|
ياغدار ياقحطاني لعنبوا وقتٍ غدينا به حطب ؛ ؛ ؛ ؛ شاهدو الهدف هذا..! اضغط هنا كثرة الاقاويل عن ياسر.. ومع لاسف اني اشاهدها هنا بمنتدى الزعيم...! يعني اذا ماسجل ياسر مستواه هابط ولاعب فاشل ولازم يجلس بدكة البدلاء ..؟ يافاهمين الكوره الحديثه الاعب اذا ماسجل فهو يصنع وهذي الاحترافيه ... وصدقوني اذا سجل ياسر < ياسر عاد ياسر رجع لمستواه ...؟؟ يكفي في كل مباراه ان اافضل دفاع للخصم اثنين منهم يتولون مراقبه ياسر ... يكفي انه يخلق مساحات للاعبي الوسط بالتهديف ... نسينا مباراه الاهلال ضد الاتحاد ..؟ صنع هدفين وهدفين من غير المنطق انه لايسجلها لكن ...الحظ العنييد لياسر .. .. (( ياسر 2007 )) .. لا توصف من سنة .. [ أصبح قائد المنتخب السعودي ] شرفنا ببطولة أسيا ، رفع رأسنا ببطولة أسيا ، أفرحنا ببطولة أسيا وغير ذلك [ نال على جائزة هداف بطولة أسيا ] يا له من قائد مخضرم لعب المنتخب السعودي أجمل المبارايات ، فـ ياسر في كل مباراة يرينا أجمل اللمحات.. أهداف تدرس ، أهداف تعلم لـ الصغار..فهو لا عب كبير بكل إقرار.. في نفس السنة.. ياسر .. [ أصبح من هدافي العالم ] فـ العاشر ، ثم السادس ، ثم الخامس .. ** بعدها بأيام قليلة .. نسمع أجمل الأخبار ياسر .. أشهر لا عبي العالم سؤال للكل ..؟ ياسر مستواه هابط..؟ اذكر لي مباراه واحده بالدوري ياسر لم يصنع شئ اطلاقاً او انه اسوى من لعب بالمباراه ..؟ حرام والله عليكم تخلون الجماهير الاخرى تتشمت في ياسر الكاسر ... وحتى لو قلنا مستواه هابط ..ايعني اننا خلاص بعناه مانوقف وياه ...!!! يجب علينا مؤازرة الكابتن ياسر والوقوف معه ويجب المسانده له ... انا شخصيا لو اني بمكان ياسر والله العظيم تلقائي لأعلن اعتزالي واتوقف عن لعب الكوره حاربوه نفسيا ( ياسر وينه ....) يعني بالله عليكم انت وهو تتقبلون الكلام هذا ..؟ وقدام زوجتك وامك وخواتك واخوانك ..؟ ومع ذلك تلاقيه يضحي من اجل الزعيم وجماهيرهـ...! ولكن جزا المعروف بعشر كفوف ممن يريدون اسقاط الكاسر ...لكن هيهات جمهور القرن كما هي عادتكم الوقوف مع الزعيم ومع نجومه ومساندتهم... والوعد الخميس القادم ... وعندي امل كبير ان ياسر بيسجل هاترك بالمباراه ... شكرا لكم |
موضوعك جدا ً جميل ورائع بس انا عندى وجهة نظر انا اقول ان ياسر محتاج لـ لاعب بمواصفات طارق التايب لن بصراحه من راح طارق محد يصنع لـ ياسر |
ممكن اسألك سؤال ؟؟؟؟ هل ياسر عاجبك مستواه الآن ؟؟؟؟؟ |
ننفخ في قربة مشقوقه يعني اللي ينتقد صار مايفهم بالكوره ... يعني اذا قلنا ياسر هذا الموسم مستواه جدا منخفض صرنا مانفهم بالكوره ياعزيزي كونك تحب ياسر فهذا شيء يخصك اما كونك بتدور له العذاريب لانه نجمك المحبوب فهذا موضوع ثاني ماقي مهاجم بالعالم ترى مايمسكونه الدفاع او مايسحب معاه مدافع ..والا تبي ياسر يسجل هدف وهو منسدح ومامعاه احد ارحمونا من هالمواضيع عن ياسر اللي بالنهايه ماراح ترجع ياسر لمستواه في 7 مباريات متبقيه عطيناه فرصه الموسم كله واي لاعب غيره لو اخذ مكانه قدم افضل منه لكن كون فيه جماهير من نوعيتكم فهو قاعد على قلوبنا .. |
من المؤسف حقيقه ان بعض الاعضآء جعلوا من انفسهم محآمين ليآسر القحطآني حتى ومستوآه في نزول كلآم أن ياسر مآيسجل ويشغل المدآفعين كنا نقوله من قبل ونحآول نرفع معنويآت يآسر لـكن لآزم يآسر يقتنع انه مستوآه في إنحدآر ويجب عليه الاعترآف بذلك يآعزيزي إحنآ نشجع الهلآل ونشجع ياسر وجميع لعيبة الهلآل لكن اذا شفنآ وآحد مستوآه نآزل يجب الوقوف بحزم وآلبحث عن الأسبآب وليعرف اللآعب أن خلفه جمآهيرٍ لآتحب آلتخآذل بأي شكل شآكرٍ لك مع تمنيآتي بترٍك التعصب للآعب بعينه وآلمكآبره بأن مستوآه لم يهبط وتشجيع جميع لآعبين نآدينآ |
والله ياكثر الي يطبلون لياسر ياخي انا يقهرني الي يقول ياسر اذا ماسجل صنع او سحب معه مدافعين في مباراة النصر لاذي ولاذي وياكثر المبارايات الي قبل بس انا جبت المباراه القريبه علشان يذكرونها مطبلين ياسر اتمنى من الجمهور الهلالي المباراه الجايه تحيه لعيسى من بداية المباراه الى نهايتها خلونا نعطيه ربع حقه يكفي انه ضحى بعرض الفقر علشان الهلال |
مع الاسف جمهور الهلال (يبون لاعب بمواصفات الكبتن ماجد و الكبتن رعد) عندي سوال هل الوسط لعب بمستواه المعهود اذا الجواب لا يجب ان لا نحمل ياسر فوق طاقته |
ما فيــــــــــــــــــــــــــــــــــــــــه طارق =====ما فيـــــــــــــــــــــــــــــــــــــــه ياسر |
في البداية اقول لكاتب الموضوع ..نحن لانتمنى لياسر ان يفشل ...او يكون تحت المستوى ..نحن نتمنى لياسر اوغيره من الاعبين الهلالليين .. ان ينجحوا .. لكنك انت مثل الذي يحاول ان يغطي نور الشمس بقطعة قماش سوداء ..هي كلامك البعيد جدا عن الحقيقة ...!!!!! ومثل مايقولون الحب اعمى ... مازلنا نخاف من التغيير في اللاعبين وتنسيقهم او بيعهم ...والا لما جلس العنبر والصويلح 7 مواسم ..!! لم يثبتوا فيها ولا لأي مدرب انهم مناسبين في مستوياتهم |
بإختصار .. سؤال واضح و سهل ... هل سيكمل ياسر المتبقي من عقده بهذا الشكل ... سؤال وجهه صاحب السمو الملكي الأمير عبدالله بن مساعد ... و أظن أن مايقدمه ياسر الآن هو أبعد ما يستطيع تقديمه ... المشكلة أننا فقدنا الأمل من انتظار ياسر و عودته ... حبيبي أنت ممكن نتنظر ياسر مليووون سنة و أنا ممكن أنتظره معك وزيادة بعد .. لكن السؤال ... هل الدوري و الآسيوية بتنتظر ياسر ... المهاجم يسجل من اللافرصة وليس من نصفها ... لا تقول يصنع و يفتح مساحات ... ياسر يضيع في كل مباراة على الأقل 4 فرص أهداف محققة ... بالله شفت تمركز ياسر في كل هجمة ... بالله شفت حركته بالكور العرضية .... كفاكم بحثا عن أعذار لياسر ... بالنهاية و على الأقل لا أظن أن شخص كخالد الشنيف عندما يقول اضعف خطوط الهلال هو خط الهجوم و يعطيك تعليق مفصل عن تحركات ياسر وكأنه مهاجم مبتدئ و صاحب إمكانيات متواضعة يب يكذب ولا يحارب ياسر ... الهلال بحاجة إلى مهاجم أجنبي يأكل الأخضر و اليابس |
حسبي الله ونعم الوكيل أنا بكل صراحة أكره لاعب عندي في العالم ياسر هذا اللي كل يوم تطبلون له وتدافعون عنه والضحية هو الهجوم الهلالي ماأسوأكم ياجمهور اللاعبين --- الحاجة ملحة للمهاجم الآجنبي ليعرف ياسر أنه أصغر بكثير من اللعب أساسياً للزعيم |
إقتباس:
ولعلمك ترى الموسم الماضي كنت متابع ياسر ..( الظن انه جاب العصبي للتايب ) وكان مستواه مثل هذا المستوى الآن.....!! يعني عاله على الفريق بس الجماهير ينسون ...!!!؟؟؟ بالنسبة لي فالمسئلة ماهي على الاهداف المسئلة ان هذا اللاعب حتى لو سجل ..فاعتبر تحركاته في منطقة الهجوم وتفاعله ناقص بكثيييييييير حتى لو سجل اهداف ..لأن الهدف قد يأتي لك بسهولة تامه ! |
صحيح يا أخوان ياسر نازل مستواه وأنا عندي رد للأخ سر المشاعر طيب ياسر مع المنتخب اللي مصلح الأهداف التايب ها ياسر لاعب كبير بطارق ولا بدونه صحيح مستواه ولكن لا يعني انا نزول مستواه بسبب رحيل التايب تقبل تحياتي أخوووك مشاري الشمري |
إلى جمهور ياسر فقط كآنوا يقولون ياسر هدآف يوم صآر ما يجيب أهدآف قالوا ياسر يصنع أهدآف يوم صآر لا يسجل ولا يصنع قالوا ياسر يشغل المدافعين ويوم صآر لا يسجل ولا يصنع ولا يشغل قالوا يكفي إنه يصنع الرعب ويوم صآر لا يسجل ولا يصنع ولا يشغل ولا يرعب قالوا ياسر اللاعب التكتيكي !!!!!! إلى متى |
يعطيك الع ــآفيه عالموضوع الرآآئـع ولايهمك بعض الجماهير اللي فقالمنتديات تلاقي نصهم نصرآويه والجماهير اللي فالملعب كلنا نعرفها وهي اللي تشجـع ياسر ومعه دآيم والله يوفق ابو عبدالعزيز أما المنتديات نصهم مندسين ويبون يخربون وغيرهم مادرى عنهم ياسر ياسر يهمه المدرج وبس فالمنتديات غير موثوقين تحياتي لك وكلنا مع القناص |
| الوقت المعتمد في المنتدى بتوقيت جرينتش +3.
الوقت الان » 07:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd