|
يـــــاســـــر القـــحـــطـانـي (مهاجم نادي الهلال) انا صراحه مادري اذا اغلب المتابعين تعودو ع ياسر او غسلو يدهم مادري لكن ماني شايف اي تعليقات ع مستوى ياسر في الفترة الحالية لكن ترى هجوم نادي الهلااال ضعييييف بل ومعدووووووووم عناصريا ولحد يقولي اقوى هجوم الاهداف جميعها (فزعه من لعيبه خط الوسط) ياسر يعجز امام المرمى عن ايداع الكرة للشباك يضعها برئسه وضعيفه وبعيده عن المرمى ولا اذا جاك منفرد مايعرف الا بطن الحارس يخبط الكورة فيه لا واحيانا الا ويجيبها هدف رهيب يابن الحلال انت سجل وولف رجلك ع المرمى بعدين سوي اهداف رهيبه تجي بروحها مايحتاج تصنع صراحه ماهي تصرفات لاعب كرة قدم فضلا عن مهاجم باسم ياسر ويمثل النادي الازرق والمحياني ماهو احسن منه لكن يبرر له انه ماخذ فرصته لكن مانتظر منه شي لاجسم ولا سرعه ولا الصويلح اللي كل ماركض جاه شد عضلي وتمزق والعنبر خارج الخدمه دائما ووو بس تصورو وووبس هذا كل هجوم الهلال مادري الاداره زبطت الفريق كامل وماهي مهتمه باحضار مهاجم ومو لازم اجنبي اي لاعب سعودي مع خط الوسط الناري صدقوني بيتالق لو فيه نص موهبه لكن اللعيبه المهاجمين ترى مرررررة مررررررررررة سيئييييين والحمدالله ان عندنا وسط جباااار شال الفريق بس ترى بعض الاوقت تحتاج لمهاجم يستغل انصاف الفرص في المباريات المغلقه مثل مباراه النصر الاخيرة ماقدرنالهم غير ببلنتي ومابغا يجي المحياني كان موديها للوحه الاعلانيه بس النصراوي المقرود تلقف وعملو بريك كانت هزيمه غير متوقعه ابدااا صدمتني النتيجه بس يوم شفت وجه ياسر عرفت اننا في مشكله انا ماقول اطردوهم لكن جيبو مهاجمين وخل يسير تنافس مثل ماهو حاصل بخط الوسط صاااير نااار مشالله انا في موضوعي لاغلطت على اشخاص مافي اي حقد او بغض للاعبين جميعهم مسلمين وسعوديين ونحترمهم كاشخاص لكن المستوى يحق لنا ان ننتقد بما يتعلق كرة القدم فقط وماراح اجامل ناس واغمض العين عن شي مرة واضح |
لاحول ولاقوة الا بالله ........................لاتعليق وايش فيك معصب وماخليت لاعب ماتكلمت عنه |
بذمتك عاجبك مستوى مهاجمي الهلال الحاليين يرضون طموحاتك ؟ فكر فيها .. خط الوسط ترى غطا عيوب كثيرة |
هدي اعصابك وبالنسبه لياسر اختصرها لك: (حضر ياسر تكتيكيآ وغاب تهديفيآ) |
ياعمي اي تكتيك واي فلسفه لعيبه الوسط سجلو وهوا المرمى جنبو مو عارف يحط الكور اللي تجي حتى انطلاقاته مع بعض العرضيات بطيئه وغير موزونة يايسبق الكورة يايتاخر عنها واذا لحقها حطها بطيئه بشكل مطمئن لاي حارس مرمى ياسر مستواه طايح وقارنو بياسر 2006 هل هما نفس اللاعب اتحدى انا اتكلم عن مهاجم جديد يشعل حماس المهاجمين لدينا ويوجد منافسه على الخانه |
ماخليتو الاعبين في حالهم مهاجمين الهلال افضل مهاجمين |
استغفر الله نفتك من سالفة ياسر ترجعونها لنا ياسر بخطة جريتس مو لازم يسجل الكل هنا يسجل و الحمدلله اقوى خط هجوم و اقوى خط دفاع لحد الان في الموسم |
ياخي المفروض أول ماتكتب تبدا بكلمة ( بسم الله الرحمن الرحيم) ؟ والله الهلال يحتاج مهاجم أجنبي !! ولازم ندعم ياسر والمحياني وبقية النجوم بالتوفيق للزعييييييييييم يعطيك الف عافيه |
إقتباس:
ياعمي اللي يبغا يسجل حيسجل مع جيرتس ولا مع غيرو المهاجم القوي المتمكن يخلق لنفسو الجو ويوحي لزملاءه بالثقه ويقول انا هنا اصلا الدفاع صار يراقب خط وسطنا ويتركون ياسر لوحدو معد صار يراقبوه زي زمان لانو ببساطه معد صار يخوف زي ياسر المرعب زمان اللي حتى مع الرقابه يسجل ويرهب |
ياسر يبدو وكانه مرتبك امام المرمى ما ادري ايش فيه لاكن ان شاء الله يرجع مستواه |
إقتباس:
ومهاجم اجنبي خانه الاجانب حاليا فل مانقدر نستغني عن اي لاعب مالك غير سعودي وودي الاداره تشوف مهند عسيري لاعب يسجل في كل مباراه يلعبها وسجل علينا هدف للمناسبه ياليت يقدمون له عرض جاد بمبلغ وقدرو لانو ورانا استحقاقات ومهاجمينا مرة مايجملو |
فريق بحجم الهلال لايتواجد فيه مهاجم قناص حقيقي للفرص ,, خط الوسط يجعل من المهاجم العادي اسطوره .. كلامك واقعي .. |
في اختراع اسمه "جيريتس" هو المسئول الاول والاخير عن الاعبين والتشكيله واذا بغيت تنتقد اي لاعب انتقد من حقك بس بدون تهزي ياسر مسوي اللي عليه واكيد نستنى منه اكثر لثقتنا الكبيره فيه الصويلح ينزل الملعب ويأدي وتراه انقذك في مباراتين المحياني ما اخذ فرصته كامله ويبقى نجم دمــــتك بود |
ما شاء الله عليك متابع الموضوع اول باول وانا اجزم انك اول مرة تكتب موضوع وهذا اليوزر مو يوزر على طول هجوم كاسح ومباغت لياسر بدون مقدمات دليل على انك تحارب القناص وخل ياسر كذا عادي معجبنا مستواه ولا شكلك تبي الصويلح ولا المحياني تجيه الكورة خارج المنطقه يصرفها على طول ما يعرف يتصرف او يرجعها ورا |
فكـــــــــــــونا ماعندكم ساآآآلفة غير هاالمووووضــــــــــــوع ,, الله يعين |
| الوقت المعتمد في المنتدى بتوقيت جرينتش +3.
الوقت الان » 05:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd