|
توصل بسلآلآلآمهـ .. والله وانا اخوك انا ادله بس يبي له شرح :( :( الوكـآد يا زعمـآء بكره الحظور ثم الحظور وقسسسسسسمن ودي الملعب فللل تكفون :(:( |
افضل طريق : وانت جاي من الدمام يجيك مخرج 8 خش معاه وامسك طريق المطار باتجاه الجنوب يجيك على التوالي مخارج 9 10 11 12 13 وبعدين 14 ادخل مع مخرج 14 باتجاه الغرب طوااااااااااااااااااااااااالي تلقى المستشفى بوجهك حرف T طبعا بعد ما تدخل من عند مخرج 14 باتجاه الغرب تتعدى 3 اشارات والاشارة الرابعة هي اللي يكون فيها المستشفى بوجهك |
هلا بك اخوووي ناعس الطرف اولاً ان شاء الله تووصل بالسلامه وطالبك لاتسرررع والاخوان زي ماذكرت ذكرو لك اكثر من طريق وكلها تودي الى قوى الامن افضل طريق وانت جاي من الدمام وخلك مركز معي : اول ماتدخل الرياض وانت مع طريق الدمام دوووس على الموتر وانتبه من المرور السري امش الين يجيك مخرج الخرج اللي هو مخرج 8. خذ المخرج ويكون وجهك رايح جهة الجنوب يجيك مخرج 9 10 11 12 13 وبعدها يجيك مخرج 14 ومكتوب على اللوحة اللي قبلة " مستشفى رعاية الرياض " خذ المخرج واطلع يمين يكون وجهك غرررب دزززززززززززز ياطوويل العمر بعد اربع اشارات والاشارة الرابعة خلاص حرف تي شوف المستشفى قدامك بس انتبه لاتصدمه . .. . . وبالتوفيق لك |
^ اخوي والله اني اضيع يوم تقول غرب وجنوب .. اشرح لي اياها يمين ويسار افضل .. يعني الحين مخرج الخرج لازم ادخله بعد تفتيش الرياض كاول مدخل ادخله ؟ |
الله يوصلك بالسلامة ..! أفادونك الأخوان بالوصف .. |
الرجاء عدم السرعه كل شي ملحوق عليه وان شاء توصل وترجع بالسلامة وعقبال الفوز ان شاء الله |
تــوصل بالسلامة اخووي يعطيـكـ العآآفيـة وبالتوووفيــق للزعيــم.., |
ذا طلعت مع كوبري الخليج امسك اليمين وبيجيك مخرج صلاح الدين الايوبي فوق على الكوبري اول ماتمسكه اطلع مع المخرج ثمن الاشاره يمين مو يسار وامش وبيجيك الاشاره الاولى عدها والاشاره الثانيه بتلقى المستشفى على يمينك |
السلام عليكم اخوي ناعس الطرف اذا انت قد جيت استاد الملز خلاص المستشفى على نفس الشارع (الستين) قبل الاستاد على اليمين واضح |
الله يعطيكم العافيه يا شباب .. تم تثبيت الوصف بصراحه احرجتوني بطيبتكم وشكراً على نصايحكم يا غالين . |
اول شئ توصل بالسلامه ان شاء الله ثاني ش ياجماعه يكفي وصف واحد من العيال ماقصروا مو كلكم لاتحوسون على الرجال وانا اشوف ان احلى وصف هو وصف الاخ زرقاوي مشكورين |
حياك الله يا الزعيم مستشفي قوي الامن جنب بيتنا وافضل طريق خلك ماسك طريق خريصلين ما تتعدي الدائري بيجيك كوبري خلك علي اليمين وانت نازل علشان تاخذ المخرج بسهوله بيجيك دوار القاعده او الاحساء تروح علي طول لين يجيك الشارع الي بعده وهو شارع الستين او طريق صلاح الدين تروح يسارمع الاشاره بتجيك اول اشاره اتركها وسيد اذا جتك ثاني اشاره شف المستشفي يمينك اتمني اكون ساعدتك وبالتوفيق للزعيم انشالله دايما |
توصل بسلامه ان شاء الله يارب وانتبه من السرعه الله يكفيك شر الحديد ومايشوف شر صاحبك ان شاء الله مثل ماقالو الاخوان مخرج 14 لحد ماتصادف المستشفى بوجهك بس انا اقولك بماانك تدل الملعب حق الملز حاول انك تروح له من طريق الملعب تخلي الملعب على يمينك وتمشي سيده امتداد لطريق الستين(صلاح الدين الايوبي ) لحد مايجيك بنك البلاد على يمينك المستشفى يكون مقابله وبكذا تاخذ فوق تحت من الاشاره ويكون المستشفى على يسارك الافضل لك من الملعب عشان الملعب تدله بالرياض والشي الثاني اذا وصلت الملعب تسئل اي واحد جنبك يوصفه لك ماتضيع والشي الثالث انك تقدر ترجع للملعب على طول وماراح تضيع وتسئل عنه لانك بتكون عارف طريقك واسمح لي والله اني اوصفلك من كندا لو اني بالرياض كان استقبلك وزرنا المريض معك |
يا مرحبـا بك مليـــــون صدقنـي تفهـم الحيـن إن شاء الله ,,,,,,,, أنت جـاي الآن من خط الشرقيـه داخل الرياض حلو ...؟ تخش مع خـط الخرج اللي يوديك على مخـارج 9 و 10 و 11 و 12 و 13 حلو ..........؟ الحين وانت ماسك هالخط يكون الجنوب سيده , والغرب على يمينـك والشرق على يسارك حلوو .......؟ اذا تعديت مخرج 9 و 10 و 11 و 12 و13 ( اللي هو خريص ) يجيك بعـده مخرج 14 حلو .........؟ اطلع المخـرج 14 بعـدين خش يميـن , تكـون متجـه جهـة الغرب حلو ........؟ أمش سيـده لا يمين ولا يسـار , بتجيـك حوالي 3 إشارات كلهـا امش معهـا سيـده ليـن يجيـك حرف T بيكـون في وجهـك مستشفى قوى الأمن ,,,,,, حلو يا بعـدي .؟ وانتبـه خلك مهدي وامش على راحـتك وانتبـه من السريـات تراهم يستنشبون بعـد ما تخش الريـاض ,,, بالتوفيـق لك طـال عمرك وتوصل بالسـلامه ورحلـه سعيـدة |
| الوقت المعتمد في المنتدى بتوقيت جرينتش +3.
الوقت الان » 09:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd