|
جمهور الرياض ، هذا ما أراد شبيه الريح أن يقوله لكم !! يااااحيف ، يااااحيف ياجنود الهلال نصف النهائي ، والحضور الف ، الفين ، أو حتى ثلاث وش العذر ؟ ******* المدرسه ، الجامعه ، تبي تختبر ؟ عقلك في راسك ، أدرس وذاكر أجلس في بيتك ، وافتح كتابك أقراء سطر ، وأنسى الهلال افهم ، وحل المسألة ، وأترك العابد يكابد ، وش عليك ؟ الأهم مستقبلك ******* قال أيش ، قال الزعيم ، والله الله بالحضور أنا وش جنيت من هالفريق ؟ هم يلعبون ، وأنا في المدرج منخنق هم يفرحون ، وأنا راجع لبيتي منسرق ، أو منفلق ، وأحيان ثوبي محترق وترى الأهم مستقبلي أنا وش علَي ؟ مالي دخل ، إن فاز ، بفرح وأنبسط طيب وإن خسر ؟ برأيك من هو السبب ؟ يمكن حكم ، وإلا الصويلح والفرج ، أو المدرب ، بس الأكيد هذا قدر والأهم هو مستقبلي ******* والله صدقت الأهم مستقبلك!! ذاكر ترى الهلال ماينجحك ذاكر ترى الهلال في الإختبار ماينفعك ، والله ولا بيغششك ربي يعينك ياولد مشغول ومهموم من الدراسه قلم مرسم ، حبر ، قرطاس وكراسه ربي يعينك ياولد ، ويساعدك ، ويوفقك ، بس انتبه !! لاتعزم الشله ، ولاتفتح قناة خل المقاهي والملاحق للشباب العاطلة وأنسى طريق الإستراحة ، لأنك تقول : الأهم هو مستقبلي ******* وش مستقبلك ؟ ومن أوهمك أن الهلال بيدّمره ، أو يفسّده ؟ هيييييه ، أصحى ياولد !! هذا الزعيم ، ماخاب من هو يتبعه ، ويشجعه مستقبلك !! أعرف طريقه ، ولو تبي أعلملك ، بأعلمك لاتقول ماعندي خبر ، الكل عارف ، ليلة أحد ، بعد العشاء ، درب الزعيم نحو الذهب ذاكر عصر ، وإلا فجر ، وإلا ظهر أو الخميس وإلا الربوع ، بس المهم لاتعتذر عن الحضور ، ولايضيع مستقبلك ******* آييييييييييه ... الله عليك ياولد !! نسيت أيام السعد ؟ نسيت أفراح الهلال ؟ تبغى اذكرك؟ يوم الخميس وخمسته ، يوم مسخرنا العميد وإلا تبي نبعد بعيد ، ونغوص في تاريخنا يوم النمر يفرس دفاعات الخصوم ، ويوم أن سامي عانق أطراف الغيوم الله عليك ياصاحبي !! وشلون تنسى أفراحنا !؟ كانك نسيت ، أذكرك يوم النمر يقطع شباك النصر ، ويعلق بمضحي ، ويفرح من حظر كانك نسيت ، فأنا مانسيت يومك بكيت ، وأنا معك ، وصارت عيوني جمر بعد الهدف ، ضد الشباب ، يوم المباراة تحتضر يوم أن سامي قالها ، زال الخطر ، زال الخطر ******* إلى هنا ، والله تعبت وكانك نسيت ، وما ذكرت !! خّل الهلال ، ودوّر على مستقبلك وكانك ذكرت ، ومن بعد الندم ، جاء في بالك تعتذر (( أحضر ترى في الحضور أوفى عذر )) . . . . . . . . كتبه لشبكة الزعيم الموقع الرسمي لنادي الهلال أخوكم/ أبو سواج كونوا بخير ،، . . . . |
كلام سليم يعطيك العافيه وان شاء الله الحضور بالنهائي |
ماعليش ياغالي رسالتك جميله جدا ولكن للاسف انك لم تختار الاسلوب الصحيح لنقد الجماهير |
نسيت أفراح الهلال؟ تبغى اذكرك؟</B> يوم الخميس وخمسته ، يوم مسخرنا العميد </B> وإلا تبي نبعد بعيد ، ونغوص في تاريخنا</B> يوم النمر يفرس دفاعات الخصوم ، ويوم أن سامي عانق أطراف الغيوم</B> الله عليك ياصاحبي !!</B> وشلون تنسى أفراحنا !؟</B> كانك نسيت ، أذكرك</B> يوم النمر يقطع شباك النصر ، ويعلق بمضحي ، ويفرح من حظر</B> كانك نسيت ، فأنا مانسيت</B> يومك بكيت ، وأنا معك ، وصارت عيوني جمر</B> بعد الهدف ، ضد الشباب ، يوم المباراة تحتضر</B> يوم أن سامي قالها ، زال الخطر ، زال الخطر</B> |
اي والله صدقت يابوسواج!!! تذكرنا هدف سامي بالشباب يوم كنت على البوابه 22 بمشي خلاص المباراه انتهت لكن الله فيه وابوعبدالله حاضر وتذكرت هدف يوسف بمضحي لاعب فيه الثنيان لعب يازين ايام الزعيم ويازين الزعيم كله ويازين موضوعك لاهنت يالغالي |
آجمل مأقرأت كتبت فأبدعت ليتني لم آصحو من سكر مآقرأت |
عوااااااااااافي يارب وعتبنا على جمهور الهلال بالرياض كلنا لكن لا حياة لمن تنادي.. قبلها بيومين يطالبون بنقلها الاستاد ههه |
رووووووووووعه الجمهوووووووور هذا وقت الحصااااااااااد ولن يقصرووووا بااااااااااالتوفيق للزعيـــــــــــــــــــــــــــــــــــــــــــم |
جمااهير .. يعني صراحة مدري وش اقول ..!! نصف نهائي ..!! وينكــم .. وينكـــم .. وينكــم ..!! الهــلال .. حاول وحااول حتـى قـدر .. وبحول الله تعــالى.. قدر يجيبها وتأهلنا لنهــائي كأس الامير فيصل بن فهد ( رحمه الله ).. مباراة مشتعلة وقوويه لاأسميهاا الا بـ ( مباراة مجنــُونـِة )!! شع فيهااا نجـــُوم .. وأبرزهـُم .. نواف العابد .. عيسى المحياني .. احمد الفريدي .. مؤشر.. ولكن اين الجمهور .. وش هالحضور .. ماقول الا .. مباراة وقضت ولله الحمد حققنا الفوز والتأهل لنهاائي .. وإن شاء الله يوم اثلاثاء مع الرائد بالدوري .. نشوف حضور يرفع الراس.. وبالخميس النهـــائي .. نشوف حضور أحسن وأرقى وأكثر من أمس .. |
موعد المباراه سيىء جدآ غير ذلك اولمبي الهلال لعب المباراه بطريقة الكبار بسبب عدم وجود ضغوط جماهيريه يعني الحمدالله جت خيره الوعد النهائي وفالك الكآس يارب |
روعه مبدع الله يعطيك العافيه |
// // قلم من ذهب .. وحبر من فضة .. ويد من ألمآس كتبت فأبدعت ..قرأءت فآآستمتعت صدقت في كل كلمة كتبتهآآ .. ذكرتنآآ بآآلثنيآآن وذكرتنآ بسآآمي استغربت من جمهور الريآآض مآآفي حضور لو تخلون المبآآريآآت عندنآآ بمكة أبشروآ بآآلحضور إن شآآء اللهـ يوم الخميس نشوف حضور غييير وتفآآعل الرآآبطة عآآد يوم الخميس مآآعندكم عذر .. هآآاللهـ هآللهـ بآآلحضور أنتم سر انتصآآرآآت الزعيم بإذن اللهـ البطولة هلالية بآلتوفيق للزعيم يوم الخميس :alzaeem: // // |
كلماااااات من ذهب وكلنا مع الزعيم حاضرين حاضرين مشكور اخوي |
شبيه الريييييييييييح وش باقي من اللآآآآآآآآم والتجريح |
كلام سليم وكلنا مقصرين بس إن شاء الله نعوضها بالنهائي |
| الوقت المعتمد في المنتدى بتوقيت جرينتش +3.
الوقت الان » 02:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd