نادي الهلال السعودي - شبكة الزعيم - الموقع الرسمي - حصريا// ... صور تذاكر مباراة الغد ...+ رسالة خاصة ومهمة جدا لرئيس الرابطة ...+ مفاجأة للجمهور الحاضر غدا...+أنت هلالي أدخل وشف وش مكتوب

يسعد مساكم يازعماء نصف الأرض

بالبداية هذه صور التذاكر اللي شريتها من فرع موبايلي الرئيسي وبصراحة أثلج صدري الأقبال الكبير على شراء التذاكر

http://up4.m5zn.com/9bjndthcm6y53q1w.../naybyts0t.jpg

http://up4.m5zn.com/9bjndthcm6y53q1w.../jkn0kdzb5.jpg

رسالتي الأولى لجمهور الزعيم وخاصة أهل الرياض

هل تعلم أخي الهلالي بأن فريقك يتصدر الدوري بفارق 4 نقاط عن أقرب منافسيه وهل تعلم أن بعد مباراة الأهلي سيكون الدوري أقترب من نهايته وسيبقى للهلال 3 مباريات فقط سيلعبها بالرياض

تكفووون ياجمهور الزعيم مابقى شي على نهاية الدوري وبصراحة جمهور الزعيم هالسنة بالرياض غير عن كل السنوات
خلونا نكملها مع عشقنا الأول والأخير

صحيح الزعيم خسر الاسبوع الماضي وبمستوى باهت لكن من أسمى أنواع الوفاء أن تقف مع فريقك بعد تعثره لا عند فوزه وتوهجه

خلونا بكرة نحرج اللاعبين بحضور 60 ألف مشجع وهذه راح تكون رسالة لهم عشان يحرثون الملعب حرث لإهدائنا درع الدوري وصدقوني راح تشوفون فريق لايرحم خصمه

بأجيب لكم مثال : تخيل أنك دخلت مسابقة وكان فيه أكثر من 20 الف شخص يشجعك أثناء المباراة وخيبت أملهم وخسرت
وجيت بعد أسبوع بنفس المسابقة شفت قدامك أكثر من 60 ألف شخص يشجعك كيف راح يكون حماسك؟؟؟ أكيد راح تحترق لأجل إسعادهم

يشهد ربي بكرة الخميس عندي أختبار ريض203 (((تقريبا أصعب مادة يدرسها أي طالب بكلية العلوم بجامعة الملك سعود))) وراح أبقى مواصل لين موعد الأختبار الظهر وبعد كل هالتعب لعيون الزعيم من الجامعة للملعب

أتمنى بكرة أشوف 60 ألف مشجع ليتزين بهم استاد الملك فهد الدولي

رسالتي الثانية لرئيس رابطة الجمهور

بصراحة المباراة الماضية كنت جالس خلف رئيس الرابطة ب10 أمتار تقريبا وتخيلوا ماكنت اسمع وش يقول
يعني أنا متحمس (((وطبعا كثير مثل حالتي))) وحالتي حالة وماأسمع ألا أصوات فقط ماتقدر تميز وش كانت الأهزوجة وأيضا في مباراة الأتحاد كنت جالس على يمين الراتبطو أنا وربعي وبالعافية حتى نفهم شي

والسبب هو أن الميكرفونات كلها متوجهه بجهة الواجهة((اللتي لاتتفاعل مع الرابطة))) أو بجهة الأعلى وكأن السماء سترد الصدى
والمشكلة ان رئيس الرابط مرتفع ضغطه ويطلب مننا التفاعل (((مايدري أن أحنا متحمسين أكثر منه)) لكن لاصوت يوصل ولاصدى

أتمنى يكون فيه تنسيق بهذا الشأن وهذا كله لايلغي مجهودات الرابطة بالفترة الأخيرة

أما بالنسبة للمفاجأة هي راح تكون حضور وجه السعد الأمير نواف بن سعد نائب الرئيس بعد رحلة علاجية لأبنه استمرت 10 أشهر وألف الحمدلله ع سلامتك وأنورت الدار بقدومك ياوجه السعد

بأذن الله بكرة هلالية 3/1