شباب .. فول اوبشن - نادي الهلال السعودي - شبكة الزعيم

عــشــق الــكــتــابـه · #21 05/01/2010, 06:40 AM

ملاحظه خارج النص :

ام متعب وش تحسين فيه

.....

بالنسبه للكرش فهي بصراحه مشكله كبيره للشباب وللبنات

وما اعتقد ان اغلب الشباب مكرشين !! الا اذا فالمنطقه اللي ساكنه انتي فيها كذا شي ثاني

بالنسبه لي اشوف المكرشين قليل << اتكلم عن الشباب فقط

لكن تدرين وش المشكله

الشاب ممكن في يوم وليله يدخل مركز صحي ويضعف ويصير جسمه حلو بس يبيله احد يحمسه

لكن المشكله فالبنت اذا ولدت وسمنت كالعاده وش يضعفها

هنا مكمن المشكله

واذا جاك واحد مكرش وخطبك بأمكانك تقولين له يخفف وين المشكله ؟

انا عمي خطب قبل كم شهر وطلبت منه خطيبته يخفف وزنه ودخل مركز صحي وخفف . الحين جسمه حلو ماشاء الله عليه .

اما اذا مارضى فبراحتك انتي معه

الدنيا الحين تغيرت عن اول بالنسبه للأجسام واعتقد ان اتجاه كثير من الشباب لـ لبس الجنزات والبدل غير تفكير كثير من الشباب << هذي وجهة نظري

لأني بصراحه ماقد شفت واحد يكره لبس الجنزات جسمه حلو . يمكن امور نفسيه

والله لو بتكلم عن البنات ومشاكل البنات يبيلي صفحات

خليها مستوره لايجيك موضوع يمشي مليون

سلملم