في مرة من ( المرارير ) كنت في أحد المجمعات التجارية - مع الأهل طبعاً - لأنه من المستحيل أن أدخل بمفردي في مجمعاتنا التجارية دون أن ينكد عليك أولاً (السيكيورتي) ثم يمنعك ثانياً بعبارة : (عوايل ) , فهكذا النظام يقول !
الشاهد من الحديث و أنا في أحد المحلات وجدت امرأة تسأل عن سعر أحد الملبوسات فقالت للذي يعمل في المحل : ( في إمكانية أرجعه لو ما صلح ؟ )
أختي الفاضلة إذا كنت ممن بيت – بشد الياء – النية بإرجاعه فلم تأخذينه من الأساس؟ ما ذنب زوجك الفقير أو أخاك المسكين أو والدك أو حتى سائقك المغلوب على أمره بمشورته - من المشوار وليس من المشورة - إلى السوق مرة أخرى من أجل ترجيع فقط ؟ ( أرجوا أن لا يكون وصفي مقززاً لمن فهم ترجيع بفهم آخر ) أنا أعلم أنك ستقولين : ( هذي شغلته) هي تقصد بالتأكيد السائق وليس زوجها أو أخوها بأن هذه شغلته و إلا لو علم زوجها أو ربما أخوها بأنها تقصده بهذه العبارة فربما جاءها ( طراق ) أنساها ما اشترت أو ربما أنساها ماذا سترجع ! أقول ربما ؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــ

كأنك تشرح حالتي مع اهلي

هههههههههههههههههههههههه الله يعيننا على هالحريم

هههههههههههـ شكلك متعقد ياخي الشي يطلع حلو بالمحل بس لما تروح تلبسه وتشوفه على جسمها يركب او لا وكذا ...

وبعدين هذي من اقل حقوقها ..

ههههههههه حرام عليك ياخي وش حليلهن الحريم<<واحد يتلزق ههههههه

والله المشكلة عامة..بس أتوقع البنت نوعا ما معذورة ..لأنه يصعب أن تلبس أي شيئ في المحل هذا ولا أن تأخذ آراء من تريده حينها..

ثم إن الكثير من البنات مرجعيتهن خارجية أي أنها تستقي الكثير من آرائها التكميلية من الآخرين مثل (آراء زميلاتها وخواتها عن الشيئ المشترى وهكذا..) وليس هذا عيبا في البنت لأن الله خلقها هكذا..

ولكن يجب علينا أن نحاول أن نقرب البعيد وذلك بأن تضيق البنت مساحة الإرجاع بأن تأخذ مثلا الشيئ الذي يغلب على ظنها أنها تريده..

عموما أحيانا نحن نقسو على بناتنا وأخواتنا <<الي يسمعني يقول عندي خمس بنات..الله يجيب أمهن على خير بس..ههههه

أنا خيركم لأهلي ..قالها الرسول عليه السلام..بس مو معنى كلامي إن البنات يفلنها بعد ..المسألة كلها تدور مع التوازن وجودا وعدما..

..سيناتور..

ههههههههههههههههههههههههههههههههه

لا تعليق

مشكووووووور يا الغلا على هالفوح الي سطرته لنا
و الله العالم إنك شووووي و تبكي(((آآآآآمزح))))
و الله الحـــــــال واحد قبل لا أدخل الجامعه و لكن عن
سالفة سؤال الزبون فأنه حق للزبون الترجيع أو الاستبدال ؟؟
على العموم أشكرك على جرآآآآآتك و طرحك للموضوع

قال من ابسط حقوقهن يرجعن >> اجل انا من ابسط حقوق اسحب عليهن واخليها تنشب بكبودهن

منتي مقتنعه لاتشترين *_*

صن كيوو
كاتب الموضوع

, , , , , , ,




الحمد لله إميمتي آخر شيء تفكر فيه الترجيع الحمد لله

ولا بعض الحريم تلبس الي شرته وقبل المدة المخصصة لنهاية الترجيع ترجع القطعة
ماتخاف ربها هاذي تلبس وترجعه الله يخلف بس







, , , , , ,

ايه سالفة الترجيع سالفه لا ولا يحلى الا اذا صار السوق بعييييييد والله معاناااااااااااات
انا اذا قالو اهلي بنرجع لبس او بنبدل يصك ضغطي مليووووووووووووووووووووووووووووووووووون بس مانقول الا الله يعينا عليهن ..

ياحبكم تسوون من الحبة قبة

هههههههههههههه انا معك اذا كانت تبي ترجع القطعه وتاخذ غيرها
اما اذا طلعت واسعه او قصيره اويعني عيب مصنعي ض11 فما تنلام
على كولن هذي مشكله كل ابو الشباب

شوكرا

لأن الحرمه أصلآ إذا رجعت من السوق شاورت خواتها وأمها وأهلها
وعلى اساس رايهم ترجعه ولاتخليه ^_*

*******
مابقى الاالترجيع بتسوون فيه قضية

أحسن شي ترى بنظام الشركات انهم يسمحون بالترجيع
وبعضها لك مهله توصل فوق الاسبوعين بعد وهذي ابسط حقوق المشتري

شي مايصلح وش حاجتي فيه ديكور فالدولاب وتجميع!!!!
اساسا دولابي مليان اغراض
ماعجبتني وماادري وين اوديها
بعد مافوتَ وقت ترجيعها

بعض الاشياء بالمحل شكلها حلو
باللبس تختلف مررررا
خصوصا اذاصارت قيمتها شي وماشيات

بس وش عرفكم انتم بشي مايخصكم
مااقول الا الله يخلي السواقين وبس

******

سيناتور دوك

******
صاحب الموضوع احتراماتي
ولوان موضوعك ماعجبني
فيه تحريض

شوف انا واعود بالله من كلمت انا

عمري ماصادفتني هالحركه اني ارجع الا في حاله وحده

اذا انا مارحت معهم للمول وهم اشترولي القطعه ويوم جابوها طلعت يعه مااعجبتني

فهالحاله اروح ارجع

وبالنسبه للجمله حق البنت اذا ماصلحت ارجعها

المقصد ناخذها ونروح غرف القياس ونقسي وادير قدام اخواتي اذا قالو اوكي خذتها واذا قالو لاماطلعت مضبوطه رجعتها له

وبس

وبعدين ابغى اقولك حاجه

تخيل العكس وش بتسوي

احمدو ربكم انكم تسوقون وانكم كشف لا عباة ولاغطا

احمد ربكم انكم سعوديين ولبسكم الثوب^^

تحياتي