إذا كان الكلام اللي قريته صحيح فيما يخص مصاريف إعتزال نواف ...
فـ هي بصمة عار فيتاريخ رؤساء وأعضاء شرف الهلال جميعاً ... وعنصرية وإستقصاء لأبعد الحدود ..
ماني مصدق الكلام اللي أقراه .. معقولة هالشي صاير ؟؟
وماحد تكلم عنه ؟؟
ولا أحد طلع لنا ووضح الأسباب .. وكلنا نعرف أن الأمير عبدالرحمن بن مساعد بنفسه تكفل بإعتزال الفتي الذهبي !!
معقولة توصل الأمور في عبدالله بن مساعد إنه يسكثر على "نواف التمياط" الـ سبعمية الف ويعتبرها سلفة ؟!!
والله لو كان هالكلام صحيح .. قولوا على الهلال السلام ...
على العموم ..
والله العظيم ثلاثاً .. ان نواف مو بحال الهلال في الأخير ... لإن نواف بيلاقي الف من يتمناه وألف من يحلم أن نواف يكون معه سواء في مجال إعلامي أو في مجال إداري .. أو في مجال رياضي ..
لكن الهلال .. صعب يلقى مثل نواف .. ولو يعيش النادي لمية سنة قادمة مستحيل ينجب مثل نواف ...
وهذا مو كلامي ... هذا كلام كل جماهير المملكة ..
واتحداكم تلقون لاعب اتفقوا على نجوميته كل جماهير المملكة من الشمال للجنوب .. وكل الجماهير الحاقدة على الهلال ...
إيييه يا نواف ..
هي ضريبة الإحترام .. والتربية .. والأخلاق ...
وأدري بك يا نواف .. مهما صار ومهما فعل .. راح تكون أكبر منهم كلهم ..
هذا اللي تعلمناه منك .. وهذا اللي تعودناه منك ..
وتبقى كبير بعيني .. ومو قليل إن قلت إن محبتي لك .. بحجم محبتي للهلال ..
مثلك ..
مثل الدعيع .. مثل الثنيان .. مثل النعيمة .. مثل القحطاني .. مثل الشلهوب ..
مثل كل مخلص ونجم " حقيقي " ..
شكراً بالسنعوسي .. فتحت عيوني على أشياء كثير أجهلها ...
شكراً الف مره .. وبيض الله وجيهكم يا عيال مساعد .. ماقصرتوا .. بس طحتوا من عيني
الوضع المتطور
