|
هداف الدوري احتياطي في الهلال ؟؟؟؟؟ رساله عاجله الى جيريتس السلام عليكم بسم الله الرحمن الرحيم حسبي الله ونعم الوكيل في كل من ظلم الهلال او يحاول زعزعة استقراره اللهم اشغله بنفسه يارب اللهم انصر الهلال يارب على اعدائه وانصر شبيه الريح يارب على اعدائه رادوي تبقى كبير يابطل وتستاهل شارة القياده على رووحك العاليه في كل مباراة :smilie47: ندخل في الموضوع على طوول عيسى المحياني لاعب كبير لاعب هداف لاعب اللمسه الواحده لاعب (القول بدون فلسفه ) هداف الدوري موسم 2006/2005جالس في الاحتياط السبب ؟؟؟ ماحد يدري ايش السبب جيريتس يقول ماقتنع باللاعب ؟؟؟ كيف تقتنع فيه وانت لم تشركه الا دقائق معدوده والدقايق الي لعب فيها سجل اهداف وانقذ الفريق من تعادل امام القادسيه او يتسبب في ركلة جزاء لو ان الكابتن ياسر في مستواه او حتى نص مستواه راح اقول لعيسى معليش الكابتن ياسر مبدع لاكن ياسر للاسف مستواه هابط بشكل مخيف ياسر اصبح عاله على الفريق يلعب على الواقف مايتحرك ما يقاتل على الكوره مثل باقي المهاجمين عيسى اول مايدخل يقاتل على الكوره يحتك مع المدافعين ( يعني يسبب لهم قلق ) اما مهاجمنا الاساسي الي هو الكابتن ياسر مافيه رووح ياسر اذا رددت المدرجات القذره الجمله القبيحه ياسر يتحطم يكره الكوره واليوم الي عرف فيه الكوره ياخي شوف مالك راجع من اصابه وماشاء الله عليه صحيح انه مايسجل بس شوف القلق الي مسببه للدفاع شوف سعد الحارثي رباط صليبي الاصابه الي تنهي اللاعب لاكن سعد رجع وبقوه صحيح مايسجل بس مقلق المدافعين بتحركاته وقتاله على الكوره ياسر لاتسجل لاتصنع اهداف لاتسوي شي بس نبي نشوفك تقاتل على الكوره نبي نشوف حماسك في الملعب يا جيريتس ارجوك امنح عيسى فرصه كامله مثله مثل غيره نبي نشوف عيسى يلعب مباراتين كاملتين اقل شي وشوف وش بيسوي انا لست ضد ياسر او اكره ياسر بالعكس ياما وياما تغنينا في الكابتن ياسر لاكن الحق ينقال ياسر مستواه ما يشفع له يلعب اساسي مع الفريق ياسر على عيني وعلى راسي ابو عبد العزيز ياما وياما اسعدنا وياما جندل المدافعين قائد المنتخب السعودي لابد ان يعود لمستواه لاكن ياسر محتاج يجلس مع نفسه لابد لابد ان يذوق ياسر مرارة دكة الاحتياط مثله مثل سامي ويوسف والشلهوب هبط مستواهم مافيه الا الدكه تنتظركم وجلسو على الدكه ورجعو لنا احسن من اول مو عيب ان يجلس اللاعب على الدكه لاكن العيب انه يكون اساسي ومستواه هابط ويكون نقطة ضعف في الفريق كل الي يبيه جمهور الهلال يا جيريتس منح عيسى المحياني الفرصه الكاامله حط تحت الكامله عشرين الف خط مو تلعبه اخر 10 دقايق وتقول انا ما احتاج عسيى رساله اتمنى انها توصل لجيريتس صدقوني راح تشوفون هجوم الهلال غير مع طلق المحيا حط عيسى في الصندوق واستمتع بالاهداف تبقى وجهة نظر والي يبي يطبل لياسر يشوف له موضوع غير موضوعي انا احب واعشق الهلال فقط |
افا وينكم يامشرفينا الموضوع طول في منتدى التقييم |
والله يااااااااذيب اضم صووووووتي لصوتك يستااااااااهل طلق المحيا يلعب اسااااسي ويااااسر محتااااااج الرااااحه الاجبااااريه ليعووووود يااااااااااسر كما عهدناااااااه مشكوووور وبالتوفيق للزعيــــــــــم والله لايوفق الظاااااااااااااااااالم |
انا اقوول نوااف العاابد هو اللي يستااهل يكووون اسااسي |
كّلامك صحّيح 100% يآٌّسّر يجب آن يٌجّرب الدّكة مشكّور أخوّي |
أحييك على هذا الفكر النير اما المطبلين تناسوا بأن عيسى وياسر كلاهما هلاليان إذن لنبحث عن مصلحتنا باختيار أحدهما كنت من الذين يؤيدون وجود ياسر في الملعب لعله يرجع ولكن في المباريات الأخيرة أيقنت بأن عيسى هو الحل وياسر لابد أن يجلس على الدكة كما جلس الموهوب من قبله الذي فعل أضعاف ما فعله ياسر في الهلال ومع هذا جلس في الدكة إذن ما العيب لو أن ياسر جلس على الدكة حتى يرجع الى سابق عهده |
وانا اضم صوتي لصوتك يابعدي بيني وبينك ياسر زودها حبتين مالك معاذ رجع لمستواه سعد الحارثي رجع لمستواه لعد الرباط الصليبي ياسر لا اصابه ولاهم يحزنون ومستواه متدني كل يوم نقول لا المباره ذي راح يبدع كل ماسجل هدف نقول خلاص ياسر رجع والبمراه الجايه راح يكون ياسر الاول ولكن نفس المستوى ان ماهو اقل لازم يعطون المحياني فرصه ونقف وقفه صادقه مع عيسى المحياني وكذالك نسانده بالتشجيع مو بس ياسر ساسر وهو باقل مستوياته شكراص على هذا الطرح |
صرااحه كلامك عين العقل .. ياسر ماهو ياسر اول .. تغيير كثيير .. ولازم يراجع حساباته .. والهلال كوكبه من النجوم .. ولازم عيسى ياخذ فرصته .. 3 او 4 مبارايات كامله .. مو نص شوط ويطلع .. |
ماش ياسر شغله مــو مضبوط الفترهـ الاخيــرهـ واتمنى انه يخليه في الاحتياط ويدخله ورقة رابحه آخر نص او 20 دقيقه من نهـاية المبــاراة .. اما شغله هذا .. ينطبق على المثل الي يقول : .. لا يرجم ولا يجمـع حصــآ |
إن شاء الله نرى عيسى المحياني في الايام القادمة قائد للهجوم الهلالي بدل ياسر لانه ياسر هبط مستواه بشكل مخيف للغاية ولازم يأخذ فترة راحة يراجع نفسه لكي يعود ياسر الذي عهدناه قائد للهجوم الهلالي والمنتخب السعودي ويجندل الخصوم واحد تلو الاخر فإذا عاد إلى بداية عهده وتوهجه سنتوقف عن المطالبة بإشراك المحياني لان ياسر سيكون كفؤ لقيادة الهجوم الهلالي بعد عودته لمستوياته المعهودة تحياااتي |
: إقتباس:
I DO AGREE MATE:yes::yes::yes::yes::yes::yes::yes::yes::yes::yes::yes::yes: |
كلام سليم و للإثبات شوف نيفيز أول ما لعب كان بدون مستوى صار يلعب المباريات كاملة حتى يتأقلم رغم ضعف مستواه في البداية والآن شوف كيف صار أهداف هاتريك و صناعة أهداف والسبب / التأقلم لابد من المدرب أن يشرك عيسى أساسياً ويلعب المباراة كاملة حتى يتأقلم مثل ما صار لنيفيز |
ياسر اصبح عاله على الفريق يلعب على الواقف مايتحرك ما يقاتل على الكوره مثل باقي المهاجمين لا تعمم ان مستواه في كل مبارة نازل فيه مباريات كان متالق يصلح كور وكان مركز بس ما سجل ( اتمنى انك كل مبارة تشوفها مره وثنتين بعدين تكتب ) عزيزي ياسر احيانا نشوفه يصلح كور واحيانا اذا كان فيه هجمه على مرمانا تلقاه هو الى يخلص الكور واذا تخالف كلامي فانت ما تابع المبارة الى مره وحده او في الملعب وبس اما عيسى راس حربه فقط ركز ( انتمى ان ياسر يحترف خارجيا يترك جمهور الهلال وجمهور الانديه الثانية المتخلفه :smilie47: :ba:) شوف سعد الحارثي رباط صليبي الاصابه الي تنهي اللاعب لاكن سعد رجع وبقوه صحيح مايسجل بس مقلق المدافعين بتحركاته وقتاله على الكوره اما هذي معليس النصراويين غيرو ا اسمه لسعد النايم :s3s: قلت السهلاوي صح لاعب من جد |
صادق وانا خوك لازم عيسى يلعب اساسي من الشوط الاول حتى يتأقلم مع خطة المدرب المشكلة ان المدرب يقول عيسى مايعرف يطبق تكتيكي وشذا الكلام لاعب مايلعب الا اخر ربع ساعة وتقول مايطبق التكتيك طيب العب اثنين راس حربة وخل عيسى داخل الصندوق وخل ياسر متحرك عشان يطبق تكتيكك |
أنا أضم صوتي معك بس في حاجه ألا وهي :::::: أنا أبغى أعرف المنتدى هذا بس مفتوح لانتقاد المرشدي والزوري والدعيع ونامي وعزيز بس وياسر الملك المقدس اللي ما أحد يبغانا نقول وجهة نظرنا فيه عيسى أول موسم له مع الفريق وماعجبكم من أول مباراة الا اذا سجل عجبكم واذا ماسجل ياويله وياسر شوف كم مباراة لعبها وشوف مستواه الهابط من جد ياسر يحتاج دكة الاحتياط ولو لمباراة واحده خله يذوق مرارة الدكه وجهة نظر اسمحلي عالاطاله تحياتي الحريه |
| الوقت المعتمد في المنتدى بتوقيت جرينتش +3.
الوقت الان » 06:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd