شبيه الريح + نواف بن سعد + ياسر+ الدعيع+ ويلي + الشلهوب ((اسفين مانبي البطوله )) ؟؟ - نادي الهلال السعودي - شبكة الزعيم

^دٍِّوٍِّلاٍِّرٍِّ^ · #1 17/01/2010, 01:25 AM

السلام عليكم والرحمه ,,

جمهور الهلال بالرياض ,,

كثرت المواضيع بشأن جمهورنا بالرياض وكثرت مطالب الجمهور الهلالي بالبطولات وكثر مطالبتهم بلاعبيين محترفين على مستوى عال وكثرت وكثرت ...

لكــن يبقى لاداره النادي واللاعبيين طلب واحد قط وهو مؤازره نجوم الزعيم في كل مباراه سواء في العاصمه او خارجها ,,

جميع المناطق الممكله جمهورنا فيها مايقصرون نشوفهم يغطون الملعب الا جمهورالرياض المزاجي ,,,

مبارتنا في دوري زين امام الوحده شفنا جمهورنا مغطي الملعب في وقت مبكر حضر ,, وساند وتفاعل مع اللاعبيين
وصحيح هي مباراه مهمه ولابد من الثلاث النقاط ,, لكن ماهي بأهم من مباراه الاهلي مساء امس اللي شفنا مدرجنا
كأننا عنقز بالمدرج ؟؟؟
الدعيع ونواف سعد وغيرهم عاتبوا الجمهور لعدم حضورهم ,,,,

وين جمهورنا بالرياض ليش نطالب ولا ننفذ نبي كل شي يجينا لحدنا مايصير ابد ,,

كيف تبي بطوله وانت ماتساند فريقك اللي جعلك تفرح السنوات الماضيه ؟؟

اتمنى نشوف الاستاذ يوم الخميس ممتلئ بجمهورنا وباقي البطولات القادمه .,,

رساله عتاب لاغير

مواطن سعودي هلالي · #2 17/01/2010, 02:59 AM

ممكن عدم حضورهم اليوم بسبب انه يوم السبت

وايضا بسبب ان المدرب لم يستعين بلاعبين الفريق الأول
لكن انشاءالله يعوضون جماهير الرياض المباراة النهائية ومباراة الرائد

مواطن سعودي هلالي · #3 17/01/2010, 03:05 AM

ممكن عدم حضورهم اليوم بسبب انه يوم السبت

وايضا بسبب ان المدرب لم يستعين بلاعبين الفريق الأول

لكن انشاءالله يعوضون جماهير الرياض المباراة النهائية ومباراة الرائد

مــلــك الاحــســاس · #4 17/01/2010, 03:09 AM

ابشر بالحضور اللي يرفع الرأس

انا ما حضرت اليوم بسبب حالتي الصحيه

لكن ان شاء الله احضر المبارايات القادمه

والبركة في باقي الجماهير

ابو رمش9 · #5 17/01/2010, 03:11 AM

ماتوقعت الحظور كذا بصراحة اتمنى الحظور في المباريات القادمة

relax ~ · #6 17/01/2010, 03:13 AM

ضاق صدري لما شفت الجماهير !

وينكم ياجمهور الرياض !

ليت المباريات بالشرقيه ااااخ بس

أبوفيصل511 · #7 17/01/2010, 03:36 AM

يازينك وانت ساكت اجل جمهور الرياض يخوي مجنون ولا صاحي احضر ثلاث مباريات في اسبوع واحد اصرف عليهم انا

STS2005 · #8 17/01/2010, 03:45 AM

إقتباس


	يازينك وانت ساكت اجل جمهور الرياض يخوي مجنون ولا صاحي احضر ثلاث مباريات في اسبوع واحد اصرف عليهم انا

هههههههههه ذكرتني بدعاية زين ..

ان شاء الله الجماهير الهلالي وصلتها الرساله .. وستكون في الموعد لتتويج الزعيم بإذن الله ..

قـلـب هـلالـي 15 · #9 17/01/2010, 04:06 AM

ماتوقعت الحظور كذا بصراحة اتمنى الحظور في المباريات القادمة

هلالي لا يوقف · #10 17/01/2010, 04:24 AM

مدري أخوي الغالي آنت تتكلم عن مباراة الاهلي في دوري زين ولا كآس فيصل !

وان جينا للمباراتيـن الحضور مخزي للأسـف ! رغم اني وربي ضربتْ 500 كيلو عشآن آحضر المباراة

ولما دخلتْ الاستاد انصدمت من الحضور ، بس كان سبب حضوري الاول والاهم مااتغيب روح الفوز بعد الخسارة امام النصر

Carizma · #11 17/01/2010, 05:15 AM

مثل مآقلت عن جماهير الزعيم .!!
شبيه الريح والامير نوآف بن سعد والدعيع عاتبو الجماهير باخر مباريات وخصوصآ الي بالرياض .

المباريات الجايه مصيريه ومباريات بطولآت اتمنى حضور الرقم الصعـب .

( ولله لو آنهآ لـ نآدي غير الهلال لـ فللو المدرجآت واهازيج )

بالتوفيق لـ الزعيم

مـــنـــادي الهلالي · #12 17/01/2010, 05:38 AM

واللاعبون من الان معذورين اذا لم يحققوا البطولة

^دٍِّوٍِّلاٍِّرٍِّ^ · #13 17/01/2010, 04:05 PM

إقتباس

الرسالة الأصلية كتبت بواسطة أبوفيصل511


	يازينك وانت ساكت اجل جمهور الرياض يخوي مجنون ولا صاحي احضر ثلاث مباريات في اسبوع واحد اصرف عليهم انا

يابطل حنا نحضر كل مباريات الهلال بالرياض وحتى اللي بالقصيم والشرقيه لا صادفت خميس او اربعاء نروح نحضر لاجل الزعيــم ,,

لكن اللي تاكي بالملحق ماتوقف سقارته الله لايهينه يشغل موتره ويروح يساند ,,

والا تبي بطوله وانت منسدح بغرفتك !!

@مـشـاري الـهـلالـي@ · #14 17/01/2010, 04:57 PM

السبت مالك خللق تروح للدوااام كيف تبي تروح للملعب

انا بالنسبه لي السبت ما اطيقه اخلاق زفت

لكن شف جمهور الريااض يوم الخميس

باذن الله رااح يهزون الملعب

ونفرح باول بطوله هلاليه

خالد العنزي · #15 17/01/2010, 06:47 PM

ابشرو بالحضور

اتمنى التوفيق للهلال دائما وابدا اين ما حل وارتحل ولكم مني اطيب التحايا