سلااااااااااااااااامـــ ...!!


بالنسبهـ للي يقول موب شغلتنا نجمع لاعبين درجه أولى وثانيه ..

راجع تاريخ أساطيركـ يا حبيبي .. راح تلقاهم حواري .. موب أولى وثانيه ..!!


عموماً .. بناءً على متابعتي للاعب ..

زامل يمتاز في عدة أمور .. مهاجم هداف ما يتفلسف قدام الباب .. ويعرف وين يحط الكورهـ ..

موب مثل بعض لاعبين الممتاز .. يشوتها على النيه .. وتراني ما أقصد الزلزال ..

زامل .. يملكـ مهارات موب طبيعيه .. قليل يظهرها .. لأنه مثل ما قلت ما يحب يتفلسف ..

اللاعب سريع .. ويستخدم قدمه اليمنى واليسرى ..

اللاعب ممتاز نسبياً بالكرات العرضيه .. ورأسه دقيق نوعاً ما ..

واللاعب يمتلك لياقه ممتازه .. ودائماً ما يلاحظ عليه الرجوع إلى منتصف الملعب لمساندة أخوانه اللاعبين ..

ويملك نظره وقراءه جيده لأبعاد الملعب وتمركز المدافعين .. وغالباً ما يقطع طريقه نحو المرمى من منتصف الملعب .. بدون ما نشعر ...!!

اللاعب يعيبه جسمه .. صحيح اللاعب نحيف ..

لكن مثل ما يقولون .. اللاعب عصبه ما شاء الله تبارك الله ..

يعني بالإلتحامات .. الرجال ما عندهـ مشكله .. خصوصاً إذا كان محصور عند الزاويه أو خط التماس ..

ودائماً ما تظهر مهاراته في هالمنطقه من الملعب ..

إن ما إستطاع الخروج من بين المدافعين .. مع العلم أنه غالباً يكون مراقب من مدافعين اثنين ..

غالباً إن ما استطاع الخروج من بينهم .. يكسب ركني .. أو تماس ..

اللاعب إلى الآن يعتبر صغير في السن وعمره 19 سنه ..

وإلى الآن في مرحلة البناء الجسمي .. يعني لو يلقى عناية خاصه .. سهل يتحسن جسمانياً ...

اللاعب ميوله هلالي .. وجاهـ عرض سابق من أحد الأندية الكبيرهـ ..

.
.
.

وبما إنه تم التطرق إلى زامل .. يجب التطرق إلى صالح الريس ..

صالح الريس من شباب العربي .. لاعب ما شاء الله تبارك الله ..

يملك من الإمكانيات ما تقارن بإمكانيات زامل ..

اللاعب جاهـ عرض رسمي من الشباب والنصر قبل موسمين ..

وتم رفض العرض بسبب صغر سنه ..

.
.
.

يا ليت الإدارهـ تلتفت لمثل هالمواهب وتقيمها ..

نحن كجمهور هلالي نرفض فكرة ( الشراء على عمى ) ..

لا بد من تقييم اللاعبين وتحديد إمكانياتهم ..

اللاعبين شاركوا مع المنتخبات السنية .. وصالح الريس واجه هوساوي في الملعب شخصياً ..

قبل تصفيات كأس العالم 2006 .. في مباراة المنتخب الأول والشباب ..

ورجع من المعسكر مصاب على ما أظن .. لأني ما عندي خلفيه كبيره عن هالموضوع ..

نبيكم تقيمونهم بس .. واللي يستاهل .. جيبوهـ ..

خصوصاً إنهم ما راح يكلفون كثير ..

وإن شاء الله إنهم بيفيدوننا بشكل كبير ..

خصوصاً في ظل هالأزمه اللي يعانيها الهلال في خط المقدمه ..

أجل جل الأهداف مصدرها خط المنتصف ...!!

أتمنى من الإدارهـ أن تعطي الموضوع حقه ...!!


.
.
.

عذراً على الإطاله ..

إقتباس الرسالة الأصلية كتبت بواسطة abu_sol6an اولا الاعب من نادي النجمه ونادي النجمه في دوري الدرجه الثانيه يعني مو الدوري الممتاز ولا الدرجه الاولى يعني اقولها لك مستحيل تقارن الدوري اللي ينافس فيه بالدرجه الممتازة

اقول لاتتكلم بـ شي وانت ماتدري وش السالفه وانا اخوك


وش اللي مستحيل على كيفك الدنيا !

اوكي مافيه مقارنه بالممتاز بالدرجه الثانيه

لكن فيه لاعبين موهوبين

لو الدعوى بالمقارنات كان ماشفت كريستيانو رونالدو طالع الحين

ولا شفت رونالدينهو طالع ولا شفت روبينهو طالع ولاشفت كاكا طالع


والقااااائمه تطووول


بعضهم يحسبه لاصار الاعب بالدرجه الاولى ولا الثانيه خلاص شين لعبه

ولا يعرف يلعب !


هذا اسميه جهل بالكوره ترا


واكبر دليل على ان الاعب ممتاز قبل امس الاداره منزل اخبار الزعيم

وفيه خبر ان الهلال يبي زامل