|
نقاط مهمه ، وسوالف مضحكه ،، ودعم لي كأول موضوع لايفوتك . مساء / صباح الخير بداية أرحب بجميع أعضاء وزوار منتدى جمهور نادي القرن وأتمنى أن تحوز أول مشاركة على إعجابكم ،، وندخل بالنقاط والسوالف الي ودي أتكلم عنها : - 1- أعجبني جمهور الهلال في الحضور وفي إعطاء التحية لمن يستحقها وإلى من لايستحقها في حفل إعتزال نواف التمياط ؟؟؟!!. 2- لجنة الإنضباط دائماً أكرر أنها هي بحاجة لمن يضبطها والشواهد كثيرة ؟؟!! ( الغالي على لجنة الإنضباط يسلم عليكم ).. 3- جستنيه كنت أتمنى بعد قرار إيقاف رادويبالصمت وعدم التهريج في مقالاتك الحمدلله والشكر فإذا كان الهلال نادي الدلال من لجنة الإنضباط فهذه بداية الأستغفال وقلب الحقائق فناديك مدلل من أكبر من ذلك فماذا نقول عن نادي يتم بسحب لاعبيه إلى معسكر المنتخب وعدم تأجيل مبارياته في الدوري وإذا تأجلت ضغطوه بالمباريات بينما نرى العكس لناديك المفضل لم يتم سحب ولا لاعب وتوقف للدوري بالكامل بحجة أيام الفيفا والمتعارف عليه أن أيام الفيفا أيام وليس أسابيع ولا شهور ولعب مبارياته المؤجله دون ضغط ولاننسى حضور القيادة الرياضية ودعمهم لكم في نصف النهائي الأسيوي ، ولن أكرر الحالات التي بحاجه إلى تدخل لجنة الإنضباط لكن لاحياة لمن تنادي ؟؟!!. 4- أحد أعضاء الشرف الجار بعد التصاريح الحمدلله محد عطاك وجه ولم يجيب أحد خبرك ؟؟؟!!.. 5- كنت من الذين سيطالبون بخالد عزيز خلف رداوي في التشكيله الأساسية ويكون عزيز محور متأخر ( دفاعي ) ورادوي محور متقدم ( هجومي ) ويكون الفريدي ورقة رابحة في حال رغبة الهلال بالفوز يسحب عزيز ويكون رادوي محور متأخر ويدخل الفريدي أو العابد أو المحياني أوعمر على حسب وجهة نظر الداهية ،، ولكن بعد غياب عزيز العلم والرأي كله عند الداهيه جريتس والأسطورة سامي وأبوفيصل الله يخليه لنا ونائبه وجه السعد نواف أبوسعد وجمهور الزعيم معهم قلباً وقالباً .... 6- أرى أنه يجب ضم شافي الدوسري إلى دكة البدلاء لسببين اولاُ الولد له مستقبل إن شاء الله ويحتاج فقط للإحتكاك ومباريات ويضبط ،، والسبب الثاني علشان الي في الملعب يجتهد ويشد حيله ؟؟؟!!.. سوالف وضحك : - * أحد الزملاء كان يهايط على الهلال الموسم الماضي مع كوزمين وكنت افقع وجهه لا أعرف له نادي معين يشجعه حتى الآن المهم أنه ضد الهلال حتى أني أشك وأكاد أجزم بأنه لا يتابع الا مباريات الهلال رغم أنه لايشجعه فهو يلاحق الهلال وينتظر هزيمته لذلك قررت أنا وأحد زملائي الأعزاء المنتمين لنادي القرن بتسمية هذا الشخص أنه يشجع نادي أسمة ( لا هلال ) ؟؟؟!!.. * هذا الموسم مع السيد إريك جريتس نفس المشجع ( لا هلال ) لم يهايط حتى أني أشك أن الدوري قد بدء ( لاحس ولا خبر ) لأن نادي القرن فقع وجهه بالنتائج وبلقب نادي القرن وأنا كملت عليه بعد ؟؟؟!!.. * مشجع آخر أقول له أجل إحتمال نتقابل في كأس ولي العهد وكويس لكم قال لا لا ؟؟ قلت ليش أنتو أبطال وفزتوا علينا ؟؟ قال يأبن الحلال ليتنا مانتقابل بسلامتكم ؟؟؟!!.. * الأخ بتال بعد لقب نادي القرن راح يشكك بالقب وبلجنة الاحصاء والأسبوع الماضي يعلن توقيت الأحتفال بالقب عالمياً ويعمل لقاءً مع رئيسها ( والله لو درى عنك كان قفل السماعه بوجهك ) ؟؟؟ دنيا عجايب شفت خمسة متخلفين شككو ونادي فقير وحيد شكك قلت يالله معهم معهم ؟؟؟!!..لاتعليق.. اتمنى ماكتبته ينال رضاكم وإستحسانكم وإلى لقاء قريب ياجمهور نادي القرن وإلى درب البطولات نلتقي ... |
يعطيك العافية بالتوفيق لك في منتدى الزعماء موضوعك حلو وممتاز لكن ياليت ماتجيب طاري للمدعو (جستنية) في المنتدى لان حجمه اصغر من ان يذكر في منتدى زعماء اسياء مشكور ياغالي بانتظار مواضيع اكثر وافضل دمت بود |
موضوعك راااااائع والله يوفق المنتدى ويوفق زعيمنا بصراحه انا اكره شي اسمه جستنيه لا تجيب طاريه الله يقطعه ويعطيك العافيه |
ياخى نجس النية يبغالة تفقيع وجة أجل ليش نور ماعوقب على ضرب لاعب الاتفاق |
التصويت اولا شكرا على الموضوع الحلو ثانيا انا عندي موضوع حبيت اشارك به ولكن الادارة الموقره منعتني من تقديم مواضيع جديده ولا ادري ماهو السبب المهم موضوعي هو التصويت على النادي الاكثر شعبية في الوطن العربي على موقع الام بي سي وثبت على مواقع كثير من الاندية ارجو من يستطيع المشاركة به والمطالبة بتثبيته الرابط هو http://www.mbc.net/ |
مشكوووووووووور والله يعطيك العافية |
اشكرك اخوي موضوع رائع الله يوفق الهلال ويواصل تصدره بدون فقدان اي نقطه إقتباس:
فيه منتدى اسمه : منتدى التقييم تكتب موضوعك وبعدها يشوف المشرف اذا يستحق انه ينزل او لآ ......... |
موضوع رااااااااااااااااااااااااااااايق ورااااااااااااااااااااااااقي في نفس الوقت اشوف فيك قلم مبدع قادم بقوة الله يوفقك اما بالنسبه لنقطة مشجع لاهلال فانا عندي نفس العينه بالضبط اختي الكبيرة كذا حتى المباراة إللي راحت قالت لي:وش ذا الفريق دايما يفوز ماعنده ولا هزيمة |
بدايه موفقه اسلوب سهل ممتنع ماشالله نقاط في الصميم تسلم علها ولو اخذ كل نقطه واعلق عليا مارح اخلص بس يكفيني اعلق على النقطه الرابعه هالعضو هايط على لبلطان وانسفه وجا يهايط على الزعيم وكما انحقر وياهو لقط وجهه الين قال بس من الحقران الله يوفق زعيمنا يارب |
لم أحب أن أذكر أسمه لكن قهرني ؟؟؟ وأشكر الجميع على دعمهم لي وهذا دافع لي .. ودائماً الزعماء يتحلون بالذوق والأخلاق .... |
مبروك التفعيل موضوع جميل يعطيك العافيه |
مسآء النور ,, اول شي مبروك التفعيل :) وجمهور الزعيم رقم صعب ومرعب .. الله يبيض وجه كل من يحضر لمؤآزره نادي القرن ! لجنة الإنحطآط ! تعبنا من كثر ما نحكي بس نشوف وش بيسوي ابو فيصل " وكلنا ثقه فيه بعد الله " . عديم الذكر كل يوم ينقهر أكثر ونال جزآه هو وقناته الفآشله .. والجاي أكثر يا عميد الكذآبين ! عزيز ما ادري وش قصته مع هالغيابآت =( فرحنا برجعته القويه قدام الانتر والحين رجع يخربهآ الله يستر بس إن شآالله الحل عند الدآهيه كما تطرقت :) طلع من تآلي كثير يشجعون " اللآ هلال " .. نعوذ بالله من الحقد والحسد اشكرك قوة قريتيس ع طرحك و قلمك الرآئع ننتظر منك المزيد " واهنيك ع اسم اليوزر :) " حبنآ وعشقنآ للكيان الأزرق يجعلنا نغظ الطرف عن كبوته لأنه جواد " اصيل " والاصيل من يتعلم من كبوآته وهفواته .. :) |
اشكرك يا غالي ..............تحيه وتقدير لك.................. |
يعطيك الف عافية وشرف لنا الانضمام لشبكة نادي القرن وموضوع أكثر من رائع |
حياك الله ومبروك التفعيل,, بداية موفقه ماشاء الله , |
| الوقت المعتمد في المنتدى بتوقيت جرينتش +3.
الوقت الان » 10:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd