|
الهلال يسلم المباراة على طبق من ذهب للأهلي...!!! تناقلت الاخبار خلال هالايام ان الهلال راح يستعين بخمسة لاعبين من الفريق الاول في مبارة الاهلي اليوم وهم : (العتيبي - الغامدي - الغنام - المحياني - نامي ) مع رفض مدرب الهلال دخول اسامه والزوري مع الفريق!!! المشكلة ان جريتس يعلم انها مبارة نصف نهائي يعني خروج مغلوب يعني ضياع بطولة الهلال صاحب اعلى رقم في الحصول عليها!!! اكيد فيه ناس تقول الدوري أهم!! أنا معك لكن لاحظ ان آخر مباراة لعبنا مع الفتح وكانت مباراة عاديه يعني ما بذل فيها الفريق مجهود كبير..بالاضافه ان اللي جايه مع الرائد والفريق فارق بثمان نقاط على اقرب منافسيه!!! بالاضافه الى فارق الايام بين المباريات اللي يمكن اللاعب انه يرتاح!! بصراحه الفريق اليوم كأنه يسلم المباراة للأهلي اللي نعرف ان أغلب لاعبيه الاساسيين صغار ومن الاولمبي!!! بالاضافه لمالك معاذ اللي مستواه عاد بقوه..وكان الفريق بحاجه على الاقل لاسامه علشان يقدر يوقف خطورة معاذ!! شوف كيف الشباب أحضر الفريق الاول كامل في مباراة الفتح!! خمسة يلعبون وخمسه احتياط!!! يبقى كأس فيصل بطوله تحسب للفريق خصوصا اننا قطعنا مشوار كبير في الدوري يعني ما كان الموضوع راح يضر!!! يعني اسامه لعب قدام النصر بعدها بيوم شارك في اغلب مباراة الانتر وهو عنده مباراة نهاية الاسبوع!!! بالتأكيد اننا راح نتابع المباراة وايدينا على قلوبنا!! لان بصراحه كان الاولى تطيعم الفريق بثلاثة من الاساسيين مع العتيبي والغنام!!! بدلا من مشاركة احتياط الفريق الاول!!! انا اشوف ان الهلال كان مفروض يدخل بهالتشكيلة: العتيبي + نامي + اسامه + خيرات + شافي + صالح الدوسري + عزيز + الفريدي + الشلهوب + نواف + المحياني (ياسر + الغنام احتياط) ودعاوتكم بالفوز اليوم s13s |
هلابك يالغالي.. بالنسبة لموضوعك فــأنـا أختلف معك مشاركة (( الشلهوب +عزيز+ ياسر )) راح تضر الفريق أكثر من تنفعة لــ عدة أسباب 1- إرهــاق لللآعبين وقدامهم مباراة بعد ثلاث أيــآم 2-راح تسحب الثقة من اللاعبيين الشباب مثل ((الفرج+ عبدالله الدوسري+ ألخ....)) 3- البطولة هــذي لــ تصعيد المواهب أو لـــ عودة بعض اللاعبيين المصابين مثل( محمد العنبر لــو انه متشافي من بداية البطولة لكن الله يشفيه ويقومه بالسلامه 4- الاصآبآت <<الله يكفينــا شرهـا يمكن هالمباراة تكون سبب في إصابة لاعب من ركآئز الفريق الآول ونخسرة في الدوري والآسيوية وكأس ولي العهد وكأس الملك عرفت ليش يالغالي..!؟ والآختلاف في الرأي لايفسد الموضوع..! شلهوب ميسي |
. . . إقتباس:
اتفق معك تشكيلة مناسبة ..وكنت أتمنى وجود هوساوي والشلهوب لان مشكلة الفريق الالولمبي تكمن في العمق الدفاعي ..وفي صناعة العب ..ولوشاهدنا مباراة الهلال مع ابها الماضية لوجدنا أن الفريق يفتقد لصانع لعب حقيقي ..ومع ذلك ثقتنا في لاعبينا كبيرة ونتمنى لهم التوفيق مع الحضور الكبير لجمهور الوفاء .. |
والله إنّي متشآئمة مادري ليش عموماً بالتويق للهلال |
اولا : يعطيك العافيه على الموضوع .. الجميل .. والهلال ان شا الله يكون في يومهــ والكبير كبير .. لكن ارد على كلامك بـ ان الهلال سلم المبارات للاهلي .!! لا مااتوقع سلمها والكوره ترى ما تعرف صغير كبير ... والدليل الهلال والنصر غياب ثلاث عناصر من النصر الاسياسيه الوثرهـ وبالنهايه فازو على الهلال ..!! انا اتوقع الهلال ان شاء الله بيفوز . بــ اللعب الجماعي الضغط المبكر بالمبارات واتووقع العابد وعيسى لهم بصمه اليوم ... وتحيااتي |
مثل ماوصلها الشباب راح يحققها الشباب بأذن لله وليش ماتتفألووون ...؟؟؟ هذه البطوله اصلأ للشباااب والمواااهب |
آلفوز للزعيم بآذن آلله .. تقدم هلالي بهدفين وبعدها تقليص الفارق من الآهلي وتآهل آلزعيم لموآجهة آلشبآب شـــــــــــكــــــــــــرا |
مآ تفآئلت أبد لا بالبطولة ولا بالفريق .. ولا التطعيم اللي من الفريق الأول من يوم أصيب عزوز الدوسري والأولمبي لك عليه والله :( |
بس على الاقل حطهم احتياط ياخي ماتدري وش الظروف الله يستر |
والله أتفق مع اخوي شلهوب مسي..... بتوفيق الزعيم...... |
بحول الله فايزين فايزين في الهلال الفريق الاولمبي لايختلف عن الاول |
الف شكرر والله نفس الطريقه الي افكر فيهاا بعدين زيماقلت ماتعبو الاعبين معا الفتح والمباره الجايه يوم الثلاثا كم يوم راحه؟؟؟؟ اعتبرهاا تمرين ولو لعبةهم شووط وآآحد الله يهديك يااقريتس بيضيع هالبطوله الدوري باذن الله مضمون |
شوف أنا شخصياً غير متفائل بهذا الفريق , وتبي الصراحة كلهم كسر لعيبة وحرام يطقونها بالهلال عدا العابد والكسول الفرج والمجتهد خيرات أما بقية الفريق فكيف الحاااااااال نجي للاعبي الفريق الأول اللي بيدعمون الاولمبي برضوه كسر لعيبة ولا زال جيرتس هاه يحاول فيهم بس للأسف الضرب بالميت حرام. خذها مني ثلاثة أرباع الفريق الألمبي إعارات وتنسيق بعد نهاية مباراة الأهلي اليوم وإن إستمرت المغامرة فبعد مبارة الشباب , الحق حق وما ينزعل منه والهلال ماهو دار لرعاية العاهات أمثال نامي ومن هم على شاكلتك ممن يسمون مجازاً لاعبي كرة. |
إقتباس:
1- الارهاق مو موجود لان الفريق يلعب كل اسبوع تقريبا مباراة والفرق بين مباراة الفتح والرائد اكثر من ثلاثة ايام قبل وبعد!!! شوف الشباب والاهلي يلعبون بالاول وهم اغلبهم الاولمبي في البطولتين وما صار هالارهاق!! ولو اتفقنا على هالشي.. احتياط ولعب شوط ما راح يضر..ما تدري كيف ظروف المباراة!! 2- قبل 3 سنين الفريق الاول لعب على النهائي وخذا الكأس مع ان الفريق الاولمبي هو اللي صعد الفريق!! ولا ضرتهم الثقة!! قبل العام طرحنا الثقة في الاولمبي وفاز فيها الفقر وطار الكأس!!! التاريخ ما يذكر الا البطولات واللاعب الجيد يبقى ويستمر لو وقف قدامه النادي بكبره!!! 3- سامي قال راح ننافس على كل البطولات ولا نرضى بالخساير بعد مباراة تحصيل حاصل مع الشباب!! هل الكلام تغير الان!!! واحنا كجماهير ما نرضى باقل من الاول ولو على مستوى الناشين والشباب!! فمابالك ببطولة فيصل!!! شوف برشلونه لعب بالفريق الاول وكامل نجومه قدام اشبيليه مع انها مباراة كأس اسبانيا اللي توازي فيصل عندنا في الاهمية للانديه!!! العالم اليوم ينظر للتويج والبطولة مهما كانت والدليل 6 بطولات حسبت لبرشلونه مع ان المعتبره والقويه منهم ثنتين بس!!! 4- أما الاصابات فهذي علم غيب لان اللاعب ممكن يصاب بالتمارين!!! |
إقتباس:
وبعد غيابه ما شفنا شي منهم يفتح النفس... |
| الوقت المعتمد في المنتدى بتوقيت جرينتش +3.
الوقت الان » 06:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd