|
والله اذا كان معه عذر قاهر نقول ماعليه بسامحونه هم أصلاًُ بس إذا كان بدون عذر حنا ماعاد نبيه يتكي بالمدرجات الله لايهينه |
<<اكاد اجزم بل ابصم ان تفكير الجهاز الإداري والفني في هذه الصورة بالتفكير ماهو العمل مع هذا اللاعب فالنادي في حاجه لهذا اللاعب وفي آخر الموسم وحصد البطولات ولا مجال للتفريط >> مشكور اخوي مقرن لكن من قال لك النادي بحاجة اللاعب لعلمك ما لعب الموسم الا مباراه واحده او مباراتين والهلال يقدم افضل مستوياته نتمنى ان خالد عزيز يقدم عذر او يطلع لديه عذر يشفع له والا نطالب بتوقيفه لنهاية الموسم <<اعطيناه مهله وهو يتمادى الله يهديه بس وان شاء الله يارب يكون لديه عذر |
لا لا مايفكرون فيه ولا شي الصوره ما تتكلم ع عزيز لا تقولين كذا ويحس انه مهم ودايم يغيب وثاني شي الهلال مايعتمد ع لاعب واحد من بدايه الموسم خالد مالعب اساسي الا هالمباراه لا تقولون ظروف لو عنده ظروف ولا شي يستأذن من سامي ويشرح له ظروفه عشان الكل يعرف مو يغيب كذا فجأهـ بالتوفيق للزعيم بدون عزيز :( 8 من قلب طلعت :) |
ان شاء الله انه ينضبط والله انه غريييييييييييييب على العموم بالتوفيق لنادي القرن الآسيوي |
سر غياب عزيز عندي تصرفاته غير طبيعية محيرة فلاهوا بالاعب المنضبط ولاهوا بلاعب العبيط او المنفلت على العكس تماما فهوا لاعب هادي ومسكين وعلى نياته وماهوا عارف ليه يتصرف كذا يعني بالعربي خالد عزيز مسحور ومعموله عمل والعلم عند الله اتمنى من ادارة الهلال تشوف له اي شيخ يرقيه وماراح تخسر شي صدقوني |
والله ماطقو له خبر ياحبيبي عزيز عباره عن سمكه تسبح في بحر الهلال ومادام فيه رادوي والغنام والغامدي وصالح الدوسري خلو عزيز يساعد الرابطه بالمدرجات واصلا متى شفنا عزيز هالموسم وهذا حنا الأول وبفرق ست نقاط خله يغيب سنه لو يبي |
صراحه ماعاد يستاهل فنيلة الهلال حرام يلبسها والله وش معنا كل اللاعبين منضبطين الا هو ؟؟؟ اقلعوه عنا وفكونا |
اقول عطوه الشباب مقايضه مع شهيل او حسن معاذ انتقاال نهائي عندنا رادوي الغنام الغامدي الفرج القرني و و و و |
إقتباس:
يا أخي النادي في حاجه لجميع اللاعبين الـ 35 سواءاً في التشكيل الاساسي او الاحتياط ودليل ذلك بعد ايقاف رادوي كان عزيز في قمة الجاهزية وشارك امام الأهلي وابدع هذا بالنسبة لحاجة الفريق له من عدمه ثانياً كل لاعبي الفريق الأول لديهم التزامات ولديهم اهل واسر وعند كل واحد فيهم الف شغله لكن اذا الواحد يحتاج انه يغيب عن التمرين او يتأخر يستاذن يكلم المدرب او المدير الاداري لكن خالد عزيز هذي القاعده ماهي على باله نهائياً متى ما مسكت معه سحب على النادي وهذا اللي جاب لنا الهم والغم مع هاللاعب |
واالله تعبنا كل يوم يطلع خبر يقول عزيز غاب عزيز يعتذر حتى متى هذا |
أه أه أه أه يا خالد عزيز تكفى ياخالد أرجع كما كنت لاعب الهلال الأول لا تجعلنا نفقدك وتفقد شعبيتك الهلالية بالتوفيق |
الله يكون بعونك ياعزيز ومنتضرين قرار الاداره |
ما ودي اتكلم حتى اعرف هل هنالك سبب حقيقي لاكن هل واسطه سمو الامير بندر اعطه اللاعب (شوفت نفس) كنا نحترم ونقدر العزيز خالد لاكن الله المستعان |
اتوقع ان الموضوع له ابعاد ثانيه والله احساسي انه مسوي شي كبير ومتورط ولازم يسبب زعزعه للهلال باي شكل |
مثل طريق الجمعان تطنيش في تطنيش |
| الوقت المعتمد في المنتدى بتوقيت جرينتش +3.
الوقت الان » 05:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd