|
فصفصة الزعيم مقابل الاهلي السلام عليكم ورحمة الله وبركاته بداية ابارك لجميع الامة الهلالية هذا الفوز الغالي والمهم , الفوز في مباراة اليوم له من الاهمية الشيء الكثير لأنه ببساطه : 1- استرجاع ثقة اللاعبين في انفسهم وثقة الجهاز الفني و الاداري والشعب الهلالي بعد صدمة النصر 2- الاستفادة الكاملة من تعثر المنافسين ( الشباب في هذه الجولة) وتوسيع الفارق الى 6 نقاط 3- بهذا الفوز يصبح الضغط كبيرا على الاتحاد والشباب لأنهم اذا تعثروا مع استمرار فوز الزعيم فهذا بالطبع يؤدي الى تسرب اليأس في ملاحقة الزعيم , وذلك متوقع بشكل كبير وخصوصا ان الاتحاد بقيت له مباريات قوية مع النصر والوحدة المتطور والاهلي بالاضافة الى انهم سوف يلعبون ضد بعضهم نأتي لمباراة اليوم/ مثلما قال الاسطورة (سامي الجابر) الفريق في مجمل أدائه لم يكن سيئا ولم يكن ممتازا بل كان هناك أداء متوسط ومتوازن هجوميا ودفاعيا وذلك يرجع الى عدة امور وأهمها ان الزعيم يبحث عن ال3 نقاط اولا ومن ثم رضا الادارة وجميع امه الشعب الهلالي. بوعبدالعزيز(الموديل القديم):d <<< سيد حراس آسيا .. كان بالموعد بل امتع الجمهور بتسحيباته بمهاجمي الاهلي s121sوهذا يدل على حالة التركيز العالية <<< يعطيك العافية يا بودعيع ( على كلام خويك ناصر القصبي):laugh: الدفاع : كان الدفاع حاضرا ذهنيا ولكن يعاب عليه عدم التمركز الصحيح في الضربات الركنية حيث ان لاعبي الاهلي شكلوا خطورة قبل هدف نيفيز من خلال الضربات الركنية والكرات الثابتة ولاحظنا ذلك وقت ولوج الهدف الاهلاوي حيث كان يوجد ما يقارب 4 لاعبين مع لاعب الاهلي ولم يستطيعوا تغطيته بالشكل المطلوب بالاضافة الى ان الهوساوي مرت الكرة بجانبه ولم يكن سريع الاستجابة لتخليصها قبل وصولها للراهب الغير مراقب ولكن بشكل عام استطاع الدفاع ايقاف خطورة معظم الهجمات المرتدة الاهلاوية ويشكرون على ذلك ونأمل منهم المزيد الوسط المتأخر( المحور الدفاعي) أولا عودة الجنرال عزيز و عودته بمستوى اكثر من المتوقع ( عقوبة جيريتس جابت مفعولها :yes:) فكان نموذجا للبديل الجاهز حال الحاجة اليه فلم نشعر بغياب رادوي كثيرا لأنه استطاع اجهاض الهجمات الاهلاوية من بدايتها وخفف الضغط على المرشدي والهوساوي وهذا مما سهل مهمة تنظيف الثلث الخير من ملعب الهلال وبناء هجمة سريعة على الخصم. الوسط المتقدم: واقصد بالرباعي الناري ويلي:ga: الشلهوب:smilie47:نيفيز:naughty: والفريدي:alzaeem: ويلي صال وجال في الملعب طولا وعرضا:eq: (متعوب عليها:laugh:) وبكذا خلى لعيبة الاهلي يقولون تكفى واللي يرحم والديك وقف اشوي خلنا نآخذ نفس عشان نقدر نلحقك ولا بنهون مانبغي نلعب اذا كل كرة بتخلينا نلحقك زي سيارة الايسكريم :to: الشلهوب : صحيح انه ماجاب هدف ال12 لكنه سوى اليوم عمل جبار من خلال مساندة الهجمة والضغط على حامل الكرة في حال فقدان الكرة مما خفف الضغط على الزوري اللي كان مدرب الاهلي مركز عليه وذلك بوضع مالك معاذ في جهة الزوري نيفيز : مستواه متوسط (اقل من ويلي والشلهوب) بس اللي شفع له انه اطلق رصاصة الرحمة على الاهلي في وقت كان الاهلي متحمس لتعديل النتيجة :fb: ولكن يعاب عليه بعض التمريرات الخاطئةو البطء في بعض الهجمات اللي تحتاج سرعة تمرير الكرة للهجوم الفريدي : اقل لاعبي الوسط أداء يعني نقول عنه ( اقل من المتوسط بشوي) بس فيه نقطة ايجابية تخلي جيريتس يصبر على بروده لعبه وهي انه ممتاز دفاعيا لأنه افضل لاعبي الوسط المتقدم يستطيع الانقضاض والضغط على حامل الكرة , وبالتالي اعطى الفرصة لعدم تقدم ظهير الاهلي الايمن (الحربي) ومنعه من عمل عرضياته المقوسة والمتقنة وخصوصا ان توليدو يحسن التعامل مع الكرات الرأسية نجي للهجوم>> ياسر الكاسر (بوعبدالعزيز موديل 2010):bf: اليوم ارتفع أداء الكاسر وصار احسن من ناحية التحركات بدون كرة واتاحة الفرصة لويلي بالنسبة للهدف الاول من خلال تحركه للأمام وكذا خلى لعيبة الاهلي تركز عليه وتترك ويلي في مواجهة مان تو مان وتمكن ويلي من تسجيل الهدف , كان صاحي وقد المسؤولية وسجل لنا هدف مهم ريح الفريق نوعا ما , الكاسر ارتفع اداءه مع دخول المحياني (ماشاء الله شعلة نشاط) والمحباني ماقصر سوى فراغات لتحركات ياسر وكلنا شفنا كيف كان ياسر كاد ان يسجل هدفين بعد نزول المحياني والله يبارك لك في عزوز ويخليه لك ولأم عزوز وتعيشون حياة هنية :gz: نقاط سريعة :::: حضور وجه السعد:ga: الامير نواف وجلوسه في دكة البدلاء مع الجهاز الفني والاداري والاحتياط له اثر نفسي على اللاعبين وسبب رئيسي لأستشعار مسؤولية كسب النقاط ال3 من خصم منتشي ومتطور كالاهلي ونقول له الله يبعد كل مكروه عنك وعن اولادك والله يخليهم لك وان شاء الله نشوفهم في خدمة الزعيم مستقبلا ولاعزاء للحاقدين و زوار العيادات النفسية للعلاج من داء الزعيم ومااظن انهم بيتشافون لأن الزعيم هالسنة ان شاء الله بيكوش على الدوري وبإذن الله باقي البطولات جيريتس كان واقعيا في تكتيكه ولم متهور مثلما فعل في مباراة النصر وهذا كان واضح في تبديلاته من خلال تأمينه على النتيجة وذلك بأدخال الغنام لمساعدة عزيز والمحياني لمساندة ياسر والضغط على دفاع الاهلي ومنعهم من التقدم الى الامام كثيرا البدلاء ( المحياني-الغنام) كان تركيزهم عالي وكانوا اضافة للفريق وساهموا في توازن الفريق بعد دخولهم المحياني يثبت يوم بعد يوم انه صفقة ناجحة وقاعد يستفيد من النقد اللي كان جيريتس يوجهه له بداية الموسم وصار اكثر انضباطية في تكتيكات جيريتس >>> واصل الدرب فنحن نحتاجك في آسيا وبقية المسابقات الزوري اليوم مغطي جهته صح ومثل ما ذمه الجمهور الواجب نمدحه ونصفق له على اداءه اليوم , وهو عمل عرضية متقنة ل(ويلي) وكانت سبب مباشر في الهدف الاول , وكانت معظم انطلاقاته منسقة ومرتبه ولا يوجد فيها مغامرة على حساب الدفاع وهنا كما ذكرت سبب ذلك ان جيريتس خلى الشلهوب و ويلي يعملوا تبديل كل 10 دقايق لمساندة الزوري ومايخلوه لحاله وكذا كان الزوري متفرغ للاعب واحد والبقية كانوا مراقبين من لعيبة غيره الفريدي خلاني افقد اعصابي على تضييعه الهجمة اللي المفروض كانت الهدف الاول للهلال وخلانا نقعد على اعصابنا ( لاهو اللي سدد بسرعه على المرمى ولاهو اللي مرر ل ويلي اللي يتوقعها طبق من ذهب) ادري اني طولت عليكم بس ويش اسوي الزعيم عمل فيني عمايل وقال لي تكفى تفلسف عليهم اشوي وخل ART تحطك جنب الشنيف :naughty: نقطة اخيرة : بضراحة جمهور الرياض قاعد يثبت للجميع انه جمهور فوز وريحضر الا في المباريات المهمة و في وقت الفوز واللي يشوف المنتدى من كثر اللي يقولون بنروح الملعب ... تحصل 3 يروحون الملعب والباقي بتحصلهم في الاستراحات جنب برادات الشاي واذا انهزم الفريق طاحوا في الفريق انتقادات وذم على غير سنع , شوفوا المباراة الجاية للهلال مع الفتح وبتعرفون كيف الجمهور ينذبح للدخول الى الملعب رغم فارق الحجم مع استاد الملك فهد, ولكن هذا ليس بعذر لجمهور الرباض ان الملعب كبير على الاقل غطوا واجهة الملعب ولا تبغون الملز عشان يشلخونكم العساكر :ranting: قد يكون البعض متخوف من معاملة الامن لجماهير الهلال لكن هذا لم تحدث مضايقات من قبل في استاد الملك فهد ولكن في المقابلs13s يجب الاشادة وتقبيل رأس كل من حضر المباراة وتشجيعهم وجماسهم للفريق وكان صوت الجمهور على قلته واضح في اتلفزيون عندي :smilie47: عاشق الزعيم : Blue_drooops |
الله يعطيك العافية والف مبروك الفوز والمستواى لاباس فية والدفاع بصراحة كان مميز جدا |
عاشق الزعيم : Blue_drooops تحليل رائع للمباراه لاهنت وبالتوفيق |
تحليل رائع اخوي تصلح محلل مع مدني رحيمي بس بغيت اسلك الفصفص باجه ولاعقيلي هههههه مشكور على الموضوع |
بدايه اهنيك على الموضوع ... احب المواضيع الدسمه :rg: اوافقك الرأي في ان الفريدي يجلط شوي بس زي ماقلت اللي مصبر الزعمااء عليه انه يستخلص كور بدون حتى مايسوي خطأ او فاول على الفريق ماشاء الله تبارك الله .. بس لو يصير شوي حماسي بس شوي .. وإلا والهجمه اللي ضيعها :to: اما الزوري فإنشاء الله هذي المباراه تكون بدايه ارتفاع مستوى الزوري او يجلسه المدرب على الاحتياط جنبه ويلعب شافي الدوسري عشان يحس بالمنافسه في المركز ويحافظ على مستواه وانا اشوف هالطريقه جابت فايده مع عزيز والمرشدي .. اما نيفيز رغم انه رفع ضغطي ببعض باصاته إلا انه ماشاء الله تبارك الله عليه قدم قويه وجرئ اعتقد ان الهلال كان يميزه اليوم الجماعيه في اللعب والبحث الجاد عن الفوز والضغط على الخصم يعني لماا يمسك اي اهلاوي الكوره تلقى يتجمع عليه 3 لاعبين عشان يخلصونهاا وبوجه نظري افضل لاعب في المباراه كان اسامه هوساوي يالبى قلبه :ba1::ba::smilie47::ga: وتسلم على التحليل الرائع اتمنى تنزل موضوع زي كذا بعد كل مباراه |
ياسلام على الموضوع الرائع والمرتب ,, اوافقك في كل النقاط وبصراحه شدني الانظباط الجيد في الدفاع اليوم ,, عوآفي~~~ٍٍِِ[بالتوفيق |
اوافقك باكثر الي قلته الا الجمهووووووووووور ياعالم يفرق الاستاد عن الملز الحظور امس كان نفس الي في الملز وانا حااضر الحظور والتشجيع روعه وكان تفاعل بين الواجهه والرابطه وترى امس الشوط الثاني جاء برد اوووووووووووب طبيعي <<<< توهق ما جاب جاكيت ض11 |
شكرا لجميع من مروا بالموضوع ولا عقبوا <<<< اكيد انهم يقولون عضو جديد وناشب لنا يبغي 50 الف رد في اول موضوع ينزله:bs: والشكر مع قبلة على الجبين لكل من عقب<<< اتوقع ان هيئة الاتصالات والمعلومات بتعمل Block على مواضيعي بسبب القبلات الزايدة عن حدها :ld: وافادني بمعلوماته او شد من ازري (هذي تعبت وانا ادورها في مخي) :ee: بصراحة انا من زمان ودي ادخل مجال التحليل (طبعا في منتدى الزعيم) بس ماكان عندي وقت بحكم دراستي اللي مآخذه كل وقتي (يبغي يقول لكم انه دافور:tz:) على فكرة تخصصي هو علاج طبيعي << تسوون لي واسطة وتخلوني اعالج لعيبة الزعيم حبيبي ابو زنيفر الاطخم إقتباس:
حبيبي العضو يالهلال والله احبك إقتباس:
او ماجد عبدالله (من كثر مايقول الفريق الفايز لازم يحافظ على النتيجة والفريق المهزوم لازم يعدل اوضاعه ويبحث عن الفوز) <<< كلام حشو في حشو ولايدري ان الجماهير تفهم في التحليل :s3s: الاخ شكسبـal.zaeemـــير إقتباس:
لكن انا اعتب على جمهور الرياض لأني اتذكر ايام طفولتي البريئة:tn: شجعت الزعيم عشان ان كل مباراة اشوفها في التلفزيون كنت اشوف الملعب فل من جماهير الزعيم سواء بالملز او الملك فهد اول مباراة شفتها كانت مباراة الهلال مع النجمة (ايام عزه) وفاز الهلال 8-2 وهذا اللي خلاني اقضب الزعيم ولا اغيره اسف على الاطالة |
| الوقت المعتمد في المنتدى بتوقيت جرينتش +3.
الوقت الان » 06:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd