:: اســأل والمجــلس يُجــيـب :: - صفحة رقم 28 - نادي الهلال السعودي - شبكة الزعيم

الزعيم -الروماني · #1 07/03/2010, 03:47 PM

الحمدلله جهازي مو بلاك بيري
بس الشريحة فيها أرقام مهمة كيف أقدر أطلع بديل لها

كان حلم · #2 07/03/2010, 04:03 PM

الارقام صعبه ما اظن تقدر تجيبها لكن الجهاز والشريحه تقدر تحرقها اذا رقم الجهاز عندك

الزعيم -الروماني · #3 07/03/2010, 04:10 PM

إقتباس

الرسالة الأصلية كتبت بواسطة كان حلم


	الارقام صعبه ما اظن تقدر تجيبها لكن الجهاز والشريحه تقدر تحرقها اذا رقم الجهاز عندك

كيف أحرق الشريحه؟ أنا قصدي بديل للشريحه مو الارقام
شاكر لك

ỳάṡṣẻя · #4 07/03/2010, 04:07 PM

,,,

الله يعوضك

,,,

متابعة بجنون · #5 09/03/2010, 07:33 AM

إقتباس

الرسالة الأصلية كتبت بواسطة الزعيم -الروماني


	مساء الخير للزعماء أنا جوالي طاح مني في سوبر ماركت والى الآن اتصل عليه مره يرن ومره مقفول ما أدري اذا احد اخذه ولا لسى باقي بالمحل وهو على الصامت المحل كله كراتين أنا شاك انه لسى هناك لكن كيف أطلعه وهو صامت والشريحه(سوا) بدون اسم أقدر اطلع له بديل او افصله نهائيا ما لي الا الله ثم انتم انتظر الحلول منكم

//

الله يعوضكـ
الحل انكـ تشتري جوال جديد .,

حالكـ من حالي ..

>> جوالها ضايع بالجامعة قبل الإختبارات وللحين ماحصلته ..

**الـــــــــواوا** · #6 07/03/2010, 05:15 PM

طيب يا زعماء لو إني أشتهيت أعدل النك بالمنتدى

الشغله تطول والا يبغالها واسطه قووويه. ياليت أحد يفيدني.

الله يذكرك بالخير يا عطر الاماكن.

Blanco Soul · #7 08/03/2010, 02:56 PM

السلام عليكم

سؤال لـ أصحاب العدسات اللاصقه

ياحبايب بالنسبه للعدسات اللاصقه مدري ودي اسألكم الحين لا انتهت
مدة العدسات اللي معك وبيت تشتري عدسات جديده يمشي نفس الفحص
حق العيون القديم والا لازم فحص جديد للعيون !!

FINAL10 · #8 08/03/2010, 04:55 PM

إقتباس

الرسالة الأصلية كتبت بواسطة Blanco Soul


	السلام عليكم سؤال لـ أصحاب العدسات اللاصقه ياحبايب بالنسبه للعدسات اللاصقه مدري ودي اسألكم الحين لا انتهت مدة العدسات اللي معك وبيت تشتري عدسات جديده يمشي نفس الفحص حق العيون القديم والا لازم فحص جديد للعيون !!

شفني يابوي بعض محلات النظارات الطبيه الدكتور حقهم يقول عادي ما تغير
وبعضهم يقولون تغير !

ولكن الارجح والاضمن انك تطلب تغيرها على نفس مقاس نظرك اذآ كان
عمرك تحت 22 لآن آذآ تعديت عمر 20 او كاقصى حد 22 ... نظرك رآح يثبت !

فلذلك تجد الي حولك من يلبسون عدسات اغلب اعمارهم فوق 22
لذلك نظره ثابت ولا يحتاج تغيرها من وقت لآخر !!

ارجو اني افدتك

Blanco Soul · #9 08/03/2010, 05:52 PM

الله لايهينك , يالغالي ماقصرت

αlειη αlżαяqα · #10 08/03/2010, 07:40 PM

عندي استفسار بسيط

كم سعر البلايستيشن 3 حالياً

ياليت تفيدوني ..

هلالية والعز عنواني · #11 08/03/2010, 09:01 PM

..^^^..

سألت أخوي الصغير يقول 1600 أو 1700
لآنه هو راح مع أبوي يشتريـه < لآيغركـ أنه صغير بس عقلـه كبير

انشاء الله أكون أفدتكـ

αlειη αlżαяqα · #12 09/03/2010, 02:12 AM

إقتباس

الرسالة الأصلية كتبت بواسطة هلالية والعز عنواني


	..^^^.. سألت أخوي الصغير يقول 1600 أو 1700 لآنه هو راح مع أبوي يشتريـه < لآيغركـ أنه صغير بس عقلـه كبير انشاء الله أكون أفدتكـ

اممممم...

ألف شكر لك أختي

الســفيرة · #13 08/03/2010, 10:29 PM

احد يعرف مواقع للدعوة للدين الاسلامي باللغة الكورية ؟؟

تتكلم عن الاسلام بشكل بسيط لانه بيكون لاشخاص يبون يعرفون عن الدين الاسلامي لعل الله يكتب لهم الهداية

وجزاكم الله كل خير

بريماكس · #14 09/03/2010, 12:25 AM

^^^
جزاك الله خير اختي السفيره بخصوص الدعوه فا اذكر قبل فتره جتني رساله عالأيميل لمركز دعوي بالرياض تحط رقم الشخص او عنوانه وجنسيته وهم يتواصلون معاه .
الرساله لاتحضرني الان ولا وضعته هنا .

هذا اللي اقدر افيدك فيه واتمنى لو اعرف اكثر كان خبرتك من يحصله يكون سبب لا أدخل شخص الأسلام

الله يجزاك خير ويوفقك على حرصك . وان شاء الله ما يقصرون الاحباب يفيدونك .

س : افضل مركز تجميل وين ؟ بشرط يكون مجرب مابي سامع عنه او اعلاناته كثيره او بحث عن طريق العم قوقل

؟
اعرف قريبه بتسوي عمليه تجميل باالانف وقلتله اسالك

.

وليد القحطاني · #15 09/03/2010, 04:30 AM

^^
ايه انا شاريها ..
حلوة جداً