|
لا يوجد هناك مهاجم محلي متميز ... والـشباب يبحث عن مهاجم محلي .. وعيسى تحت الانظار ...!! الهلال يبحث عن مهاجم محلي متميز .. وهذا الامر واضح بسبب كثرة الاشاعات التي صدرت بأتمام صفقات محليه في مركز الهجوم .. وظهر لنا أكثر من أسم .. لكن مع احترامي لـ جميع الاسماء ، فـ لا يوجد هناك أي لاعب محلي هداف بمعنى الكلمه في مركز الهجوم .. لكن هناك حل مع هذه المشكلـه الان الشباب يريد تدعيم صفوفه بـ صفقه محليه في مركز الهجوم .. وجميع الاخبار الشبابيه تقول بأن الاداره بصدد التعاقد مع مهاجم محلي متميز ... ومن ضمن الاسماء التي يريدها الشباب هو عيسى المحياني .. نعلم جيداً بأن عيسى لاعب موهوب .. وهداف ولكن من الواضح بأن المدرب جيرتس غير مقتنع بأمكانيات اللاعب أو أن اللاعب لا يتناسب مع طريقة لعب المدرب .. لماذا لا نفتح باب المفاوضات مع الشباب بـ إعارة عيسى مقابل حسن معاذ أو شهيل .. وعندما يحضر حسن معاذ .. نستطيع الأستغناء عن الكوري .. ونقـوم بأستغلال ورقة الأجنبي الاسيوي بأحضار مهاجم اسيوي هداف وسريع .. وشكراً |
نعير عيسى ؟؟ ليه ؟ ومن قالك ان جريتيس مو مقتنع فيه ؟ بالعكس انا اخالفك الرأي عيسى جالس يقدم مستويات حلوه الى الان .. ومع الايام راح يتطور مستواه زي نيفيز .. اتمنى تتقبل وجهة نظري وردي .. |
إقتباس:
أعتقد بأن وجود عيسى كـ أحتياطي و مشاركته كـ بديل بعدد قليل من المباريات هي التي تقول بأن المدرب غير مقتنع باللاعب .. جيرتس يفضل اللعب بـ مهاجمين اثنين بالاساس .. والآن هو يجعل ويلهامسون كـ مهاجم ثاني وويلهامسون هو لاعب جناح .. لو كان عيسى مقنع للمدرب لـ جعله اساسي بجانب ياسر وأصبح ويلهامسون كـ جناح ثابت نستطيع استغلال الوضع الحالي لـ مصلحتنا .. هناك لاعب محلي موهوب في مركز الظهير الايمن بالشباب كـ حسن معاذ ... واذا حضر معاذ على حساب عيسى هذا يعني بأننا لا نحتاج للظهير الكوري .. ويتم الاستغناء عن الكوري .. وتكون ورقة الاجنبي الاسيوي هي بالمهاجم الهداف |
لا نعير عيسى ولا شي عيسى راح يثبت للكل انه الاجدر في الهجوم وراح اذكرك وليه نجيب معاذ او شهيل وش قالولك 17 جوله نلعب بدون اطراف هذي وجهة نظر الرجاء تقبلها |
عيسى لاعب مبدع . فقط يمنحه الجهاز الفني الفرصه كامله وسترى ابداع عيسى |
إقتباس:
ياخي بالله من قالك ان الشباب يبي عيسى المحياني هذا كله كلام منتداهم رح شف الموضوع المثبت كاتبين الشباب يفاوض مهاجم بارز اتوقع عيسى الموسم هذا ماخذ حقه مستحيل يكون هو المهاجم البارز ياليت تتاكد من معلوماتك قبل تفتح موضوع :rose: |
خلآص يآنآس إلى متى شهيل ومعاذ ؟ خلآص آلشباب متمسك فيهم مستحيل يتركهم وكفاية يقعـد يتمنن علينا بلاعبين اللي يسمعنا يقول سيرجيـو راموس ولآ آلفيـس ! منـّه الله ولا منـّه خلقه .. اتركونا منهم |
عيسى لايمكن اعارته ابدا ويجب ان يبقى الى نهاية الموسم حتى يثبت نفسه |
الادارة يفاضوون مهاجم وانت تبي تعير مهاجم زي عيسى مومنطق هذا يغالي والحمد لله الاظهرة عندنى كويسة ومانى محتاجين اظهرة |
اصبر المدرب شوي شوي يعتمد عليه بعدين عيسى مع ان لعب قليل لكن والله يقدم الشي الكثير وصحيح انه ماسجل لكن يجتهد كثير ويحاول ويحاول بكل جهد ( عيسى مستحيل الاستغناء عنه اصلا مافي بديل اللحين عندنا غيره في الفريق مع ياسر ؟" ) من المفترض اعطاء عيسى المحياني فرصة لعب مباراة كاملة مع وجود ويلي ونيفيز والشلهوب لان هم الذين يقدمون الكثر وسط الملعب |
اتمنى ان عيسى يروح عشان يشوف مستقبله!! لان ياسر معاه صك شرعى بالخانه!!! والا لاعب مستواه منخفض من اكثر من سنه واساسي!!! ولا يحلم عيسى حتى حلم ان ياسر يترك الخانه!!! بفضل فرقه المطبلين اللي وراه!!! والمشكله العابد راح يلقى نفس المصير !!! لاعب موهبه يجلس على الدكه يتفرج على ياسر يتمشى وسرحان في الملعب!!! ولعلمك اكثر اللي مايبغون مهاجم اجنبي جمهور ياسر الهلال عندهم مو مهم الاهم ياسر اساسي وبعد كل مباراه تصميم!!! عجبت لك يا زمن لاعب اساسي في المنتخب والنتيجه ولابطوله خروج من الخليج والعرب واسيا والعالم والي الان مافهموا ان المشكله في الهجوم!!! وهلال زعيم وسيد اسيا لم يحقق ولا بطوله خارجيه بوجود ياسر!!! ومع ذلك لازال التطبيل مستمرا |
والله من جد ايش حسن معاذ وشهيل ياخي احمد ربك ان عندك الكوري وربي اي نادي يتمنى انت تقوول كذا عيسى ان شاء الله بكرة يبدع ويكون افضل من اول وبلاش كلام زي كذا ترى هذا الي يرفع ضغط الاعبين عرفت انت وياه تقبل مروري |
الان الهدافين الثلاثه في الدوري السعودي كلهم من الهلال ويتنافسون وحتى الان الهلال اقل نتيجة كسبها 2-0 ومعدل تهديفي للفريق في جميع المباريات بما يقارب 3 اهداف كل مباراه لا يهم من يسجل لكن المهم ان يتم التسجيل ... اما ليونغ بيو الظهري الكوري الهلالي اعتقد انه افضل ظهير في اسيا فلماذا عندما حللنا العقده التي دامت كثيره نعود وونلخطب انفسنا ... مايحتاجه الهلال الان عدم تهاون الاعبين وحضور الجماهير وقبل كل شي التوكل علي الله سبحانه الفريق 100% ولا يهمكم هزيمة النصر ترا فايدتها اكثر من ضررها صدقوني جددت الحماس والمسؤليه من جديد لدى الاعبين ويقولون مايعرف الفقر الا من جربه وجلعنا وياكم مانجربه وانا صراحه ناسي متى اخر مره انهزم الهلال وهذي فرصه يمكن تجربة اخواننا المسلمين من جمهور النصر والاحساس باحساسهم لكي نحمد الله علي نعمه علينا كهلاليين |
عيسى لا عب كبير ولا يمكن الاداره تستغني عنه |
اتمنى من الجميع الوقوف مع المحياني واعطائه الفرصه الكامله واتمنى اراحة ياسر <<<< انا من اشد المعجبين بالقناص ولاكن يجب اراحه المبدع لكي يبدع <<اتمنى ان لا يكون استهلاك لاحد النجوم >> |
| الوقت المعتمد في المنتدى بتوقيت جرينتش +3.
الوقت الان » 06:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd