|
شكرا لجمهور الرياض ... جمهور الرياض ماقصر ... ونعد بالمزيد في باقي المباريات الف مبروك لكل هلالي على هالفوز اللي يونس s13s كتبت هالموضوع بعد ماشفت البعض يكتب عن جماهير الرياض والبعض ذكر بأنها مهزله من جمهور الرياض ... جماهير الرياض هذا الموسم ماقصرت حضرت وآزرت الفريق المشكله ان البعض هنا لايفرق بين ملعب الأمير فيصل وملعب الملك فهد ملعب الأمير فيصل امتلأ عند مقابلتنا ( للأتحاد و الشباب و الوحده ) لكن السؤال كم يتسع ملعب الأمير فيصل بن فهد ؟ اتوقع مايتعدى 25 ألف كرسي !!! وفي المقابل عدد كراسي ملعب الملك فهد يتسع لأكثر من 70 الف كرسي !!! يعني مافيه مقارنه أبدا ( وصدقوني لو هالمباراة في ملعب الملز لغطى الجمهور الملعب عن بكرة أبيه ) الحضور اتوقع كان أكثر من 30 الف مشجع أو تقريبا 25 الف مشجع ... يعني لو كانت المباراة في ملعب الملز ماراح نشوف مثل هالعتاب و الأستهزاء من البعض لجمهور الرياض ( ليعرف الجميع بأني لاأبرر لجمهور الرياض فأتمنى في المبارايات المقبله الحضور أكثر وأكثر ) اللاعب الكبير محمد الدعيع ( يطالب بالحضور الطثيف في باقي المباريات .. اتمنى ان لانخيب ضنه ) شكرا لجميع الجماهير الهلاليه في جميع مدن ومحافظات مملكتنا الحبيبه :ba: خاصه الرياض :smilie47: |
................................................... |
كلام صحيح 100% الجمهور صراحه هالموسم بشكل عام ماقصر بس الظاهر زي ماالجمهور مهما يقدم الاعبين يطمحون للأفضل الاعبين مهما يحضر الجمهور يبغون اكثر :ap: |
الله يعطيكم العافيه ياجماهير الزعيم وربي ما قصرتوا وعلى العموم انتم ياجمهور الزعيم انا اعم ما اخص وانتم ما تحتاجون وصاه ما باقي الا القليل ونحسم الدوري واتمنى منكم الحضور في باقي الجولات بالتوفيق لنادي القرن الآسيوي |
كلامك صحيح يوجد فوارق كبيرة بين الملعبين ، والي يحضر المباريات بشكل مستمر يعرف هالشيئ والجمهور الهلالي السنة هذي ما قصر في حضوره سواء في الرياض أو في أي مدينة أخرى ، لكن لا نفكر في اللي راح ، الي جاي أهم . لازم نشوف ملعب الأحساء مليان يوم الأربعاء القادم . ونشوف كل الملاعب الخمسة الي بعده مليانه لمبارياتنا المتبقية اذا أردنا درع الدوري . وبإذن الله الدوري للزعيـم |
نحتاج لوقفات الجمهور في المباريات المقبله لانها حاسمه |
اممممم بنظري مو مهم الكثره ... الاهم التفاعل ... جمهور الرياض للاسف << يعني طلعت منها :d حماس قبل المباراه بساعه واو ربع ساعه تقريباً ... وبعدها ما كأن احد موجود بالملعب :cry: إبو عسل |
جمهور الرياض روووووووووعه وباقي الجماهير في المناطق الاخرى وبأذن الله ما نخيب الاداره والاعبين في الحظور |
مايقصرون لبى قلوبهم سوى جمهور الرياض ولا جدة ولا الشرقية في أنحاء المملكة مايقصرون |
جمهور الزعيم اكثر من كذا صدق الدعيع يوم قال جمهور الهلال يغطي كامل الملعب ومعه حق لعوامل عدة... 1- الهـلال متصدر الدوري 2- بالرياض ومو باقي كثير على الدوري 3- يوم خميس واجازة ماعندك شي * ليش ماتحضررر لكن ع قوله الدعيع ان شاء الله الثلاث نقاط ترضيهم ونشوفهم بالمباريات المقبلة بالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 11:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd