|
طبّيتوا في بطن الملز وحرمتوني من ملعبي المفضل... يا كرهي للاستاد حيـــــــاكم ارحبو ياجمهور :ba: هاهـ وش علومكم ؟؟ عساكم بلعتوا العافية بعد الهزيمة ؟؟ :d هدأت الاعصاب وروّق المزاج ؟؟ رجعتوا للواقع وتذكرتوا ان فريقكم مازال المتصدر ؟؟ وتذكرتوا ان فيه مباراة قاصمة للظهر امام فريق قوي جداً اسمه الاهلي ؟؟ ماراح اتكلم عن اللي فات.. انتفخت روسنا من كثر المواضيع :to: باتكلم عن نقطتين بس اولاً : ايقاف رادوي ومصائب قوم عند قوم فوائد يا خالد عزيز مباراة الاهلي هي نقطة الانطلاق لك .... ان كنت فعلاً ناوي تنطلق مباراة الاهلي هي صك امتلاك الخانة والافراغ فوري اثناء المباراة مباراة الاهلي هي العرض الحصري لفيلم ( عودة الابن الضال ) عزيز شارك في التمارين بفعالية خلال الايام الماضية وعنده رغبه شديدة في العودة الى عزيز ( اللي حنا خابرين ) وفي ماتش الاهلي حتشوفوا اللي وقع ومحدش سمّى عليه :d في انتظارك يابو عزه... والله يوفقك :ba: وبالمناسبة مادمنا نتكلم عن ايقاف زورو ارجعوا معي شوي بالذاكرة وتذكروا هالخبر : - تكفل صاحب السمو الملكي الأمير نواف بن فيصل نائب الرئيس العام لرعاية الشباب بكامل تكاليف رحلة العلاج لنجم نادي النصر الشاب محسن القرني شامل التذاكر والكشف والعملية في حالة إجرائها والعلاج الطبيعي حتى العودة لأرض الوطن. وقد استغرب الكثير من نوعية الإصابة التي يعاني منها وطول فترة علاجه ونظرا للإمكانيات التي يملكها اللاعب المتمثلة في مهاراته الفردية وتصويباته بدقة على المرمى أصبح مطلوباً لدى غالبية الجماهير النصراوية بسرعة عودته إلى الملعب. وكان القرني قد أصيب بضربة رأسية قوية من زميله حسين الجويهر في إحدى الكرات الهوائية المشتركة نقل على إثره لإحدى المستشفيات وعمل 8 غرز بجانب حاجبه. عاد بعدها للملعب ولم يمضي سوى 3 أيام ويصاب في ركبته بدون أي احتكاك وقد يكون أرضية الملعب الرديف بالنادي سبب في إصابته وبدأت رحلة المعاناة للنجم الشاب وكان الكشف الأولي عبارة عن رباط صليبي. تدخلت إدارة النادي لتحويله إلى إحدى المستشفيات الكبيرة وتكفلت الإدارة النصراوية برحلة علاجه خارج الوطن تحديدا في فرنسا ولكن تدخل نائب الرئيس العام لرعاية الشباب وتكفل بكامل مصاريف الرحلة. هذا كان نص الخبر وكانت هالسالفة على ايام مفاوضات ستيوا بوخارست الروماني للقرني وطبعاً يتضح للجميع : الاصابة كانت عفويه من زميله في نفس الفريق ادارة النصر كانت في طريقها لعلاج اللاعب ( وهذا واجبها ) بعد ذلك بفترة جت اصابة الفريدي وهو في عز تألّقه مع المنتخب الجزار بلال ينبرش بكل وحشية ويقصب اقدام آخر المواهب السعودية الاصابة تأتي في وقت حرج وحساس... والمنتخب في أشد الحاجة لهذا النجم ما ذكر أعلاه يعطي الجميع مئات المبررات والمسببات لما جاء بين السطور :yes: . . شبّيتوا على ملعب الملز... ووهقتونا باستاد النحس :s3s: كنّا مبسوطين.. وش حليلنا وش زيننا اربعات وخمسات وتسحيبات وطقطقة رجعنا للاستاد ورجع معه الاحباط :to: ياجماعة الخير والله ماعمري حضرت مباراة للهلال في الاستاد الا واطلع مقهور وعلى الطرف الثاني ماعمري حضرت مباراة للهلال في ( الملز أرينا ) الا واطلع متشقق من الفرحة ياجماعة ترى فيه امور نفسية لازم نعترف فيها ونتعامل معها كما يقتضي الموقف واضح ان لاعبي الهلال يقدمون اجمل مستوياتهم على ارض الملز والاكثر وضوحاً انهم يخورون في استاد الملك فهد ويجيبون العيد وحنا قضيتنا مع ملعب الملز تنظيمية فقط... لكن سالفة انهم يحكمون علينا بنقل كل مباريات الهلال القادمة بالرياض للاستاد انا احتج وبشدة :d اضبطوا امور العساكر اللي عند بوابات الملز.. وافتحوا شبابيك التذاكر وخلوها تملّز الله يرحم والديكم... نبي نستمتع بهلال الملز s13s |
.............. لي عوده معك .............. |
:alzaeem:.............. لي عوده معك ..............:smilie47: |
ملاحظتكـ في محلها .. من تالي ،، الهلال سيء في الإستاد شكرآ على موضوعكـ بوركـ فيكـ |
اول شيء اشكرك على ماطرحتة لنا ثاني شيء الهلال لايعرف الملز ولا الاستاد انا اتفق معاك ان الهلال يقدم شيء طيب بالملز لكن الفرق الكبيرة لأ تتأثر با اختلاف الملاعب مثل اي سي ميلان فريق عريق يلعب بـ اي ارض ويحرج الفرق العريقة على ارضهاا وكذلك الهلال يلعب بـ اي ملعب. الملز صغير وإي فريق يبدع فـية. والاستاد هو الملعب الحقيقي للفرق الكبيرة مثل الهلال...؟؟؟ هذاك ملعب وذاك ملعب وين ماتريد احنا نلعب. والله يوفق الهلال يارب |
YOU ARE ABSILUTELY RIGHT BEST WISHES |
بالنسبه لخالد مثل ما قلت هذي فرصته . .. . . واذا ما استثمرها عز الله راحت عليه .. وبالنسبه للاعب احمد الفريدي عنده من يخدمه وعنده من يتكفل بعلاجه . .. . . ومالنا شغل بالانديه الثانيه . . .. وعلى ملعب الاستاد اي والله مثل ما قلت . . وجه نحس على الهلال . . . والا النصر يفوز علينا وحنا بكامل نجومنا وبعز مستوانا شي غريب والله . . . . العوض ان شاء الله مباراة الاهلي . . . . .. اتمنى عدم التهاون بأي فريق كان . .. . وشكرا على الموضوع . . . . اتمنى من الجماهير الهلاليه الحضور وعدم الاتاكليه على الغير |
من زمان و حنا نقول الأستاد شؤم على الزعيـم ، بس وين اللي يفهــم و الملز فيه صيانـه ، يعني السالفه مطوله وماأتوقع ترجع المباريات لـ الملز الا ممكن الموسم القادم ان شاء الله |
بعض الردود ما فهموا شيء من سالفة القرني والفريدي :D أوضح لكم يعني كيف الحال ياللي عالجت القرني ووقفت رادوي << على بلاطة :D إقتباس:
^^ نفس الكلام كنت أقوله للعيال أمس !! أوافقك في جميع ما ذكرت ولا تحرمنا من هالطله |
حياك كاتبنا الكبير الصخرة أنا معك في كل كلمة قلتها يعطيك ألف عافية لكن أختلف معك بشأن ملعب الملز فأنتم للأسف تتشاءمون من هذا الملعب أتمنى من جميع الجماهير الهلالية و اعتب حقيقة على كاتبنا المميز بشأن التحدث عن الأستاد بهذه الطريقة ترى كلها ملاعب الأهم إنضباط الفريق وش معنى النصر يلعب فيه و حنا لا ..؟ أتمنى لا تصورون للاعبين أن هذا الملعب أصبح لعنة تحية طيبة |
استاد الملك فهد ملعب منحوووس .. لايعرف ذلك ألا من يحظر المباريات فيه من ثلاث سنين من أيام الكويت الكويتي والهلال لايقدم فيه أي مستوى حتى وأن فاز فاز بطلعت الروح!! أتمنى أنت تنقل المباراة للملز يالبيه يالملز بسسسسس محمد بن فيصل أنتبه لهذه النقطة في أخر فترة رئاسته وأذكر أنه طلب نقل مباراة او مباراتين !! أكرر رجاءي للأدارة بطلب نقل المباراة, وأن لم تنقل فنحن انشاءالله ايضاً حاظرون حاظرون !! |
كأني بديت اقتنع بكلام البعض حول استاد الملك ؟؟؟ :mad: فرجاءً لا احد يثبتها براسي :cry:... وماله داعي التطير والتشأؤم :yes:.... اما علاج لاعب النصر حق وواجب على ذالك العاشق النصراوي نواف بن فيصل :ap:... وزين ماعاقبوا الملعب علشان تسبب بأصابة الاعب النصراوي الغالي علي قلوبهم :ranting:... لكن تم العرض على ادارة الهلال بعلاج الفريدي لكن شبية الريح قال نحن ملزومين نعالج لعيبتنا :ba1::ba:... والله يوفق الهلال يارب :ba1::ba: واتمنى من اللعيبة مايجعلون كل مايحدث عذر للاخفاق :ranting:... لو تصير حرب ....... يجب على اللعيبة ان يركزون بالملعب فقط وسيلامون لو فرطوا بالدوري :smilie47: شكرا الصخرة .. |
كلام صحيح الاستاد اكره مدري ليه |
أكثر البطولات الأسيويه والمحليه جاءت على معلب الملك فهد ..!! وبالنسبـه لنواف بن فيصل فـلا أعتقد أن بينه وبين شبيه الريح أي خلاف تراه ولد عزوز وآخر جيه للأمير عبدالعزيز كان معه هو وشبيه الريح قبل شهرين تقريباً ..!! والهلال فيه من يسد ثغرة رادوي وخالد عزيز كان نجم مباراة الأنتر وإن شاء الله مباراة الأهلي إعلان عودة المحارب عزيز ..!! أشكرك ..! |
لي عوده.................... |
| الوقت المعتمد في المنتدى بتوقيت جرينتش +3.
الوقت الان » 09:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd