ღ.¸¸ ( وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ ) ¸¸.ღ - صفحة رقم 2 - نادي الهلال السعودي - شبكة الزعيم

هلاليه محترفه · #16 15/01/2010, 04:34 AM

الله يعطيك العافيه على النقاط المفيده

بس صراحه "طريقة البغباء" مصيبة !!
يعني اذا جلست اذاكر . . . "أصير بغباء "

شكلي بغير الطريقة .. اخاف يروح الوقت علي وانا اضحك على نفسي
إذا تذكرت ان طريقتي في المذاكرة " طريقة البغباء "

ربي يوفقك ويوفق الجميع خيتو بطلة

عقـل الهلال · #17 15/01/2010, 06:43 AM

بطله أخيراً نزلتي موضوع ثاني

الله يعافي الاختبارات

الموضوع كافي ووافي للي يبي النصيحة للمذاكرة السنعة .

أهم شيء الواحد لا يتعب عمره ويلعب على روحه ويقول انا قاعد اذاكر وهو ماسك المنهج بيد وفكره وتفكيره رايح بصوب ثاني يعني لا احد يمسك المنهج الا وهو مصفي تفكيره مرة مرة ومخلص النية للمذاكرة .

نصيحة ثانية لو أنه ماكنت اطبقها أول

لأن عباطه هالعالم كلها بهالراس ولا تنفع اللحين أقولها لكن للمستقبل والاترام الجاية اللي هي أنه تذاكر أول بأول يعني كل يوم ترجع للبيت من مكان التعليم ترجع وتراجع اللي درسته بهاليوم

بط بط حلو منك تاخذين من وقت مذاكرتك وتعطينه نصايح للزعماء << حسن نية

والا لو جت للحقيقه تدورين عذر يلهيك عن المذاكرة

ألف عافية بط بط

الـسـلـطـان · #18 15/01/2010, 03:07 PM

السلام عليكم

صراحة الموضوع جميل , وتشكرين عليه

أهم شيء في الإختبارات هي التوكل على الله , توكل على الله في المذاكرة وقبل الإختبار وأثناء الإختبار , والطالب عليه فعل الأسباب والتوفيق بيد الله , متى ما فعل الطالب الأسباب , الله سيوفقه لما يتمناه , المهم .. بذل الأسباب .

ونصيحتي لكل طالب يسوي له جدول للمذاكرة من الحين , خلوكم زيي

مضبط وضعي من الإسبوع الماضي , جدول والوضع ماشي زي اللوز ولله الحمد

بعض الأحيان يكون الطالب سوى ـآ له جدول , بعدين يشوف واحد من الطلاب الدوافير مسوي جدول , لكنه يختلف عن جدوله , يروح دايركت يغير جدوله ويخليه نفس جدول صاحبه الدافور , وهذا أكبر غلط , لأن كل واحد يحط الجدول على حسب عقليته وفهمه .

مثلا .. أنا إنسان مواد الحفظ هي أكثر المواد اللي ترفع لي الضغط , فأحب أخلصها كلها قبل الإمتحان , لكن في خويي يحب يخلص مواد الفهم والمواد العلمية قبل الإمتحان , وهذي المواد أنا أشوف إنها تكون المذاكرة بوقتها أحسن , فالمعنى , سو الجدول على مزاجك وعقليتك , ولاتهتم بأحد كائنا من كان

ونصيحة ... لما تطلع من الإختبار إنسى كل شيء كان في الإختبار , سواء كان جميل أو ردئ , فكر في إختبارك الجاي , لأن تفكير بالإختبار السابق ما بتجني منه أي شيء , سواء إن كان جميل فربما يعطيك الثقة المفرطة اللي بتضيعك , أو كان قبيح سيبث لك إحساس سلبي في الإختبارات القادمة .

وقبل لا أنسى

ترى ـآ المذاكرة قبل صلاة الفجر لها فوائد كبيرة جدا , اهمها .. يكون البيت هدوء , وهذا يعطيك سرعة أكبر للحفظ , ولأنك إن قمت من النوم بيكون عقلك شبه فاضي , وهذا يسمح له بدخول المعلومة بشكل أسرع , والنوم الساعه 12 ترى ـآ يمدحونه

ميـــلاني هلالـــــي · #19 15/01/2010, 03:12 PM

اللهـ يوفق الجميع في الإختبارات ... وشكراً جزيلا

همس الحراااير · #20 15/01/2010, 03:28 PM

هلا بطلة الله يعين الجميع مشكور عزيزتي على النصايح

شمـ v.i.p ـوخ · #21 15/01/2010, 05:02 PM

.,

هلا والله ببطله ..
وش هالموضوع الممتاز جدا

..
راجعته ع السريع .. << حافظته

..

.,
وقلت ادلو بخبرتي عشان افيد

..
بس قبل افيدكم

.. بقولك قصه من ايام الاختبارات تذكرتها لمى قريت هالعباره "عن أيام الفلة أيام الاختبارات "
باولى متوسط كانت ايام الاختبارات من جد ايام فله كانو معانا بالمدرسه بنات الثانوي و3 بالذات تلقينهم في حاله مع الكتب والمذاكره ..
كنت انا وشلتي المصونه نجيب معانا بلونات وننفخها
ونروح عندهم وهم في قمة الانسجام بالمذاكره ونفتح البلونات عليهم

مدري ليه كننا نستمتع بها الشي

..

.,

من ناحيه طرق الدراسه والحفظ ..
خذيها مني .. اهم شي افهمي وبس لا تتعبين نفسك بالحفظ

في طريقه كنت اسويها من زمااان كنت كل مااحفظ صفحه ارجع اكتبها

.. خلصت الدفاتر اللي بالدنيا

كنت اسويها وانا صغيره لسى ماكنت اعرف افهم

.. بس لمى عرفت افهم بطلتها وكانت درجاتي اكوس من لمى كنت احفظ

<< وبس

.,
الله يوفقك يارب والجميع ..
وتنالو الدرجات اللي تتمنوها ..

.,

باسكن روبنز · #22 15/01/2010, 05:25 PM

وي وي وي ذكرتيني بالذي مضى

افتكينا من الاختبارات ، صرت الحين انا الي اضع الاختبارات

<< توها مخلصه من وضع اسئلة الإختبارات

من يبغى يشتريهم

اول ثانوي بـ 500 وثالث ثانوي 1000

اذكر اول لما تجي فترة الإختبارات ابوي يشتري لنا كرتون كتكات

وعصير ألبوم اورنج

<< عصير قديم الحين مو موجود الظاهر انه مُنع

بطلة لله يوفقك انتي والبنات والشباب هنا

مانبي خششكم تطل علينا لمدة اسبوعين

ام متعب التميمي · #23 15/01/2010, 06:38 PM

يابعد قلبي عندك اختبارات بطله الله يعينك ويسهل عليك

<<تبغى تبكيك^^

الموهم يلا روحي ذاكر وخلي عنك المهايط والمواضيع

بالتوفيق لجميع الطلاب والطالبات والله يسهل ويسر

تحياتي

بطلة · #24 15/01/2010, 06:38 PM

مشكورين كلكم على المشاركة والله فرحتوووني الله يسعدكم

ويسعد قلب اللي ثبت الموضوع

لي عودة للردود عليكم ,, وراي اختبارات

احترمكم
بطلة

عقد الياسمين · #25 15/01/2010, 10:02 PM

يا حبي لك يا بطله

..

والله يوفقك بدراستك وحياتك .. موزوع كتير مهم يا قمر

حتى ظلالي هلالي · #26 15/01/2010, 10:36 PM

هههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه

مو معقولهـ الي صاير
قسم بالله من اليوم قبل العصر وانا اضحكـ مدري وش جايني

ويوم قريت موضوعكـ وانهـ عن الامتحانات زاد ضحكي

لا تشرهين يمكن الدراسهـ لاعبهـ فيني شوي

وخصوصا ان اليوم جمعهـ وبكرى سبت

وبيكون أول امتحان نهائي جامعي بكرى

والتناحهـ من اسبوع ماشي سوقها

شوفي بالنسبهـ لي انا وطريقة دراستي /

فغرفتي أولا وثانيا وثالثا واخيرا

هي ملجأي الوحيد في كلللللللللللللل شيء

اذا جيت ادرس افرش اوراقي وكتبي وقلامتي وجوالي وسماعاتي قدامي
مع كاس شاهي او كابتشينو
او بدون شيء زي اليوم

< ابد مارجّت البيت علشان ماسوو لها قهوة

طبعا على سريري

او بالارض وسط الغرفهـ تحت النور الوسطي بالضبببط

وسبحان الله يجيني حب لأكل معين بطريقه عجيبهـ
يعني مثلا اشتهي زي اليوم قهوة

وانا لي اسبوع ماشربتها عادي

والا تمسكـ معي ابي فول

واستلمي يا تنااااااااااااااحهـ اسبوع قدام

والا ابي فيشار زمزم هذاك الخضار افخاذ الدجاج ..!

< يارب ماحد يعرفهـ علشان مايضحك علي

والا دونات

وموكا

وتجي ايام الله لا يوريكـ

عادي يتم لي فوق 24 ساعهـ ما اكلت شيء

ولازم باختباراتي كلها يجي يوم واحد او اثنين بالكثير
تجيني حالهـ نسميها بالبيت (الطبيلهـ

) تجيني انا وواحد من اخواني بس

الي هي تقففففففل معي ما اقدر افتح كتاب .. ولا اكلم احد نهائي .. واذا تكلمت مع احد اتهاوش معاهـ لين يلعن الساعهـ الي تكلم علي فيها

.. ما اكل .. ما اشرب .. اتهرررررب بس ابي انام .. وانسدح بفراشي بس مافيني نوم ..
وسبحان الله يجيني معها ضيق نفس مو طبيعي

امي ياقلبي عليها ببدايهـ كل يوم اذا صحيت من النوم تحاول ما اعصب علشان ماتقفل معي وتجيني الطبيلهـ

لان مابي ملح اببببببببببببببد لو تجي

تصدقون عاد اوقات اشكـ بنفسي ..! :|
تجيني امي تقول لي يا بنيتي تعوذي من ابليس واقري على نفسكـ

اقول ماتلاحظون اني عطيتكم وجهـ واجد

يالله بطس اخمد

واصحى بالليل ادرس

< اشوى مير انها مو داخلهـ نت ابد

ليتني همك حبيبي · #27 15/01/2010, 10:49 PM

قاتل الله الاختبارات

على طاري الاختبارات ذكرتوني بالايام الخوالي

يالله من فضلك ولله الحمد والمنه خلصت من الدراسه بالكليه ودعواتكم لي بالوظيفه

تقبلي مروري اختي الكريمه ومشكوره على الموضوع ,,,

miss zozo · #28 15/01/2010, 11:07 PM

اهلاً بطله

,,

الله يذكر ايام الدراسة الامتحانات بالخير

,,

اكثر وحده تتعذب بالامتحانات امي خخخخخخ

لاني وانا اذاكر انام ويروح علي الوقت فلازم كل شوي ترسل احد لي يشوف انا نايمة ولا اذاكر

عاد انا اسمع بمكافئة النفس فكيف اكافأ نفسي احدد جزء اذا خلصته قبل هالوقت اخذ لي غفوة واركب الجوال <<<حسيتوا اني كيس نووم

لا من جد انا والمذاكره والنوم حالتنا حااااله

بالتوفيق للجميع في اختباراتكم ولاحقين على خير وسعوا صدوركم اذا مانجحتوا السنة ذي انجحوا اللي بعدها

لـــولي** · #29 16/01/2010, 12:57 AM

وهـ الله يعين على الاختبارات

طرق المذاكره اهم شي عندي اكتب عشان تثبت المعلومه
واخطط العناوين بالوان وردي فسفوري اهم شي يفتح النفس للمذاكر <<<انوع الشخاااااابيط

وعندي حركه غبيييييييه جدا اذا حسيت الوقت خلص وانا باقي لي كثير اخطط على الاوراق الي ماقريته بس عشان احس براحه نفسيه

بس الحمدالله قسمي اغلبه مواد عملي ولكان رحت فيها

مشكور بطله على الموضوع الجميل

وبتوفيق للجمييييييييييييع

الكلاسيكي · #30 16/01/2010, 01:02 AM

وعليكم السلام ورحمة الله وبركاته

اهلاً وسهلاً فيك بطله .. طرح رائع وفي وقته ..
اسال الله ان يوفق الجميع .. ويسهل امورهم .. ولا تنسوا ان تتوكلوا على الله قبل البدء ..

واجمل طريقه للحفظ هي الكتابه اكثر من مره .. مجربها كثيراً ..
بالتوفيق للجميع .. والف شكر لك ولطرحك ..
دمتي بخير