رسالة لرابطة الهلال , أستاد الملك , ورسالة لمن يتهم جمهور الرياض , ..إلخ
 

:ba:

السلام عليكم ,,

المانشيت صحيح 100% وليس تسويق للموضوع ,

أبدأ :

1- تخبرون إذا راح الواحد يآخذ أهله من قاعة أفراح وعرس وقرووشة طقاقات , وش يسمع من أغاني ..!

لا لا تضاايقوونه , / يا سلامي عليكم يا مدري من , / إلخ إلللللخ .. من أغاني الرقص !

المهم , من يوم أجي للملعب وتجي الرابطه , أربط الشال على أذانيّ وأجلس أنا بلحالي أشجّع ,

وأقول : يا هلاااال يا هلااااااااااال يا هلااااااااااااال < كلام يفهمه نيفيز + لي يونق + رادوي + ويلي ,

ما أقول لا لا تضاايقونه الترف لا تضاايقونه زي الرابطه إلي تحت , إلي همّها تستلم المبلغ المذكور دفعتين

قبل وبعد المباراة , ولو إن صوتي ما يوصل وأنا أشجّع , بس الحمدالله آخذ معي أثنين من أخواني أصواتهم

جهوريّه , وأخليهم يعززون لي , والرابطه مجمّعه شلّة رقص مايدرون عن المباراه ولا يدرون عن التشجيع

ويغنون لا تضايقونه , والله إني أنقهههههههههههههر إذا سمعت أغاني الطقاقات فالمدرج ؟

ليش ؟ يعني اللااعب تبونه يلعب ويتحمس ولا يرقص في زفــّه ؟ !

الغريب إن الهلال يوم أنهزم الموسم إلي فات وتعدّاه الإتحااد كانت الرابطه تغنّي يإلي طامع فالصداره !

والهلال مهزووم والإتحاد متعدييه !

رابطه ماتنتج أغاني هلاليّه خاصَه , رابطه مكرره , وطايحيين في أهازيج نادي الأهلي إلحين ,

وش موقفنا في هاليوم قدام نادي الأهلي وحنّا ماخلينا من أهازيج الأهلاويين شئ !

والله إلي أتمناه رابطه تحمّس الجماهير ماهوب رابطه تسبب لي صداع ,

قبل أجي للمباراة , أسئل وين مكان الرابطه , وأبعد عنها فالجهه الثانيه , الرابطه صارت تسبب لي خوف ,

والله إن الهلال بدون رابطه إن أموره تمام , أصوات الجماهير لإستفزاز الخصم , وتشجيعهم للسحبات

أفضل مليوووووووووووون مرّه من تشجيع [ لا لا تضايقونه ] أقل شئ الخصم يخاف من أصوات الجماهير

ولاعبنا نعطييه ثقه في نفسه , يوم الخميس إلي فات الله لا يعييده الرابط تغنّي أغاني نص كم مدري وش هي

والجماهير مقهورين من الرابطه ومن اللاعبين ؟ لو كانت فييه رابطه زي الناس كان غنّت بأسماء اللاعبين

وحمسّتهم وأطلقت صافرات إستهجان على لاعبيين الخصم , ماهوب [ يا منيتي يا سلا خاطري وأنا أحبك يا سلام ] ؟

والله قهرر والله , نادي عالمي , نادي قرن , عجزاان يجيب رابطه زي الناس تشجّع لاعبييننا مايجون يرقصون

ويآخذوون من دراهم النادي ويمشوون , والله الرابطه محسوبه علينا كجماهير , ولازم نتكلم أما كثرة السكوت ماتصلح

2- أستاد الملك يفقع كبدي , يذكرني العام يوم نتعادل مع الأهلي ومع الوحده , ويوم ننهزم من الإتحاد , ومن أم صلال

يآخي تاريخنا وحظوظنا في هالإستاد مش ولابد , بس على كل حال والله إني قااص التذكره وحاجز من أمس

ومجمّع أخواني كلهم وأبي أمرّ عيال جارنا وأبعبي الأفالون من عيال الحاره وبروح الملعب , بس إني أنقهر من

هالإستاد النحس على الهلال ,

3- إلي يقول جمهور الرياض مايجي واجد , أقول لهم جمهور أستاد الملك لو يجوون في نفس اللحظه لملعب الملز

عبّوه فلّ , بس أنتم تشوفون بعين وحده إذا فاز الهلال مدحتوا الجماهير فالرياض , وإذا أنهزم قلتوا الجماهير ماشجّعوا

أول شئ شوفوا لنا رابطه ولا بقعد أشجع بلحالي كالعاده < دايم ينادي هوساوي :smilie47::smilie47: :ba:

4- بأذن واحد أحد , إن أول نكبات نادي الأهلي قدامنا إنه مشارك بثلاث مهاجمين , وإن خالد عزيز لاعب ,

خلاص خالد عزيز يبي يريّح هوساوي ويبي يريّح المرشدي , ماتجيهم إلا كور خطّافيه من فوق ويقشونها الذيابه ,

أما الكور الأرضيّه أعتقد صفر بالميّه نسبة إن الأهلي يخترق منطقة الهلال ,

والدفاع المضروووووووووووب في نادي الأهلي والأضهره المتهوّره هجوميّا ً أعتقد إنها مفاتيح اللعب لنادي الهلال

أستاد الملك يبي له ليااقه , ونادي الأهلي مرهق من بعد مباراته في كأس فيييصل ,َ

5- كأس فيصل تأجلت مباراة الهلال أسبوع , لييييييييييييييييييييييييييييش !

لإن الأهلي يشارك في دوري زين وفي كأس فيصل بنفس الفريق ,

لو لعبنا معه الخميس هذا بنفس فريقهم يبي يلعب السبت بالفريق وهو مرهق , وتأجلت المباراة بظروف غاااااامضه ,

على كل حال الله يوّفق الهلال , وترى مكان جنب المعلقيين دايم < يعطيهم معلومات تاريخيّه كل مباراه :laugh:


ويإدارة المنتدى أنشروا الموضوع طوّلت وأنا أكتب ولي مدري كم سنه هنا ولا سمحتوا لي أكتب زين المسلمين , < :ba1:

من يبي يرفع الرابط ؟ ترى مافيه شئ ؟

^












عشان تقرون :$

عوافي خيوووو
وياليت من الرابطة ات تأتي بأهازيج رائعة

ولاهنت ع موضوعك

تحياتي لك

اليوم يومكم

يا زعماااااااء ..الله الله ..بالحضور

http://upload.alhilal.com/img/014/hilal-champ.jpg


الهلال يناديكم

الدوري يناديكم ...

تعااااالوا للدره ...خلاص موعد الحصاد حااااان

شلهوب - زوري - ولي - الدعيع - يااااسر- طلق المحيا - الدوسري - قريتس - سامي الجابر

نخبه نجوم الهلال

في انتظاركم ..

امتعونا 2009 وفي انتظار الزفاف الكبير

تعالوا وخلونا نفرح ..ونشارك القياده الحكيمه بقياده الرائع بن مساعد

اليوم خميس والاجواء ولا اروع




لوحسبنا/ للسوالف/ والكلام
...........................كان ماصار الزعيم/ اسمه زعيم
ولو بنينا المجد/ من ريش النعام
..............................كان سلمنا الزعامه/ من قديم

يعطييك ربي العافيه ..

...............

انا مايقهرني الا الناس الي تجي على شان ترقص وتستهبل
المشكله يعطون ظهرهم الملعب
يعني لا يتابعون مباراه ولا فكروا فيها ...

كلامك كله درر .. ولا احد يختلف عليه

اتمنى ان يتهم الاهتمام في الرابطه اكثر
ونشوف الاهازيج الي تحمس اللاعبين وتربك الخصم
بالتوفيق ..

مبدع والله ،، كلام جميل وفي الصميم بأسلوب ساخر ،،

الرابطة معندها إلا الآغاني والرقص ،، والأهازيج صفر من 10 ،، والسمعات كذلك،،

مشكورررررررررر يعطيك الف عافيه

شكرا على ما كتبت
وانجازات الهلال في الاستاد كثيرة
وان شاء الله الفوز للزعييييم

وانا من رائيك

اجل اجيبه يعني اجيبه لو كان تحت الحراسه ؟؟؟ << بالله هذي اهزوجه والا اغنيه

بعدين خليهم يتعلمون من الاهلي والله اهزيجهم تطرب وتخليك تستمتع حتى لو المباراة خايسه تعطي حماس للاعبين

بس مو يقلدونهم عاد ويقولون انتم قلتوا اهازيج الاهلي حلوه <<< ترا يسوونها

واذا مافي امل لاهازيج والا رابطه زي العالم والناس يخلون الجمهور يشجع التشجيع الاوربي والله احيانا الجمهور يتحمس ويسوي حركات واهازيج

روعه لكن اغلب المباريات نوم وتقشيم حب

تصدق ليت عشرين زيك كان يمكن شفنا تشجيع زي العالم اجل تشجع هوساوي طيب اقلبها تشجيع للاعبين كلهم

يعطيك العافيه

هههههههههههههههههههههههههههههههه

اصلا نظام رابطه وطبول قديم وماينفع ابد كلها طق طق يانا يانا وواحد مستنزل هناك و2 قالبينها شكشه

المفروض تلغى الرابطه والتشجيع باهازيج هلاليه من كل الجمهور لو اطامر محلك رجيت الملعب من دون صوت

بعدين الرابطه هي خراب الجماهير لانه تمنع انك تشجع بحركه وحده اللي عند الرابطه معهم واللي بعيد نايمين مايدرون وش الطبخه