرياض وما الرياض كل البطولات ما جات الا من جمهور الرياض الي مو عاجبك وبا النسبه لمباراه امس كل الي اعرفهم ولا ما اعرفه ما يهتمون لكاس فيصل يقولون كاس لا يودي ولا يجيب واغلبهم كان غير متفائلين كلهم يقولون الهلال راح يخسر وبنتيجه كبيره بعد بس جبلي اي نص نهائي ربع نهائي دوري 16 وما يكون جمهور الرياض با الموعد |
إقتباس:
على العموم دخلت الموضوع لاني ودي اقول كلمة لايكثر بس وانا عارف اني كلمتي بتغضبك ولكن ااسامه < هاليوزر كان له احترام لكن من اليوم ,,,,, |
و الله يا اخوي اسامه انا معاك ان الحضور امس مصدومين منه لكن مو مشكله برد وغبار وغيرها صدقني بالنسبه لي ماكان فيه تحفيز للجماهير للذهاب للمباراة حتى هنا بالمنتدى وكذلك من الادارة البطوله هذي نلعبها بالاولمبي وهي البطوله الرابعه والاخيرة في ترتيب البطولات السعوديه والجمهور الحمد لله انه ما سبب ضغط على اللاعبين للحصول عليها عشان كذا يلعبون بدون ضغوط شف عندك الشباب جمهور الهلال الي حضر امس اكثر من جمهورة بكثير ورغم ذلك يحقق بطولات قويه بسبب عدم الضغط عليه من الاعلام والجمهور وصدقني توقيت المباراة سيء جدا جدا يوم السبت وفي مباراة للهلال مهمه يوم الثلاثاء لازم الحضور فيها في ناس ما تقدر تحضر اكثر من مباراة في اقل من اسبوع تعليقي على جمهور الهلال امس مثل تعليق ادارة الهلال على لاعبي الهلال في مباراة النصر Bad Day للملعلوميه الهلال سيلعب في الرياض خلال 6 ايام 3 مباريات السبت لعب مع الاهلي والثلاثاء مع الرائد والخميس مع الشباب صراحه صعبه يحضر كل هذي ماتدري عن ظروف الناس (وليس هذا سبب جوهري ) السبب الجوهري بنظري : المعامله السيئه من رجال الامن وعدم توفير ابسط حقوق الانسان داخل الملعب الي هي كأس ماء اتمنى الي خارج الرياض يجي هذا الاسبوع ويحضر مباراة الثلاثاء والخميس وخلنا نشوف وش شعورة اتمنى من ادارة الهلال قبل عتبها علينا خصوصا جمهور الرياض وهم معاهم حق في ذلك انت تخاطب الاتحاد السعودي وتغير التعامل السيء جدا في ملاعب الرياض الي فيها كل شيء ممنوع حتى كاس الماء عشان تروح تشرب مويه يضيع عليك ربع ساعه من المباراة لهذا السبب تجد جمهور الهلال في الرياض يحتشد في النهائيات والمباريات المهمه جدا ويتحمل المعامله السيئه مع احترامي لبطوله الامير فيصل ليست طموح جمهور الهلال ولو لاسمح الله حققها الهلال وحيده هذا الموسم لقامت الدنيا ولم تقعد العام الفائت حققنا كاس ولي العهد ولم ترضى الجماهير مع ان الهلال مر بظروف تسقط اي فريق درجة اولى اتمنى ايقاف الهجوم على جمهور الهلال بالرياض لانه يحضر اكثر من 35 مباراة في الموسم ويتحمل الاهانات والمهازل في ملاعبنا الموقرة خصوصا الملز انظروا الى الدول المجاورة وكيفيه تعامل الجماهير وانظروا لدينا يعاملونك كمجرم كما من حقكم العتب من حقي ابداء وجهه نظري واسباب عزوف الجماهير الحقيقيه سؤال الجمهور الي حضر في مباريات نجران و الحزم و الاتحاد والشباب والاهلي و الوحده والنصر كلهم جمهور نجوم و نهائيات ومقاهي ؟!! تحيتي,,, |
مااشي اعذرووهم يبونا نعرف حجمهم بس لاتعودونها ياملح الجماهير اذا سلطنت الرياض ومن غير اهل الريااااااااااض اموت بالرياض واهلها |
وين انت الحين تتكلم وانت ليش ماتحضر انت شف اخر مباره للهلال في الملز مع الوحده وش سو رججال الامن واهم شي على الانسان كرامته اجل واحد وش ذنبه يجلس ينطق عند البوابات ويذل هاه وش شعورك كذا وتقول الاتحاد والنصر وممدري وش بعد الاتحاد فايز بالخمسه ولاحضرو الي هي مباره النصر تظل وجهت نظر |
صدقني لو جاء جمهور بينهزم الهلال ..خل الجمهور يريح وان شاء الله الكاس هلالي . |
إقتباس:
أطرح الموضوع لأن منظر المدرجات أمس وهي فارغه مؤلم ومحزن جدا وعادي ياخوي ماني زعلان ولاشي في النهايه هي وجهة نظر وأنا ماجبتها من راسي الكل شاهد مباراة الأمس واستغرب من الحضور احترامك لي اذا كان مرتبط بالمواضيع الي توافق ارائك فصدقني اخوي الغالي اني في غنى عنه لاني في النهايه بقول اللي في خاطري حتى لو كان هذا الكلام يزعل |
اتمنى من أي شخص لا يسكن في الرياض ان لا يتحدث عن جمهور الرياض اذا كنت امس في الملعب .. على عيني وراسي تعال تكلم .. غير كذا خلك ساكت لو سمحت تراك ما تدري بالمصايب اللي تصير في ملاعب الرياض !! في كل دول العالم وفي جميع الرياضات يعتبر حضور المباريات نشاط ترفيهي .. يروح له الواحد عشان يستمتع بوقته ويتسلى .. الا عندنا .. الحضور جهاد ومشقه ومذله وقلة ادب. في استاذ الملك فهد -فمابالك بالملز- لا تستطيع الحصول على كاس ماء بارد هذا خارج المدرج .. اما داخله فاقصى املك كيس فصفص مدخله تهريب كنك مدخل مخدرات تطلع من دوامك قبل المغرب بشوي .. يالله تلحق المسافات البعيده والزحمه الرهيبه .. وبالاخير مواقف شبه معدومه وبعد الغثاء والشقا تاصل المدرج وروحك تبي تطلع .. تلقى من يوقفك سروات طويله تتفتش 3 او اربع مرات ومنافخ وقلة ادب وياويلك ما يعجبه شكلك .. موب لازم ترد .. ولا حتى تفكر بحقك .. يكفي ان العسكري ما يعجبه شكلك عشان يتبلاك و يسوي لك مشكله ويمكن تنضرب وتنهان .. هذا اذا ما سكر البوابه وقال لك بل تذاكرك واشرب مويتهن .. ميب مشكله ابلها واشرب مويتها بس ما يقل ادبه علي عسكري جاهل ما يسوى الله يكرمكم جزمتي. بعد المباراة تاصل بيتك .. حيلك مهدود .. ذابحك الجوع والعطش .. وكلك اصابات .. وتناظر الساعه .. اثرها نص الليل .. بالله قل لي وشلون تبي تقوم بكرا تداوم ؟؟ لا وبعدها بيومين بتخوض نفس المعاناه هذي من جديد !! اذا كنت تروح للملعب مرتين بالسنه فلاتقيس على جمهور فيه من يعمل مخصوص على تطفيشه من الملعب ويخوض معاناة ومعارك 30 مرة بالسنه وبعد هذا كله تراها بطوله اولومبيه لا هيب كاس ولا دوري ولا اسيويه والله ان الجمهور في مدرجات ملعب الملز يعانون ويتعبون اكثر من اللاعبين على ارض الملعب .. واذا كنت ما حضرت مباريات للهلال في الرياض .. فاحمد ربك تراها رحمه |
إقتباس:
ولاحظ اقول الحضور اما ثلاث مباريات نصف نهائي بدون حضور طيب كأس الأمير فيصل على قولك مايهتمون فيه كاس الملك الموسم الماضي مع الشباب كاس ولي العهد الموسم اللي قبله مع الشباب |
ان شاء الله الكـــاس لنادي القـرن ..! |
يا اخوي تكلم على نفسك لو سمحت جمهور الرياض احسن جمهور بالمنااطق كلها لا تقعد تقارن جمهور الريااض اللي يحظر اكثر من 40 مره يمكن بالسنه الدوري وكاس فيصل وكاس ولي العهد وكاس اسيا وكاس الابطال ووو بجمهور يحضر عندهم الهلال مره وحده بالسنه ويمكن بالسنين اذا كان فريقهم يلعب مره وحده بالدوري ويهبط انا اتكلم عن نفسي اقسم بالله العظيم اني حااظر الموسم هذا بس اكثر من 15 مباره او اكثر ما ابي اعدهن الدوري وكااس فيصل غير حظوري التدريب ثلاث مرات الموسم هذا وابي احظر مباره الرائد والنهائي يوم الخميس ومباره الاتفااق اذا الله احياان وكل مباريات كاس ولي العهد واسيا وكاس الابطال انا اتلكم عن نفسي فقط وادري نصف الجمهور كذا عشان كذا ارجوووك لاتجي تقاارن لو سمحت جمهور الريااض بغيره ورب البيت ما احد يحظر كثر جمهور الريااض واحب اقوولك حنا والله الحمد اكثر جمهور زف فريقه نحو البطولات لا يهنوون المنااظق الاخرى حنا ما نبي نفرق بين جمهور الزعيم بالمملكه كلنا جمهور الهلال بالرياض ولا جده ولا القصيم ولا الشرقيه ومكه نجران وابها وووو حبيبي بالاخير لا احد يكتب موضوع تجريح لجمهور منطقه محدده بالتحديد كل التوفيق لنادي القرن بجميع البطولات الموسم |
إقتباس:
ياخي انا لما اقول ان جمهور الهلال ماحضر امس يعني جرحت في جمهور الهلال وبعدين نحنا مانسوي حزازيات بين جماهير الهلال في المناطق الاخرى لو ماحضر جمهور الهلال في الاحساء كان تكلمنا ولو ماحضر جمهور الهلال في القصيم كان تكلمنا في النهايه اتمنى انك تقرأ الموضوع جيدا وترد على ماهو موجود في الموضوع إن كان صحيح او خاطئ في النهايه كل الكلام اللي قلته نحن نعرفه جمهور الهلال في الرياض هو اللذي زف الهلال للبطولات وكل هذا الكلام نعرفه لكن لما تاتي مباريات مهمه بدون حضور جماهيري ماتبغونا نعتب عليكم |
يعني رجعنا على طير ياللي جمهور الرياض وجمهور الرياض وحنا جمهورنا احسن من جمهوركم وياليت تنقلون مباريات الهلال اللي يقول القصيم واللي يقول الاحساء واللي يقول مدري وين لكن صراحه الغريبه ان ادارة المنتدى توافق على مواضيع زي كذا حنا الحين في نهاية موسم طويل ومباريات مهمه وانتم جايين تتكلمون على الجمهور وغير كذا هذي اول مباراة يغيب فيها جمهور الهلال هالموسم يعني خلاص ماترحمون من اول مره جهزتوا سكاكينكم وقمتوا تقطعون هالجمهور الكبير واللي كنتم طول هالموسم تتفاخرون فيه |
آآكــلتوآ الررجــآل المسكيين :d... طييب هــو لـه وجهــة نظــررهـ وتقبلووهــآ ..عــآدي يعنــي وشوولــه كبررتــوا السسـآلفة :d ع العموووم الجمهووور آمسس صدددق حزز في خــآطري بسس عـــآد وش نسسوي كـلش عــآآدد ولآآ جمهــوور الريــآض :d يــآمــآ ملوو الملعــب ويــآمــآ :d..يحضروون ويملوون الملــعب ررغم الصعوووبــآت اللي يوآآجهوونــهـآآ تقوول رآآيحيين معرركــة.. جمــآهيير الريــآض دآآئمــآ وآآبدددآ مــآ يقصروون رغــم التطفــيش يوآآصلوون الحضووور .. صددق ان منظرر المدرجــآت آمسس كــل مــآنآظررت الشــآشة آصدد وجهي مررة كــآن الجمهووور يفشششل.. بسس يــلآ عــآآددي آآحسسن من الفرررق الثــآنيية ..لا تنســى ان الجمــآهيير دآئمــآ وآبــددآ تمــلآآ الملعب وعشــآن مررة وحدةة صــآر الملعب فآآضي نعصب لآآ عــآدي :d بس آن شــآءالله يعوووضونهــآ بليلـة الفررح ليلة الخميييس في النهــآآئي :d .. |
انـــــأ واعوذ بالله من كلمة انا لو مكاانكم كااان اسنتر بالملعب 24 ســــأعـــــه بس ما باليد حييييله |
والله اني انقهرت بعد ماشفت الجمهور لكن الشكوى لله |
انا مدري هل ننتظر أعضاء الشرف لما يقولون راح نتبرع في باصات عشان يجيبون الجمهور من الشرقيه ومن الغربيه ومن المناطق المجاوره لرياض بصراحه فعلاً شي يزعل لما تشوف منظر الملعب امس انا إن شاء الله راح اشوفلي أقرب حجز من رأس الخيمه إلى الشارقه سياره ومن الشارقه الله يخليلنا الخطوط العربيه تودينا لرياض برخص الاسعار نحظر المباره النهائيه بأذن الله انا وكم واحد من ربعي ونصير بغنى عن بعض من جمهور الرياض لحظو قلت بعض ماقلت كلهم صج عددنا قليل لو جينا لكن إن شاء الله راح نكون ثلاثه محسبوين من ألف مشجع للهلال حاضرين للملعب |
إقتباس:
اتمنى من البعض انهم مايؤولون ويفسرون الكلام على كيفهم نحنا قلنا ان الحضور سيء هذا واقع سواء عجبك او ماعجبك إلا اذا كنت شايف ان الجمهور امس كان معبي الملعب نحنا ننتقد عدم الحضور مو الجمهور بعينه فإذا في مشاكل عند الجمهور الهلالي في الحضور بعضهم يقول الأمن في الملعب يسوي مشاكل بعضهم يقول بطوله غير مهمه بعضهم يقول برد بعضهم يقول اختبارات هناك جماهير في المناطق الاخرى مستعده للحضور ولا جمهور الهلال في الرياضوفي كل مناطق المملكه على راسنا من فوق وهم يمثلون الشريحه الاكبر من الجمهور الهلالي ولامزايده على هذا الكلام |
عليكم كاتب موضوع ... ما امداك تشوف مباراة جمهور فاشي جيت تتكلم ,, وين ما مدحت انت وخشتك بالجماهير بالي فات من مباريات .. ويجي يقول انا ما جرحت بالجمهور ,,, وبالعنوان كاتب يخذل ,, يا شيخ دزها ... وياليته يرد عالردود الي مكتمته .. إقتباس:
|
إن شاء الله نعوضها يوم الثلاثاء والخميس.... |
إقتباس:
على العموم انت ماقلت وجهة نظرك انت اتهمت اتهام باطل لاتكتب مواضيع وانت موب عارف وش تبي توصل للاعضاء اتمنى من المشرفين الاعزاء ايقاف اي عضوية تشكك بجماهيرية اي منطقه لانها تسبب حزبيات ومشاكل انا ماقد تعديت على احد ولا تنرفزت كثر هالمره ازعجونا جمهور الرياض جمهور الرياض |
آخوي معليش جمهور الرياض ما يهتمون بكأس فيصل رحمه الله للاسف موضوعك تافه اتمنى التوفيق للهلال دائما وابدا اين ما حل وارتحل ولكم مني اطيب التحايا |
ان شاء الله نفوز على الشباب بالكاس |
إقتباس:
|
إقتباس:
اي اتهام بالباطل هداك الله لما اقول الجمهور ماحضر امس هذا اتهام بالباطل!!!!!!!!! ولاتخاف ترا المشرفين الكرام يعرفون الفرق بين الانتقاد للمصلحه وبين التشكيك ونظرية أن لم تكن معي فأنت ضدي لاتنطبق عليهم وتنرفز وتعدى على كيفك وجهة نظر سنعبر عنها شئت أم أبيت |
