و هالتعليق !!

عيسى من زمان وانا ( ماهضمته ) من أيام تعليقة على إعتزال سامي الجابر يوم يقول ( إنتبه لنفسك .. إنتبه لأولادك .. ) وتكرار كلمة ( جن جنووون .... ) ويوم يقول ( صحباته ) يعني أصدقائه ..

ومرات يسوي نفسه نسى نفسه ويقعد ( يقعر زي البقره ) على قولة : رمضان حموده أبو العلمين

خصوصا مع الاهداف : قووووووووووووووووو ( شهقة ) ووووووووووول

والللللللللللللللل ( نهقه )لللللللللللللللللللله

و هدددددددددددد ( صراخ ) ددددددددددف

وفعلا مثل ماحسيت في تعليقة اليومفي مباراتنا مع الاهلي .. شفت مداخلة الامير عبدالرحمن بن مساعد وذكر اللى حسيت فيه من تعليقة بعين مفضوخة ... أهداف الهلال تقول ( مغصوب يعلق عليها ) وأهداف الاهلي ( يصرخ ويحلف إن الأهلي للنهائي ... )

نقشبندي رغم إنه أهلاوي إلا أن تعليقة ( راكد ) على الجزيرة ...

عيسى واسع الذمه .. أذكر يوم حطوه يعلق على مباريات الهلال في قناة الزعيم وانا ضايق صدري .. كان يمدح الهلال بشكل مبالغ فيه ... يحسسك إنك ( ماتفهم ) وهالأسلوب مااحبه وشكلهم بعد ( فك ) الإرتباط مع قناة الزعي م حقد عليهم .. يعني بالعربي ... ( عيسى الحربين ) و ( حقوي ) وجهان لعمله واحده ....

قالها الامير عبدالرحمن في الجوله ... الأهلي يلعب مع الهلال وهو نادي سعودي مهوب كوري !!

نقاط سريعة من المباراة

* حضور جماهيري قليل جداً والأكيد إن جمهور الأهلي أكثر
* الصويلح مدري ليه يلعب وهو ( مختبص ) يوطي الكورة ويطيح واجد .. ويزلق !! إلى متى ؟
* نامي عدمك أفضل من وجودك بهذا الشكل
* دفاع يلعب بخطه ( بربسيتووو ) وشوووووووت .. وخلص .. والنكبات بالجملة
* العابد ( قالبوووووووووووش ) يادينوووه ياناس
* مباراة حضر فيها المبدع حسن العتيبي بقوة .. شكرا أبو عتب
* خشووونه مهيب طبيعيه من قبل لاعبي الأهلي
* الفريدي الباص الخاطيء أكثر من ركضه بالملعب !؟ وش سالفته ؟
* أسوء مباراة قدمها الهلال هالموسم بعد الشوط الاول في مباراتنا مع النصر في الدوري
* الشباب بيخطف البطولة لو لعبنا هاللعب اللى لعبناه قدام الاهلي .. نبي بطولة ؟ لابد نركز صح قدام الشباب
* الصويلح ياهو خبط جبهة الجيزاوي خبطه يحبها قلبكم وبغى يكمل عليه ( تفلت عليه ) وربي ستر
اجمل مافي الصويلح ( حماسة ) رغم زلقاته وطيحاته وكثر وطياته للكورة
* المراسل عبدالله العضيبي ... بطل .. يسأل الأسئلة اللى ودك تعرف أجوبتها وودك تسألها
يستحق عبدالله العضيبي كل الشكر والتقدير ... والله يكثر من أمثالة .. ( حياده ... حيّر أعدائه )
* عتب الامير نواف بن سعد على جمهور الرياض اللى كان حضوره ( يفشل ) بمكانه .. وانا ياواحد لتلقاني اول واحد في مباراة الشباب .. إن شاء الله .. بستغنى عن القهوه والشويهي والإستقلاليه .. لعيون نواف والزعيم والبطولة ..

اخوكم الصغير ابو طلال