لمــاذا ياجمهور الهــلال .. انتم الســبب ..؟
 

السلام عليكم..

اهني الجميع وكل الهلاليين .. على الحصول على الثلاث نقاط المهمه..

والي كنت متخوف منها حـيل .. لكن هناك شي شفته وخلاني اقول الهزيمه ..

جايه يعني جايه :to: ..

وهي الجمهور .. !!


مارايكم في الحضور هل هذا هو جمهور الهلال .. الجمهور الصعب ..

الجمهور الغفير .. الجمهور الي في كل المناطق تجده يحضر ..

14 جوله في تقدم وفي مستوايات جميله .. هزيمه وحده ابعدت الجمهور من الحضور .. :ranting: ..

هزيمه وحده ابعدتنا عن الحضور .. حضور هزيييل جدا ..

حضور المفروض يكون اكثر من المعتاد عليه ..


اين وقفه الجمهور معا اللاعبين !! :mad: ..

اللاعبين محتاجين الجمهور الان اكثر من اي مباره ..


وفي كل مباره المفروض الجمهور يكثر اكثر .. بس مباره الاهلي :cry: ..


ليتنا نتعلم من الجمهور الجار .. هزيمه فوز الجمهور حاضر حاضر ولا يعوقه شي ..
اما جمهورنا .. :cry:..

من الهدف الاول تشوف الجمهور رجع لبيته .. :s5s: ..


المباره القادمه امام الفتح ..


لكن ماتمنى من الجمهور يحط في باله خمسه ولا سته ..

هزيمتنا من النصر سببها الجمهور والثقه المفرطه من اللاعبين ..

كنت اتمنى اشوف احد من الجماهير تقول النتيجه بتنتهي 2 _ صفر اقل شي ..

الكل كان يقول خمسه و سته !!!!! ..

ماعلينا .. والمهم ..s13s




مباره الفتح .. الفتح منافس قوي .. والدليل الي سواه معا الشباب ..

عدم الاستهتار.. والحضور بكثااااااااااافه .. والتشجيع لكل اللاعبين بلا استثناء ..



محمد الدعيع .. كبير والله بأداك وبأنقاذك .. بس ياليت تركز شوي .. :rose:

الكوري لي يونق .. تسلم لي والله على اداءك الراقي بس لو تهجم والزوري يبقى مكانه يكون افضل :laugh: ..

هوساوي .. اخاف ان مدحتك ماوفيك حقك ..

المرشدي .. وش تبيني اقول كل مواصفات الدافع فيك بس لو تترك عنك الدفاشه وتركز في كل الكور وتترك عنك الجلايات تكون احسن واحد بس والله فيك الخير على الي تسويه ..

الزوري .. :to: انت اكثر واحد يبي له تركيز في الملعب وياليت تنتبه لمنطقتك اكثر من انك تتقدم ..

رادوي .. راجع لمباره الفتح .. ماقدر اقول فيك شي غير يعطيك العافيه على مستوياتك ..

خالد عزيز .. يقولون ماحضرت التمرين عسى المانع خير .. لاتخرب الي قدمته في اخر مبارتك الي ابدعت فيها ..

الشلهوب .. انا اهديك هذي :rose: .. تكفي عن الي بقوله عنك ..

ويلي هامسون .. الاشقر المتحرك المزعج الفنان المراوغ عيني عليك بارده .. بسم الله عليك وماتشوف شر وترجع احسن من اول ..

نفيز .. لو تترك عنك التسحب وتناول بسرعه تكون :ga: .. بس اظن للحين ماقدمت مستواك الي نتمناه .. وحلوه رقصتك

ياسر القحطاني واخيرا .. آآآآآآآآآه ياياسر .. احنا وراك وبنشجعك ومتأكدين بترجع ياسر الاول واحسن وصابرين عليك وياليت تركز لان الجمهور والهلال كله مشتاق لهدافك وفنياتك ..


تقبلو تحياتي .. واتمنى الموضوع يعجبكم ..

واسف على الاطاله .. وبالتوفيق للهلال .. :rose:

من جد والله

الله يعطيك العافيه اخوي

وتقبل مروري

الحضور كان جيد نوعا ما في مباراة الاهلي ولم اكن اتوقه هالحضور صراحة !!

حضور الجمهور بكثافة في مباراة النصر ورد اللعبين لهالجمهور بهالمستوى الباهت هو السبب !!

صدقني لو قدم الهلال شي امام الجار ما زعلنا بس برود وتلاعب باعصاب الجمهور من حق الجمهور انه يعتب !!

طبعا مباراة الاهلي الاخير راح تعيد الجمهور الى المدرجات بان الله !!

اما جمهور الجار ما بدوا يحضرون مثل الناس الا بعد ما فازوا علينا يعني باختصار امام القادسية !!

ولا تقارن حضورهم بحضورنا سواء في مباراة الديربي او اي مباراة لنا هالموسم !!

وبالطبع الغلبة كالمعتاد لنا :)

عن نفسي انا بالرياض مبارايات الهلال احضرها كلها والشرقية احيانا

واذا ماوقفنا مع زعيمنا من الي راح يقف معاه شبية الريح يحتاج من يقف معاه وسمعنا كلام الدعيع عندما عاتبنا باننا مقصرين معهم لابد ان نتحرك ونساند فريقنا في اي مكااااان وفي اي زماااااان

تحياتي

مشكوورين على مروركم ..

وبانسبه انا في الشرقيه وحضوري داايم في اي مباره في الشرقيه ..

وراح يكون لي تواجد يوم الاربعاء .. في مباره الفتح ..

ان شاء الله الجمهور بيكون غير في مبارة الفتح وان شاء الله الثلاث نقاط للزعيم يارب

لا للثقه المفرطه والغرور

الصراحة جمهور الرياض ماله داعي
علشان ماراة يكون العزوف كليا لماذا أريد السبب
طبعا لايوجد
تحياتي

مشكووور

اتمنى التوفيق للهلال دائما وابدا اين ما حل وارتحل ولكم مني اطيب التحايا

غريبه من جمهور الزعيم

واتمنى الحضور في المباريات القادمة

بالتوفيق للزعيم