ياخي مفروض انت واشكالك اللي تتكلم عن جمهور الهلال بالرياض يحطون لهم منتدى خاص أو تحذف لأن مواضيعهم ممله ومكرره ... مالها اي فائده .. غير الفتنه بين الجماهير ... وينك عن جمهور الهلال أمام الشباب بالدوري وينك عن جمهور الهلال امام الاتحاد وينك عن الجمهور أمام النصر وينك عنهم في نهائي اسيا امام الكويت الكويتي والوجده الاماراتي ... اذا بتقارن جمهور بالرياض اللي يحضر فوق 25 مباره بالسنه وتجي تقول انه مايحضر والهلال يلعب في بعض المناطق مباره او مبارتين بالسنه واحياناً بعض المناطق كل عشرين أو خمسة عشر سنه ... والله هالمواضيع للتفرقه بين الجماهير وانا استغرب من الشبكه انها تسمح لكل من هب ودب يكتب موضوع ... |
إقتباس:
اتوقع انك اتهمتنا باختلاق الاعذار وفضلت جماهير الخصوم علينا !!!! يمكن مستوى عقلي مايخولني اني اميز بين الانتقاد الهادف والتشكيك الواضح |
الله يستر يوم الخميس ..... أن شاء الله يكون الحضور يبيض الوجه |
إقتباس:
يعني انا جايب الكلام هذا من راسي يعني ماسمعنا هذي الاعذار البرد والغبرة والاختبارات هذا يعتبر اتهام!!!!!!!!!! طيب طيب مشكور على مرورك |
إقتباس:
وياليت لو تفهم الموضوع انا اتكلمت عن مباراة امس ماقلت جمهور الرياض عمره مايحضر |
أتفق معك بكلآمك ... وأستغرب بعض الردود الــ طفوليه .... !!! يعني زعلآن من الموضوع ومنت خجلآن من منظر نآئب الرئيس وهو يصرح من القهر عن جمآهير الريآض ..!!! أشكرك يآ كآتب الموضوع .. |
يا أخـــي بصراحـة توقيت المباراة سيء جدا جدا ... وبعدين ليش رئيس الهـلال ما يحضر ؟؟؟ الحين البلطان يحضر كل مباريات الشباب حتى في بطولة فيصل ... يعني هم أحسن منا ؟؟؟ بصراحـة بداية الأسبوع تحط لي مباراة ما أدري وش ذا التفكير اللي عندي اللجنة ... لكن إن شـاء الله يوم الخميس حاضرين ... وإن شاء الله نحتفل بالبطولة |
والله الحضور امس ماكان قد الطموح رغم ان المباراه مهمه ونصف نهائي !! لكن نقول العوض في مباراة الشباب ان شاء الله |
إقتباس:
والادارة الآن عند نواف السعد وهو رجل كفؤ وكان حاضر هو وعضو الشرف البارز نواف بن محمد !! بالنسبة للموضوع اعتقد ان الملعب امس كان شبه فاضي !! والمشكلة ان جمهور الاهلي نافسنا على الملعب :s2: كلام صاحب الموضوع من باب السخط على الجماهير ومو من باب التفرقة الله يهديكم !! يا اخوان لا نصير لهالدرجة ونعتبر ان اي انتقاد لجمهور ما في منطقة انه عنصرية !! بالعكس انا من الرياض وكنت حاضر امس والصراحة ما توقعت الحضور يكون مخجل لهذه الدرجة !! ولا علينا المباراة عدت والحمد لله تأهلنا والنهائي راح يكون يوم الخميس القادم وهو وقت مناسب للجماهير !! اما الفريق الاول فما احتاج اذكر لأن الشباب مو مقصرين !! وهدو اعصابكم يا شباب ورأس مالها كورة :yes: :rose: |
| الوقت المعتمد في المنتدى بتوقيت جرينتش +3.
الوقت الان » 01:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd