اقول خل الفلسفه عنك عيسى بطل والكل يعرفه انت تبغى تقنعنا ان مافيه زي ياسر كان الهلال بس ياسر عيسى لو اخذ فرصه راح تشوفه
اجل شايب هاه شايب وعارف نت ومنتديات لاقينا

هالكلآم بيزعّل وآجد من المندسّين , اللي يدّعون إنّهم مآيطبلون ومادري وش
عوآفي ,,

كلام منطقي جدا

لاهنت اخووووووووووي

حنا نبي لاعب حسم ومايضيع فرص مثل السهلاوي

وياسر للأسف يضيع فرص بل كوووم

ومع احترامي لك نقدك مايبين انك خبير بلكووره

إقتباس الرسالة الأصلية كتبت بواسطة ليتني معي السلام عليكم وحرمةالله وبركاته اعضاء المنتدى الكرام الحين نجي الكلام المهم اللي بيزعل الكثير بس الله يعيني اليوم المحياني لاعب من طراز الهدافين المثاليين واقول المثاليين عند المدرب الذي ينهج نهج كوزمين اي يلعب بخطة دفاعيه بعكس جيرتس الذي لايعرف الدفاع ( بالعاميه فاصل الريوس ) عيسى المحياني نعرفه في الوحده بطريقة فريق يلعب مدافع ومهاجم واحد بدون رقابه تصله الكوره يسجل السطرين اللي فوق يمهدون لراي في عيسى لاعب لايفيد الفريق الا والفريق فايز يعني ادخله والفريق فايز يلعب على المرتدات هذا ان كان فيه مرتدات البطء الشديد في عيسى يجعله صيد سهل للمدافعين مافيه اي مرونه ولا مهارات التخلص من المدافعين لايجيد التمرير ابدا ونلاحظ دائما يعيد الكره للدفاع او المحور مدافع واحد كفيل بشل حركته نهائيا اعتذر لمن يحب هذا اللاعب انا والله احبه اكثر لكن اللاعب هذا يخدم كوزمين وخطتة الدفاعيه لايخدم جيرتس ابدا ابدا ولا جاء وقت كوزمين بيكون ياسر في الدكه باقي عمره ملاحظه عمري 45 سنه واشجع الهلال وعمري 8 سنوات وحضرت اول مبارة وعمري 15 يعني لاتجيني مولود امس وتعلمني كيف احب الهلال

السلام عليكم ..
اخي الغالي .. ربما خانك التعبير فيما اردت ان توصله عن المحياني ..
انت تقول ان المحياني لا ينفع جيريتس ..!! لأنه بطيء الحركة والكورة توصله ويسجل بس ..!!
طيب .. قرب فديت خشمك شوي .. اذا كان لاعب وتوصله الكورة ويسجل و الخطة دفاعية لفريقه .. فما بالك اذا كان الخطة هجومية وعيسى تصله الكورة من خمسة مصادر لعب ..؟؟ ألن يكون هداف ..؟
كنت اتمنى ان يعطى عيسى فرصة كاملة .. من بداية المباراة وهو في الصندوق .. لا يلعب جناح ولا مهاجم ثاني .. لكي ترون عيسى المحياني الهداف ..

الله يعطيك العافية وألف شكر لك على رأيك

كلامك واقعي ومنطقي ..

ولا ننسَ .. أن تصفيات آسيا تحتاج إلى مهاجم بمستوى ياسر وافضل ..

بس وين اللي يسمعك ..

اخيرررررر فيه نااااااس تفكر وتفهم مثلي

ان ياسر هو المهاجم الافضل وان ياسر لم ينزل مستوااه

واذا نزل ماالومهـ لانكم داايم تقولون نازل مستواه

طيب يالغالي عيسى لاعب يلعب داخل 18
وللاسف ما اخذ فرصته كامله
واتمنى من جريتس يلعب لو مره بالتشكيله هاذي
وراح تشوف عيسى وياسر كيف
الدعيع
الزوري المرشدي هوساوي لي
رادوي
شلهوب تياقو ولي
ياسر يكون متحرك وخارج ال 18 يعني مهاجم ثاني
عيسى داخل الصندوق
وبالخطه هاذي راح تشووف نار ياحبيبي نااار

كلامك عين العقل وخاصة عن المحياني

بالتوفيق للزعيم

إقتباس احمد الصويلح مهاجم مقاتل يستخدم رجوله كثير بس عقلة على الدكه بدون مهارات واذا تشجع بحركه مصير الكره في رجل المدافع او طويله وخارج الملعب التسديد شبة مشلول واذا حضرت الشوته تاكد انها خارج الملعب السرعه ممتازه لكن بدون سيطره او قراءه للملعب واللاعبين وهذي امور اما تكون في تركيبة اللاعب او مع الوقت تتعدل اتوقع سنتين وهالاعب يتحسن مستواه وينزل وزنه ويكون مهاجم ممتاز

الحين لاعب مايلعبونه الا اخر ربع ساعه وكل ماطب جاب هدف تسب فيه ذا السب ؟؟؟
اييييييييييييييييه الله لنا وله يعني لوه القحطاني كان غير
سبحان الله بس هذا اللي انا اقول

تحية لك ليتني معي
أولاً إذا تبي توصل الكلام لجريتس ترجم موضوعك وحطه في المنتدى الانجلش كود يقراه
ثانياً احترم رايك لكن ما أوافق عليه
ثالثاً الود ودي جريتس يعمر مع الهلال لأن أقل شي سواه أنه كرف اللعيبة لياقة بحيث أن أقل لاعب مستوى في الفريق يوم تشوفه يلعب تحس أن وده يسوي شي لكن هذي أمكانياته
يعني الحين أي لاعب يحتاجه بيكون تحت تصرفه لياقياُ بغض النظر عن الخطة
وهذا شي كبير جدا من وجهة نظري
لكن أنا مو معاه في استخدام المحياني مثلاً في غير المكان اللي يجيده وهو الصندوق وبعدين يبين اللاعب غير مفيد فنياً
في وحدة من المباريات اللي راحت يوم لعب بمهاجمين حط القحطاني صريح والمحياني طرف
يعني عكس الآية لكن ما استفاد شي
أعتقد أن المدرب يحتاج المشورة من لاعبين خبرة مثل سامي ولا راح يبخل بها
جريتس له أخطائه مثله مثل كوزمين وباكيتا واللي قبل واللي قبل
كزمين مثلاً قوى دفاع الفريق بشكل رهيب لكن أهمل خط الهجوم وكاد يقتل موهبة مثل الشلهوب
جريتس كما أراه الآن قوى الجانب الهجومي في الوسط وأهمل الدفاع اللي يقال أنه أقوى دفاع بزين بأربعطشر هدف تخيلوا
وعلى ما أرى موهبة المحياني والصويلح والعنبر على المحك
هو ما يكرههم لكن خطته تقتضي كذا

بالنهاية تقبل أمنياتي لك وللجميع بالصحة والعافية

والله تهديدك اقشر
ماني قايل شي
نظرتك سليمة لكن احنا الان دخلنا مرحلة الحصاد
والموجودين فيهم الخير والبركه

اختلف معك بخصوص عيسى يعني طريقة كوزمن دفاعية والمهاجم اكيد مايبلقى مساندة كيف بيسجل عكس طريق جريتس الحلول متعددة والمساحات للمهاجم كثير يقدر يرجع للخلف وتقدم الوسط عكس طريقة كوزمين