|
اتمنى اخذ الحيطة والحذر في الاسماء التي سوف تشارك امام الاهلي ؟؟؟ لا نريدها كمباراة الشعلة !!!!! السلام عليكم ورحمه الله وبركاته تحية طيبة للجميع وصلتني رسالة على الجوال تفيد بانه تم اختيار كل من : 1- حسن العتيبي 2- عمر الغامدي 3- عيسى المحياني 4- عبداللطيف الغنام 5- محمد نامي 6- سعد الذياب للمشاركة مع الفريق الاولمبي امام الاهلي هذا المساء، ما استغربته هو وجود 6 لاعبين سيشاركون فوق 23 سنه والجميع يعلم بان نظام البطولة لا يسمح الا بمشاركة 5 لاعبين فقط... والاكثر غرابة بان نظام هذه البطولة (بطولة الامير فيصل بن فهد) لا تسمح الا بمشاركة حارس مرمى تحت سن 23 سنه، والجميع يعلم بان حسن العتيبي عمرها 30 سنه... فلا ادري لماذا تم اختيار الحارس (حسن العتيبي وهو يبلغ من العمر 30 سنه) والنظام من الاساس لا يسمح له بالمشاركة الا اذا النظام تغيير في الادوار النهائية ؟؟؟!!! علما بانه يوجد لدينا الحارس الشاب المبدع (خالد شراحيلي)... كذلك لم نشرك 6 لاعبين ونعيد اخطاء مباراة الشعلة والتي خرجنا فيها منتصرين وحسبت ضدنا بخسارة بعد الاخطاء الادارية الفادحة بمشاركة 6 لاعبين فوق 23 سنه واليوم نعيد نفس الاخطاء وندفع بـ 6 لاعبين من اجل المشاركة امام الاهلي... اتمنى من الجميع التاكد وخاصة الاداريين المسؤولين في الفريق الاولمبي... واتوقع بان ضربتين في الراس توجع، وما كل مره تسلم الجرة، ويا ليت نتاكد هل يسمح للفريق بمشاركة 6 لاعبين، اما الاداريين في الفريق الاولمبي يتخبطون وقد نخرج من البطولة حتى لو خرجنا منتصرين ولكن باسباب ادارية ومشاركة غير نظامية لبعض اللاعبين في هذه البطولة... تقبلوا تحياتي،،،، |
للرفع لكي لا يقع الفاس في الراس بعدين نعض صابع الندم؟؟!!!!! |
مشكور اخوي لأهتمامك وهذا يدل على حبك بس صدقني لا يلدغ المؤمن من جحر مرتين خصوصا نادي مثل الهلال الي فيه الكفاءات الادارية الراقيه وبالنسبه للحارس فمايمنع ان يكون اكبر من 23 سنه هذي البطولة لكن يكون من ضمن الـ5 لاعبين فوق الـ 23 سنه تحيتي,,, |
سعد الذياب مش موقف ؟؟ أما الحارس مافيه مشكلهـ .. الفتح طول البطوله الحارس محمد شريفي و أضن ان شريفي عمره بين الـ80 والا 85 إذا ما خاب ضني .. هع هع |
مشكوووور اخوي على الموضوع الرائع لي عوده |
نقااط مهمه ذكرتهاا آخوي ،،، بس آتوقع الادارة عندها علم بهالشيء من المستحيل يكررون الخطاء ولا هذي مصيبه ،،، كل التوفيق للزعيييم الاولمبي في هالمباراة العصبة واللي بيكون فيها الاهلي بفريقه الاساسي ،،، |
اخوي لا تخاف اللاعبين اللي تم اختيارهم 6 لاعبين والمفروض ثمانية يعني باقي 2 لأن النظام يتيح لك اختيار 8 لاعبين اكبر من 23 سنة بشرط عدم لعب اكثر من خمسة في وقت واحد اي بامكانك اللعب ب5 لاعبين و3 في الاحتياط واذا اردت ان تدخل احد الاحتياطيين ال3 يجب عليك اخراج احد الخمسة. اما الحارس فالنظام يتيح ذلك ويعتبر من ضمن الخمسة صحيح انه كان في اللائحة الاولى ممنوع ولكن اللائحة الاخيرة للبطولة بعد تنقيحها اجازت ذلك. |
يالغالي هم طلبوا ست لاعبين للمباراه وانت زعلان على هالشي انا اتمنى انهم طالبين ثمان لاعبين للمباراه ويشارك خمسه ويبقى ثلاثه بالاحتياط الحين على كلامك انهم سته بيلعب خمسه وبيجلس الذياب على الدكه باللهي وش الفايده والله لو يتعرض شافي الدوسري لمكروه لاسمح الله ويطلع اتمنى انهم ينزلون مهاجم ونلعب بثلاثه مدافعين أبرك كفاية انهم بيلعبون كريستيانو نامي اليوم الله يستر من هالفريق اليوم مدري وشلون فزنا على أبها الي لو كان عندهم مهاجم صاحي كان هزمونا بالراحه لكن وقتها حسن العتيبي كان بطل ومركز واتمنى يستمر على هالمستوى في مباراة اليوم بالعربي الله يستر على الهلال اليوم من مستوى الهلال النايم والي قاهرني ان المدرب يختار لاعبين مدري وشلون للمباريات ..؟ وش هالفايده الي بيقدمها كريستيانو نامي ولا الذياب ..؟ ياخي المفروض نطالب بلاعبين يفيدون الشباب الصغار الي بالأولمبي مو يسببون لهم مشاكل !! والله ياشراحيلي انه أحسن وأتمنى يكون إحتياط للكوري بالدوري علشان يتطور مستواه ويفيد الفريق وشافي الدوسري اتمنى يكون بالاحتياط بالدوري علشان الزوري ينضبط بالملعب واذا ما انضبط نعطي شافي فرصته واتمنى يكون فيه صناع لعب بالأولمبي يعطون المحياني ولا الصويلح هجمات يقدرون يبرزون فيها إمكانياتهم |
هي ياخذ 8 و5 اساسين وبعدين الاداره واعيه والذياب مهب مكتوب في القائمه مشكور وماقصرت :razz: |
يحق للفريق المشاركة بخمسة لاعبين من ضمنهم حارس المرمى |
ان شاء الله ينتبهون ادارة الفريق لهذا الشئ مثل ماقالوا اللي فوقي لايلدغ مؤمن من جحر مرتين |
يارجال مباراه اليوم صراحه تخوف والاهلي تقريبا يلعب بالقريق الاول وحنا كلهم اولمبي الله يستر بس |
| الوقت المعتمد في المنتدى بتوقيت جرينتش +3.
الوقت الان » 03:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd